ການລົງພຶດຕິກຳຕົວຈິງແລ່ນຜ່ານທົ່ງຜະລິດໄຟຟ້າແຮງລົມໃຫຍ່ທີ່ສຸດຢູ່ ຫວຽດນາມ

15:43 | 24/05/2022

ຍສໝ - ນີ້ແມ່ນການແຂ່ງຂັນແລ່ນ Coteccons ກ໋ວາງບິ່ງ Marathon 2022, ໂດບບໍລິສັດຫຸ້ນສ່ວນກໍ່ສ້າງ Coteccons ສົມທົບກັບຄະນະກຳມະການປະຊາຊົນແຂວງ ກ໋ວາງບິ່ງ ຈັດຕັ້ງຢູ່ເຂດຟາມຜະລິດໄຟຟ້າແຮງລົມ B&T (ກ໋ວາງບິ່ງ) - ຟາມຜະລິດໄຟຟ້າແຮງລົມໃຫຍ່ທີ່ສຸດ ຫວຽດນາມ.

	SEA Games 31: ງານມະຫາກຳກິລາ ທີ່ປອດໄພ, ມີຄວາມສະເໝີພາບ ແລະ ປະທັບໃຈ
	ກິລາ ຫວຽດນາມ ຢັ້ງຢືນທີ່ຕັ້ງບົດບາດໃນພາກພື້ນ ແລະ ບືນຕົວຂຶ້ນສູ່ລະດັບສາກົນເທື່ອລະກ້າວ

ການລົງພຶດຕິກຳຕົວຈິງແລ່ນຜ່ານທົ່ງຜະລິດໄຟຟ້າແຮງລົມໃຫຍ່ທີ່ສຸດຢູ່ ຫວຽດນາມ

ພາບປະກອບ: ຄະນະຈັດຕັ້ງ

ການແຂ່ງຂັນແລ່ນຈະໄດ້ດຳເນີນໃນລະຫວ່າງວັນທີ 5 – 6 ສິງຫາ 2022, ສົມທົບຮູບແບບ Glamping music-fest ໝັ້ນໝາຍວ່າ ຈະນຳມາເຊິ່ງເສັ້ນທາງແລ່ນທີ່ສວຍງາມທີ່ສຸດ ແລະ ການລົງພຶດຕິກຳຕົວຈິງທີ່ບໍ່ເຄີຍມີມາກ່ອນໃຫ້ແກ່ບັນດານັກກິລາ. ການແຂ່ງຂັນແລ່ນບໍ່ພຽງແຕ່ແມ່ນການແຂ່ງຂັນເພື່ອຍາດເອົາອັນດັບໜຶ່ງເທົ່ານັ້ນ ຫາກຍັງແມ່ນການປະກອບສ່ວນແຜ່ກະຈາຍການດຳລົງຊີວິດສີຂຽວ, ຍືນຍົງ, ເປັນມິດກັບສິ່ງແວດລ້ອມອີກດ້ວຍ.

ນີ້ແມ່ນການແຂ່ງຂັນແລ່ນ Coteccons ກ໋ວາງບິ່ງ Marathon 2022, ໂດບບໍລິສັດຫຸ້ນສ່ວນກໍ່ສ້າງ Coteccons ສົມທົບກັບຄະນະກຳມະການປະຊາຊົນແຂວງ ກ໋ວາງບິ່ງ ຈັດຕັ້ງຢູ່ເຂດຟາມຜະລິດໄຟຟ້າແຮງລົມ B&T (ກ໋ວາງບິ່ງ) - ຟາມຜະລິດໄຟຟ້າແຮງລົມໃຫຍ່ທີ່ສຸດ ຫວຽດນາມ.

ດ້ວຍຫົວຂໍ້ Green Up, ການແຂ່ງຂັນແລ່ນດັ່ງກ່າວຈະນຳໃຊ້ບັນດາວັດຖຸຜະລິດຄືນໃໝ່, ວັດຖຸເປັນມິດກັບສິ່ງແວດລ້ອມໃຫ້ໄດ້ຫຼາຍທີ່ສຸດ. ລະອຽດແມ່ນ ເສື້ອຂອງບັນດານັກກິລາໄດ້ຜະລິດຈາກວັດຖຸ ຜ້າ Nano ເຊິ່ງແມ່ນວັດຖຸຜະລິດຄືນໃໝ່ຈາກຕຸກນ້ຳ ແລະ ຢາງ, ໄດ້ຜະລິດຈາກບັນດາໂຮງງານທີ່ບັນລຸມາດຖານຜະລິດຄືນໃໝ່ທົ່ວໂລກ GRS, ເປັນມິດກັບສິ່ງແວດລ້ອມ.

ຫຼຽນໃນການແຂ່ງຂັນກໍ່ໄດ້ຜະລິດດ້ວຍວັດຖຸພິເສດ ທີ່ໄດ້ຜະລິດຄືນຈາກຂີ້ເຫຍື້ອປຼາດຕິກ. ບັນດາຜະລິດຕະພັນຕ່າງໆທີ່ໄດ້ນຳໃຊ້ໃນການແຂ່ງຂັນກໍ່ໄດ້ຜະລິດຈາກບັນດາວັດຖຸອຸປະກອນຂອງໂຄງການກໍ່ສ້າງ, ສາມາດຕິດຕັ້ງ ແລະ ນຳໃຊ້ຄືນໃໝ່ໄດ້, ຈຳກັດການປ່ອຍຂີ້ເຫຍື້ອອອກສູ່ສິ່ງແວດລ້ອມ.

ພິເສດ, ດ້ວຍແຕ່ລະ 5 ກີໂລແມັດ ທີ່ນັກກິລາແລ່ນໄດ້, Coteccons ຈະປູກຕົ້ນໄມ້ຕື່ມອີກ 1 ຕົ້ນໃນວິວັດການປູກຕົ້ນໄມ້ທົ່ວຫວຽດນາມ ຕາມແຜນນະໂຍບາຍຂອງທ່ານນາຍົກລັດຖະມົນຕີ.

ບຸນຄົງ