| ກອງທຶນເງິນຕາສາກົນ (IMF):ຫວຽດນາມ ຈະບັນລຸການເຕີບໂຕ GDP ໄວກ່ວາໝູ່ໃນອາຊຽນ ໃນປີ 2022 | |
| IMF ຍ້ອງຍໍຜົນງານຂອງຫວຽດນາມ ໃນການປ້ອງກັນ ແລະ ຕ້ານການລະບາດຂອງ COVID-19 |
 |
| IMF ຈະໜູນຊ່ວຍຫວຽດນາມຜ່ານຜ່າຄວາມຫຍຸ້ງຍາກຂອງໂລກລະບາດໂຄວິດ-19. ພາບ: TTXVN |
ທ່ານປະທານປະເທດ ຫວຽດນາມ ຫງວຽນຊວນຟຸກ ກໍ່ສະແດງຄວາມຊົມເຊີຍ IMF ສໍາລັບການປະສານງານກັບທະນາຄານໂລກ (WB), ອົງການອະນາໄມໂລກ (WHO) ແລະ ອົງການການຄ້າໂລກ (WTO) ເພື່ອສ້າງຕັ້ງກົນໄກກຸ່ມປະຕິບັດງານພິເສດກ່ຽວກັບວັກຊີນກັນ COVID-19 ເພື່ອຊຸກຍຸ້ການສະໜອງວັກຊີນ ແລະ ບັນດາເຄື່ອງມື, ອຸປະກອນການແພດໃຫ້ແກ່ປະເທດກໍາລັງພັດທະນາ.
ຜ່ານນັ້ນ, ທ່ານປະທານປະເທດ ຫວຽດນາມ ຫງວຽນຊວນຟຸກ ກໍ່ຫວັງວ່າ IMF ຈະໜູນຊ່ວຍຫວຽດນາມໃນການເຂົ້າເຖິງແຫຼ່ງວັກຊີນ ແລະ ສືບຕໍ່ຮ່ວມເດີນທາງກັບຫວຽດນາມໃນວິວັດການພັດທະນາ, ມຸ່ງໄປເຖິງເປົ້າໝາຍກາຍເປັນປະເທດກຳລັງພັດທະນາດ້ວຍພື້ນຖານອຸດສາຫະກໍາທີ່ທັນສະໄໝ, ມີລາຍຮັບປານກາງສູງໃນປີ 2030 ແລະ ກາຍເປັນປະເທດພັດທະນາ, ມີລາຍຮັບສູງພາຍໃນປີ 2045 ຕາມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 13 ຂອງພັກ ທີ່ໄດ້ວາງອອກ.
ທ່ານ ຜູ້ອຳນວຍການໃຫຍ່ IMF ສະແດງຄວາມດີໃຈທີ່ໄດ້ພົບປະກັບທ່ານປະທານປະເທດ ຫວຽດນາມ ຫງວຽນຊວນຟຸກ ແລະ ໄດ້ສະແດງຄວາມຂອບອົກຂອບໃຈ ທ່ານປະທານປະເທດ ຫວຽດນາມ ທີ່ໄດ້ສະຫຼະເວລາ ເພື່ອໃຫ້ການຕ້ອນຮັບ.
ທ່ານຜູ້ອຳນວຍການໃຫຍ່ IMF ຊົມເຊີຍບັນດາຜົນສຳເລັດທາງດ້ານເສດຖະກິດຂອງຫວຽດນາມໃນຊຸມປີຜ່ານມາ, ຕີລາຄາສູງຕໍ່ແຜນນະໂຍບາຍ ແລະ ນະໂຍບາຍຂອງລັດຫວຽດນາມໃນການຮັກສາສະຖຽນລະພາບຂອງເສດຖະກິດມະຫາພາກ, ປ່ຽນແປງໃໝ່ຮູບແບບການເຕີບໂຕ, ພ້ອມດຽວກັນນັ້ນ ກໍ່ໄດ້ຢືນຢັນວ່າ IMF ຈະໜູນຊ່ວຍ ຫວຽດນາມເພື່ອຜ່ານຜ່າຄວາມຫຍຸ້ງຍາກຂອງພະຍາດໂຄວິດ -19 ພ້ອມທັງຈະຮ່ວມເດີນທາງກັບຫວຽດນາມໃນການພັດທະນາປະເທດ.
ໄຊພອນ
