ວັນທີ 27 ເມສາ, ກອງບັນຊາການທະຫານຊາຍແດນແຂວງລ່າວກາຍ (ຫວຽດນາມ) ແລະ ກົມກອງຄຸ້ມຄອງຊາຍແດນ Honghe, ດ່ານກວດກາຊາຍແດນການເຂົ້າ-ອອກເມືອງ Hekou, ແຂວງຢຸນນານ (ຈີນ) ໄດ້ຈັດການລາດຕະເວນ ປະສົມການປະຕິບັດກົດໝາຍຢູ່ເສັ້ນຊາຍແດນ.
 |
| ເພີ່ມທະວີການປະຕິບັດກົດໝາຍຢູ່ຊາຍແດນຫວຽດນາມ - ຈີນ. ພາບ: TTXVN |
ໃນການລາດຕະເວນຄັ້ງນີ້, ສອງຝ່າຍບໍ່ໄດ້ພົບປະກັນໂດຍກົງຢູ່ດ່ານຊາຍແດນເພື່ອແລກປ່ຽນຂໍ້ມູນຂ່າວສານ ແລະ ແຜນການລາດຕະເວນ. ແທນທີ່ນັ້ນ, ໂດຍຜ່ານສາຍດ່ວນ, ສອງຝ່າຍໄດ້ຕົກລົງເຫັນດີບັນດາແຜນການ, ກໍລະນີໃນ ວິວັດການລາດຕະເວນ ແລະ ຄວບຄຸມຊາຍແດນ.
2 ຝ່າຍໄດ້ສົມທົບກັນຈັດຕັ້ງ 10 ກອງລາດຕະເວນ, ໄດ້ຈັດຕັ້ງການລາດຕະເວນຈາກຫຼັກ ໝາຍຊາຍແດນທີ 87 ເຖິງຫຼັກໝາຍຊາຍແດນທີ 167 ພາຍໃຕ້ຮູບແບບ ຊາຍແດນກົງກັນຂ້າມກັບຊາຍແດນ, ຈຸດກົງກັນຂ້າມຈຸດ, ຄວບຄຸມເຂດຊາຍແດນຢ່າງເຂັ້ມງວດ, ສະກັດກັ້ນການເຄື່ອນໄຫວເຂົ້າ-ອອກເມືອງທີ່ຜິດກົດໝາຍ ແລະ ອາດຊະຍາກຳປະເພດຕ່າງໆຢູ່ເຂດຊາຍແດນ.
ໃນວິວັດການລາດຕະເວນ, ບັນດາກຳລັງຂອງສອງຝ່າຍຍັງໄດ້ຄວບຄຸມປະຊາຊົນ ແລະ ພາຫະນະເຂົ້າ-ອອກດ່ານຊາຍແດນຢ່າງເຂັ້ມງວດ; ໂຄສະນາເຜີຍແຜ່ໃຫ້ປະຊາຊົນຢູ່ເຂດຊາຍແດນ ແລະ ດ່ານຊາຍແດນກ່ຽວກັບການປ້ອງກັນ, ຕ້ານພະຍາດ ແລະ ສະກັດກັ້ນການລັກລອບຄ້າເຖື່ອນ.
ວັນທີ 27 ເມສາ, ກໍາລັງລາດຕາເວນຂອງຈີນ ກໍ່ໄດ້ມອບພົນລະເມືອງຫວຽດນາມ ຄົນໜຶ່ງໃຫ້ກໍາລັງທະຫານຊາຍແດນແຂວງລ່າວກາຍ.
ບູນມີ
