| IMF ຈະໜູນຊ່ວຍຫວຽດນາມຜ່ານຜ່າຄວາມຫຍຸ້ງຍາກຂອງໂລກລະບາດໂຄວິດ-19 | |
| ກອງທຶນເງິນຕາສາກົນ (IMF):ຫວຽດນາມ ຈະບັນລຸການເຕີບໂຕ GDP ໄວກ່ວາໝູ່ໃນອາຊຽນ ໃນປີ 2022 |
 |
| ທ່ານນາຍົກລັດຖະມົນຕີ ຟ້າມມິງຈິງ ໄດ້ມີການສົນທະນາທາງໂທລະສັບກັບທ່ານຮອງຜູ້ອຳນວຍການໃຫຍ່ IMF Antoinette Monsio Sayeh (ພາບ: VGP) |
ທ່ານນາຍົກລັດຖະມົນຕີ ຟ້າມມິງຈິງ ໄດ້ສະເໜີ IMF ໃຫ້ຄຳປຶກສາ, ມີຂໍ້ສະເໜີແນະກ່ຽວກັບນະໂຍບາຍ ແລະ ການໜູນຊ່ວຍດ້ານເຕັກນິກ, ຝຶກອົບຮົມແຫຼ່ງຊັບພະຍາກອນມະນຸດ ເພື່ອຊ່ວຍໃຫ້ລັດຖະບານຫວຽດນາມ ວາງແຜນກໍານົດ ແລະ ຜັນຂະຫຍາຍແຜນການພັດທະນາເສດຖະກິດ-ສັງຄົມ ໄລຍະ 5 ປີ (2021-2025) ຢ່າງມີປະສິດທິຜົນ ແລະ ຍຸດທະສາດການພັດທະນາເສດຖະກິດ-ສັງຄົມ ໄລຍະ 10 ປີ(2021-2030); ຮ່ວມເດີນທາງກັບ ຫວຽດນາມ ໃນການພັດທະນາເສດຖະກິດ - ສັງຄົມ, ມຸ່ງໄປເຖິງຈຸດໝາຍກາຍເປັນປະເທດພວມພັດທະນາທີ່ມີພື້ນອຸດສາຫະກຳທັນສະໄໝ, ມີລາຍຮັບປານກາງສູງໃນປີ 2030 ແລະ ກາຍເປັນປະເທດພັດທະນາທີ່ມີລາຍຮັບສູງໃນປີ 2045.
ກ່ອນອື່ນໝົດ, ສະເໜີ IMF ໜູນຊ່ວຍ ແລະ ໃຫ້ຄໍາປຶກສາແກ່ຫວຽດນາມໃນການຮັບປະກັນຄວາມສະຖຽນລະພາບຂອງເສດຖະກິດມະຫາພາກ; ພັດທະນາຕະຫຼາດທຶນຢ່າງໂປ່ງໃສ ແລະ ຍືນຍົງ; ຄວບຄຸມເງິນເຟີ້; ພັດທະນາ logistics, ຫຼຸດຄ່າຂົນສົ່ງ; ປ່ຽນໃໝ່ເຕັກໂນໂລຢີ, ການຫັນເປັນດິຈິຕອນ; ເພີ່ມຄວາມຫຼາກຫຼາຍຂອງຕ່ອງໂສ້ການສະຫນອງ; ຕ້ານການປ່ຽນແປງດິນຟ້າອາກາດ; ຫັນປ່ຽນພະລັງງານ...
ທ່ານຮອງຜູ້ອຳນວຍການໃຫຍ່ IMF ຢືນຢັນວ່າ ຫວຽດນາມ ແມ່ນໜຶ່ງໃນບັນດາຄູ່ຮ່ວມມືທີ່ດີຂອງ IMF; ຢືນຢັນວ່າ IMF ພ້ອມທີ່ຈະໜູນຊ່ວຍ ຫວຽດນາມ ຕາມການສະເໜີຂອງທ່ານນາຍົກລັດຖະມົນຕີ, ໃນນັ້ນ ຈະສືບຕໍ່ໜູນຊ່ວຍ ຫວຽດນາມ ໃນການໃຫ້ຄໍາປຶກສາເພື່ອສ້າງນະໂຍບາຍ; ປາດຖະໜາໄດ້ມາຢ້ຽມຢາມ ແລະ ເຮັດວຽກໂດຍກົງກັບອົງການຮັບຜິດຊອບຫວຽດນາມ ເພື່ອໃຫ້ມີບັນດາລາຍການທີ່ລະອຽດ.
ຫອມມາລາ
