 |
| ທ່ານ ປອ ຈ່າມີ ປະທານສະມາຄົມນັກທຸລະກິດ ຫວຽດນາມ ປະຈຳ ຈີນ |
ຊາວຫວຽດນາມອາໄສຢູ່ຕ່າງປະເທດຍາມໃດກໍ່ມຸ່ງໄປຫາບ້ານເກີດເມືອງນອນ
ໂດຍເຄີຍຮຽນ, ເຮັດວຽກ ແລະ ດຳລົງຊີວິດຢູ່ປະເທດຈີນເປັນເວລາຫຼາຍປີ, ສິ່ງໃດທີ່ເຮັດໃຫ້ທ່ານ ມີຄວາມເປັນຫ່ວງຕໍ່ບ້ານເກີດເມືອງນອນ?
ຂ້າພະເຈົ້າໄດ້ສຶກສາຮ່ຳຮຽນ, ອາໄສ ແລະ ເຮັດວຽກຢູ່ໃນພາກເຫນືອຂອງຈີນເປັນເວລາກວ່າ 13 ປີ. ສະຖານທີ່ແຫ່ງນີ້ແມ່ນໃກ້ກັບ ສ.ເກົາຫຼີ, ໃກ້ຍີ່ປຸ່ນ, ໃກ້ກັບລັດເຊຍ ແລະ ໃກ້ກັບມົງໂກເລຍຫຼາຍກວ່າທາງດ້ານພູມສາດ ແລະ ມີຊາວຫວຽດນາມໜ້ອຍ, ສະນັ້ນ ຂ້າພະເຈົ້າກໍ່ຄິດຮອດບ້ານຫຼາຍ, ຄິດຮອດບ້ານເກີດ, ຄິດຮອດຍາດຕິພີ່ນ້ອງ ແລະ ໝູ່ເພື່ອນ, ແລະ ຍ້ອນຂ້າພະເຈົ້າ ບໍ່ລຶ້ງກັບອາຫານຢູ່ທີ່ນີ້, ດັ່ງນັ້ນ, ຂ້ອຍມັກຄິດຮອດບັນດາຄາບເຂົ້າຢູ່ບ້ານເກີດເມືອງນອນ.
ຢູ່ຕ່າງປະເທດ, ທຸກການກະທຳ, ທ່າທີກິລິຍາ ແລະ ແບບແຜນຂອງຊາວຫວຽດນາມ ອາໄສຢູ່ຕ່າງປະເທດແຕ່ລະຄົນ ຈະເປັນຕົວແທນໃຫ້ແກ່ພາບພົດຂອງປະເທດຊາດ ແລະ ຊາວຫວຽດນາມ. ໃນຖານະປະລິນຍາເອກ, ຂ້າພະເຈົ້າຍິ່ງນັບຖືສິ່ງນັ້ນ, ດັ່ງນັ້ນເມື່ອກໍ່ຮ່າງສ້າງຕົວຢູ່ຕ່າງປະເທດ, ຂ້າພະເຈົ້າໄດ້ເລືອກເອົາອາຊີບກ່ຽວກັບຢາງພາລາທຳມະຊາດ - ເຊິ່ງໄດ້ຂະໜານນາມວ່າ: “ຄຳຂາວ” ຂອງຫວຽດນາມ.
ເນື່ອງຈາກລັກສະນະວຽກງານຂອງຂ້າພະເຈົ້າຕ້ອງລົມກັບເຈົ້າໜ້າທີ່ທ້ອງຖິ່ນ, ສື່ມວນຊົນກໍ່ຄືຜູ້ຈັດຈຳໜ່າຍ ແລະ ລູກຄ້າເປັນປະຈຳ, ດັ່ງນັ້ນ ເຂົາເຈົ້າຮູ້ສຶກໄດ້ເຖິງຄວາມພາກພູມໃຈທີ່ມາຈາກການກະທຳຂອງພາສາ, ກິລິຍາເມື່ອກ່າວເຖິງຫວຽດນາມ ແລະ ຜະລິດມາຈາກ ຫວຽດນາມ. ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດກໍ່ຄືກັນ, ຫົວຂໍ້ທີ່ບໍ່ມີວັນຈົບແມ່ນບ້ານເກີດເມືອງນອນ ຫວຽດນາມ.
ໃນຖານະເປັນຫນຶ່ງໃນບັນດາຜູ້ທໍາອິດທີ່ມີຄວາມຄິດສ້າງຕັ້ງສະມາຄົມວິສາຫະກິດຫວຽດນາມຢູ່ຈີນ. ທ່ານອາດເວົ້າກ່ຽວກັບສະມາຄົມວິສາຫະກິດຫວຽດນາມຢູ່ຈີນ, ກ່ຽວກັບສະມາຊິກຂອງຕົນ?
ພາຍຫຼັງເຮັດວຽກຢູ່ຈີນມາຫຼາຍປີ, ຂ້າພະເຈົ້າໄດ້ຕິດຕໍ່ພົວພັນ ແລະ ຄຸ້ນເຄີຍກັບຫຼາຍທຸລະກິດໃນປະເທດຂອງເຈົ້າ ແລະ ໄດ້ເຂົ້າຮ່ວມກິດຈະກໍາສົ່ງເສີມການຄ້າ-ການລົງທຶນ, ຕະຫຼາດນັດ, ງານວາງສະແດງ ແລະ ກອງປະຊຸມສາກົນຕ່າງໆໃນຈີນ. ຂ້າພະເຈົ້າຄົ້ນພົບ, 19 ປະເທດທີ່ພັດທະນາແລ້ວນັ້ນ, ໃນປະເທດຈີນ, ພວກເຂົາທັງຫມົດມີສະມາຄົມທຸລະກິດຢ່າງເປັນທາງການ. ເຂົາເຈົ້າດຳເນີນທຸລະກິດຢ່າງເຂັ້ມແຂງ ແລະ ກາຍເປັນຂົວຕໍ່ທາງເສດຖະກິດ, ການຄ້າ ແລະ ການລົງທຶນທີ່ບໍ່ອາດຂາດໄດ້ລະຫວ່າງສອງປະເທດ. ນອກຈາກນັ້ນ, ຕົນເອງ ແລະ ບັນດາວິສາຫະກິດຫວຽດນາມ ກໍ່ຄືກັນ, ບັນດາວິສາຫະກິດຂອງບັນດາປະເທດກໍ່ຈະຊອກພົບເປັນປະຈຳ ເມື່ອມີຄວາມຕ້ອງການບັນດາຜະລິດຕະພັນກ່ຽວກັບຫວຽດນາມ.
ສະນັ້ນ, ສະມາຄົມວິສາຫະກິດຫວຽດນາມ ປະຈຳຈີນ ຈະແມ່ນອົງການຈັດຕັ້ງແບ່ງປັນຂໍ້ມູນຂ່າວສານດ້ານເສດຖະກິດການຄ້າ, ແບ່ງປັນກາລະໂອກາດໄວທີ່ສຸດ. ທຸກຄົນກໍ່ຕ້ອງການອົງການຈັດຕັ້ງ, ໂດຍສະເພາະໃນເວລາທີ່ຢູ່ຕ່າງປະເທດ, ສະນັ້ນ ອ້າຍນ້ອງທຸລະກິດຂອງພວກເຮົາກໍ່ເຊັ່ນດຽວກັນ, ພວກເຮົາກໍ່ປາດຖະໜາທີ່ຈະມີຊາຍຄາເພື່ອກັບເມືອ, ມີອ້າຍເອື້ອຍນ້ອງທີ່ກຽມພ້ອມຈະແບ່ງປັນປະສົບການເພື່ອຮຽນຮູ້.
ດ້ວຍແນວຄວາມຄິດນັ້ນ, ພາຍຫຼັງກັບເມືອບ້ານເພື່ອເຂົ້າຮ່ວມງານລ້ຽງລະດູໃບໄມ້ປົ່ງປີ 2020 ແລະ ພົບປະກັບທ່ານນາຍົກລັດຖະມົນຕີ ຫງວຽນຊວນຟຸກ, ຂ້າພະເຈົ້າໄດ້ຮຽກຮ້ອງໃຫ້ສ້າງຕັ້ງສະມາຄົມ ແລະ ໄດ້ຮັບການຮັບຮອງຈາກສະມາຄົມວິສາຫະກິດ ຫວຽດນາມ ຢູ່ຕ່າງປະເທດ (BAOV - ກະຊວງການຕ່າງປະເທດ) ສະໜັບສະໜູນຢ່າງຕັ້ງໜ້າ, ແນະນຳຊີ້ທິດ ແລະ ຍາມໃດກໍ່ໃຫ້ຄວາມສົນໃຈທີ່ຈະຊຸກຍູ້ໃຫ້ຂ້າພະເຈົ້າປະຕິບັດສໍາເລັດວຽກງານໂດຍໄວ.
ປະຈຸບັນ, ສະມາຄົມຂອງພວກຂ້າພະເຈົ້າແມ່ນອົງການຈັດຕັ້ງຊົ່ວຄາວ ແລະ ພວມປະຕິບັດຂັ້ນຕອນແຜນການຢ່າງເຂັ້ມງວດ ແລະ ຕາມຄວາມຮຽກຮ້ອງຕ້ອງການຂອງລັດຖະບານຈີນ. ປະຈຸບັນ, ພວກເຮົາໄດ້ສຳເລັດການເຊື່ອມຕໍ່ນັກທຸລະກິດ ແລະ ບຸກຄົນຊາວຫວຽດນາມ 38 ຄົນທີ່ໄດ້ດຳລົງຊີວິດ ແລະ ເຮັດວຽກຢູ່ຈີນເປັນເວລາຫຼາຍປີ (ຕາມແບບ Visa Z ຫຼື ບັດຊ່ຽວຊານ). ຄົນຈຳນວນຫຼວງຫຼາຍມາຈີນເພື່ອສຶກສາຄົ້ນຄວ້າ, ເຂົາເຈົ້າຄຸ້ນເຄີຍກັບຕະຫຼາດ ແລະ ທ່າອ່ຽງຢູ່ທີ່ນີ້ຫຼາຍ, ຫຼັງຈາກນັ້ນແຕ່ງດອງແລ້ວຕັດສິນໃຈດຳລົງຊີວິດ ແລະ ສ້າງອາຊີບຢູ່ທີ່ນີ້.
ໃນຖັນແຖວນັກທຸລະກິດໃນປັດຈຸບັນ, 80% ມີລະດັບປະລິນຍາຕີຂຶ້ນໄປ, ໃນນັ້ນ 58% ມີປະລິນຍາໂທ ແລະ ປະລິນຍາເອກ, ພວກເຂົາລ້ວນແຕ່ແມ່ນຊົນຊັ້ນປັນຍາຊົນທີ່ມີຫົວໃຈມຸ່ງໄປສູ່ບ້ານເກີດເມືອງນອນ. ນີ້ແມ່ນປັດໄຈທີ່ສະດວກ ເພາະພວກເຮົາເປັນຕົວແທນໃຫ້ແກ່ກຳລັງພູມປັນຍາ, ຫົວຄິດປະດິດສ້າງ, ກະຕືລືລົ້ນ ແລະ ມີພະລັງຊີວິດ, ແມ່ນປັດໄຈມະນຸດກຳນົດຄວາມສຳເລັດ ແລະ ຄວາມຍືນຍົງຂອງກິດຈະກຳຂອງສະມາຄົມໃນອະນາຄົດ.
ກ່ຽວກັບຄວາມຫຍຸ້ງຍາກ, ນັບແຕ່ການກະກຽມຈົນຮອດປັດຈຸບັນແມ່ນໃນໄລຍະໂລກລະບາດ Covid-19, ສະນັ້ນ ບັນດາສະມາຊິກກຸ່ມນັກທຸລະກິດຫວຽດນາມຢູ່ຕ່າງປະເທດ ພົບປະກັນກໍ່ມີຄວາມຫຍຸ້ງຍາກກວ່າ. ນອກນີ້, ລະບຽບການສ້າງຕັ້ງຢູ່ຈີນແມ່ນເຄັ່ງຄັດຫຼາຍຕໍ່ກັບສະມາຄົມ ແລະ ອົງການຕ່າງປະເທດ, ຂ້າພະເຈົ້າພວມຕັ້ງໜ້າເຕົ້າໂຮມສະມາຊິກຄົບ 50 ຄົນ ແລະ ປະຕິບັດຕາມລະບຽບການຢ່າງເຄັ່ງຄັດຂອງຈີນ.
ພວກຂ້າພະເຈົ້າກໍ່ໂຊກດີທີ່ໄດ້ຮັບການສະໜັບສະໜູນ ແລະ ກຽມພ້ອມຊ່ວຍເຫຼືອຈາກຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ສະມາຄົມນັກທຸລະກິດ ຫວຽດນາມ ຢູ່ຕ່າງປະເທດ ແລະ ສະຖານທູດ ຫວຽດນາມ ປະຈຳ ຈີນ.
ໃນໄລຍະຈະມາເຖິງ, ຄຽງຄູ່ກັບການສືບຕໍ່ດຳເນີນບັນດາຂັ້ນຕອນການສ້າງຕັ້ງສະມາຄົມຢ່າງເປັນທາງການຕາມຄຳຮຽກຮ້ອງຂອງອຳນາດການປົກຄອງທ້ອງຖິ່ນ, ພວກຂ້າພະເຈົ້າຈະສືບຕໍ່ດຳເນີນງານໃນນາມອົງການກະກຽມ. ສະມາຄົມຍັງຈະສືບຕໍ່ເພີ່ມທະວີການສະໜັບສະໜູນການສົ່ງເສີມການຄ້າ ແລະ ການລົງທຶນ, ສະໜັບສະໜູນການເຊື່ອມຕໍ່ຜະລິດຕະພັນກະເສດ ແລະ ຜະລິດຕະພັນ Made in Vietnam ເຂົ້າສູ່ຕະຫຼາດໃຫຍ່ຂອງຈີນ ໃຫ້ຫຼາຍກວ່າເກົ່າ.
ພ້ອມທັງໜູນຊ່ວຍການຈັດຕັ້ງ ແລະ ສົມທົບກັນຈັດຕັ້ງງານວາງສະແດງການຄ້າສາກົນຫຼາຍແຫ່ງ ເພື່ອເຊື່ອມຕໍ່ບັນດາວິສາຫະກິດຂອງສອງປະເທດ, ໜູນຊ່ວຍວິສາຫະກິດ ຫວຽດນາມ - ຈີນ ແກ້ໄຂບັນຫາ, ໃຫ້ຄຳປຶກສາດ້ານການຄ້າ ແລະ ຜັນຂະຫຍາຍບັນດານະໂຍບາຍດຶງດູດການລົງທຶນເຂົ້າ ຫວຽດນາມ.
ວິສາຫະກິດຄວນຂຶ້ນທະບຽນຊັບສິນທາງປັນຍາຂອງຕົນ, ລົງທະບຽນໂລໂກ້ຍີ່ຫໍ້ຂອງຕົນໃນປະເທດຈີນ
- ໃນຖານະເປັນຂົວຕໍ່ລະຫວ່າງວິສາຫະກິດ ຫວຽດນາມ - ຈີນ, ລະຫວ່າງບັນດາທ້ອງຖິ່ນຂອງສອງປະເທດ, ມີຈຸດດີ, ຂໍ້ເສຍຄືແນວໃດ ແລະ ສະມາຄົມສະເໜີຫຍັງເພື່ອແນໃສ່ເພີ່ມທະວີການພົວພັນຮ່ວມມືລະຫວ່າງສອງປະເທດ ຫວຽດນາມ - ຈີນ, ຮຽນທ່ານ?
ກ່ຽວກັບຂໍ້ສະເໜີເພີ່ມທະວີການຮ່ວມມືສອງຝ່າຍລະຫວ່າງຫວຽດນາມ ແລະ ຈີນ, ກຳລັງແຮງຂອງພວກເຮົາແມ່ນຢູ່ຈີນ, ພວກຂ້າພະເຈົ້າກຳແໜ້ນຢ່າງວ່ອງໄວ ແລະ ມີຂໍ້ມູນຂ່າວຄາວກ່ຽວກັບຄວາມຕ້ອງການ ແລະ ຄວາມນິຍົມຂອງຕະຫຼາດໃຫຍ່ທີ່ມີປະຊາຊົນນັບຕື້ຄົນນີ້. ແຕ່ພວກເຮົາຍັງຂາດຊ່ອງທາງຂໍ້ມູນຂ່າວສານທີ່ຈະສົ່ງໄປເຖິງຫວຽດນາມ, ຕົວຢ່າງເຊັ່ນສິນຄ້າທີ່ນັກທຸລະກິດຈີນຕ້ອງການ, ພວກເຮົາຄວນສົ່ງໃຫ້ໃຜ? ກັບອົງການຈັດຕັ້ງ ຫຼື ທຸລະກິດໃດຢູ່ຫວຽດນາມ?
ພວກຂ້າພະເຈົ້າຫວັງວ່າຈະມີການເຊື່ອມຕໍ່ໂດຍກົງກັບບັນດາອົງການ, ສະມາຄົມບັນດາຂະແໜງການຢູ່ຫວຽດນາມ ເພື່ອຮັບເອົາຄວາມຮຽກຮ້ອງຕ້ອງການຈາກວິສາຫະກິດຈີນໂດຍໄວ. ຄຽງຂ້າງນັ້ນ, ພວກຂ້າພະເຈົ້າກໍ່ພ້ອມແລ້ວທີ່ຈະໜູນຊ່ວຍ ຖ້າຫາກບັນດາວິສາຫະກິດ ຫວຽດນາມ ປາດຖະໜາຢາກນຳບັນດາເຄື່ອງໝາຍການຄ້າຂອງຫວຽດນາມ ເຂົ້າຕະຫຼາດຈີນນີ້.
ຂ້າພະເຈົ້າເນັ້ນໜັກວ່າ ບັນດາວິສາຫະກິດຄວນຂຶ້ນທະບຽນຊັບສິນທາງປັນຍາ, ຈົດທະບຽນໂລໂກຂອງຍີ່ຫໍ້ຢູ່ຈີນກ່ອນ, ຖ້າຫາກມີຄວາມຕັ້ງໃຈຈະນຳສິນຄ້າໄປຈີນ. ແລະຖ້າທ່ານຕ້ອງການຄວາມຊ່ວຍເຫຼືອ, ພວກເຮົາກໍ່ພ້ອມຢູ່ສະເໝີ.
- ຂໍຂອບໃຈທ່ານນາງ!
ບຸນຄົງ
