| ສື່ມວນຊົນ ມາເລເຊຍ ຕີລາຄາສູງການເຄື່ອນໄຫວຈັດຕັ້ງ SEA Games 31 ຂອງ ຫວຽດນາມ | |
| EuroCham ຫວຽດນາມ ຈັດ “ເວທີປາໄສ ແລະ ງານວາງສະແດງເສດຖະກິດສີຂຽວ (GEFE) 2022” ໃນທ້າຍເດືອນ ພະຈິກ 2022 |
 |
| ຫວຽດນາມຈັດກອງປະຊຸມສຳມະນາຮ່ວມ ກ່ຽວກັບການປົກປ້ອງແຫຼ່ງນໍ້າ ແລະ ພື້ນຖານໂຄງລ່າງການສະໜອງນໍ້າໃນການປະທະອາວຸດ. ພາບ: baoquocte.vn |
ຜ່ານມາ, ຄະນະຜູ້ແທນຫວຽດນາມຢູ່ສະຫະປະຊາຊາດ ພ້ອມກັບຄະນະຂອງປະເທດສະວິດ, ເຊເນການ, ສະໂລເວນີ, ກອງທຶນເພື່ອເດັກ ອົງການສະຫະປະຊາຊາດ (UNICEF), ອົງການກາແດງ ສາກົນ (ICRC), ອົງການເພື່ອສັນຕິພາບ (PAX) ຈັດກອງປະຊຸມສົນທະນາທາງໄກດ້ວຍຫົວຂໍ້ “ປົກປ້ອງແຫຼ່ງນໍ້າ ແລະ ພື້ນຖານໂຄງລ່າງການສະໜອງນໍ້າໃນການປະທະອາວຸດ”. ກິດຈະກຳນີ້ ນອນຢູ່ ໃນຂອບເຂດສັບປະດາສະຫະປະຊາຊາດກ່ຽວກັບການປົກປ້ອງປະຊາຊົນໃນການປະທະກັນດ້ວຍອາວຸດ ປີ 2022 ເຊິ່ງໄດ້ຈັດຂຶ້ນລະຫວ່າງວັນທີ 23-27 ພຶດສະພາ.
ກ່າວຄຳປາໄສໃນກອງປະຊຸມສຳມະນາ, ທ່ານດັ່ງຮວ່າງຢາງ ເອກອັກຄະລັດຖະທູດ, ຫົວໜ້າຄະນະ ຂອງຫວຽດນາມຢູ່ສະຫະປະຊາຊາດ ໄດ້ຢືນຢັນ ຫວຽດນາມຮັບຮູ້ຄວາມປອດໄພຂອງແຫຼ່ງນໍ້າ ແມ່ນພື້ນຖານຂອງສັນຕິພາບ, ສະຖຽນລະພາບ ແລະ ການພັດທະນາສຳລັບທຸກປະເທດ ແລະ ຊຸມຊົນ; ພ້ອມທັງສະແດງຄວາມເປັນຫ່ວງກ່ຽວກັບຜົນຮ້າຍທາງດ້ານມະນຸດສະທຳຕ່າງໆທີ່ຈະຕາມມາ ແລະ ຄວາມຫຍຸ້ງຍາກທີ່ເກີດຈາກການທຳລາຍຊັບພະຍາກອນນໍ້າ ແລະ ພື້ນຖານໂຄງລ່າງການສະໜອງນໍ້າ ໃນການປະທະອາວຸດຢູ່ຫຼາຍບ່ອນ, ໃນນັ້ນມີ ອາຟຼິກກາ ແລະ ພາກພື້ນຕາເວັນອອກກາງ. ເອກອັກຄະລັດຖະທູດຮຽກຮ້ອງທຸກຝ່າຍທີ່ກ່ຽວຂ້ອງ ຍົກສູງສະຕິ ແລະ ຊຸກຍູ້ການປະຕິບັດບັນດາພັນທະຕາມກົດໝາຍວ່າດ້ວຍມະນຸດສະທຳສາກົນ; ກະຕຸ້ນສະພາຄວາມໝັ້ນຄົງ ປຶກສາຫາລຶ ແນໃສ່ຍົກອອກວິທີການແກ້ໄຂທີ່ລະອຽດຂຶ້ນຕື່ມ ເພື່ອແກ້ໄຂບັນດາສິ່ງທ້າທາຍຂອງການບໍ່ມີຄວາມປອດໄພດ້ານແຫຼ່ງນໍ້າໃນການປະທະກັນດ້ວຍອາວຸດ.
ຢູ່ໃນກອງປະຊຸມສຳມະນາ, ຜູ້ຕາງໜ້າຫຼາຍປະເທດ ແລະ ອົງການຈັດຕັ້ງ ໄດ້ຕີລາຄາສູງມະຕິ ສະບັບເລກທີ 2573(2021) ຂອງສະພາຄວາມໝັ້ນຄົງ ໂດຍຫວຽດນາມ ເປັນຜູ້ສະເໜີກ່ຽວກັບການປົກປ້ອງພື້ນຖານໂຄງລ່າງທີ່ຈຳເປັນຕໍ່ຊີວິດການເປັນຢູ່ຂອງປະຊາຊົນ.
ໄຊພອນ
