ພັກກອມມູນິດຫວຽດນາມ ເອົາໃຈໃສ່ຕອບສະໜອງຄວາມມຸ່ງມາດປາດຖະໜາອັນຊອບທຳຂອງປະຊາຊົນ
	ການ​ນຳຂັ້ນສູງພັກ, ລັດຫຼາຍ​ປະ​ເທດ ໄວ້ອາໄລ ອະດີດ ເລຂາທິການໃຫຍ່ ພັກກອມມູນິດຫວຽດນາມ

ຕອນບ່າຍວັນທີ 25 ເມສາ, ຢູ່ນະຄອນຫຼວງວຽງຈັນ, ສະຫາຍ ຫງວຽນຈ້ອງເຫງ້ຍ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນ ກາງພັກຄອມມູນິດຫວຽດນາມ ພ້ອມຄະນະ ໄດ້ຮັບການຕ້ອນຮັບຢ່າງອົບອຸ່ນ, ສະໜິດສະໜົມ ຈາກທ່ານ ທອງລຸນ ສີສຸລິດ, ເລຂາທິການໃຫຍ່, ປະທານປະເທດລາວ, ທ່ານ ໄຊສົມພອນ ພົມວິຫານ ປະທານສະພາແຫ່ງຊາດລາວ, ທ່ານ ພົນເອກ ຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ.

ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ຕ້ອນຮັບສະຫາຍ ຫງວຽນຈ້ອງເຫງ້ຍ ຢູ່ສຳນັກງານສູນກາງພັກ ປະຊາຊົນ ປະຕິວັດ ລາວ, ໃນຕອນບ່າຍວັນທີ 25 ເມສາ. ພາບ: ຊວນເຊີນ.

ທີ່ບັນດາການຕ້ອນຮັບ, ສະຫາຍ ຫງວຽນຈ້ອງເຫງ້ຍ ໄດ້ສະແດງຄວາມຊົມເຊີຍຕໍ່ບັນດາຜົນງານອັນໃຫຍ່ຫຼວງ, ຮອບດ້ານທີ່ມີຄວາມໝາຍປະຫວັດສາດ ເຊິ່ງ ລາວ ຍາດມາໄດ້ພາຍຫຼັງ 35 ປີແຫ່ງການປ່ຽນແປງໃໝ່ ແລະບັນດາໝາກຜົນສຳຄັນ ພາຍຫຼັງຜັນຂະຫຍາຍປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ເປັນເວລາກວ່າ 1 ປີ. ພ້ອມທັງຢັ້ງຢືນວ່າ ພັກ, ລັດ ແລະປະຊາຊົນຫວຽດນາມ ສະໜັບສະໜູນພາລະກິດແຫ່ງການປ່ຽນແປງໃໝ່ຮອບດ້ານຂອງລາວ.

ບັນດາສະຫາຍການນຳພັກ, ລັດ ລາວ ສະເໜີສອງປະເທດສືບຕໍ່ສົມທົບກັນ ຢ່າງແໜ້ນແຟ້ນ, ເພີ່ມທະວີການແລກປ່ຽນບັນດາບັນຫາທິດສະດີ ແລະພຶດຕິກຳຕົວຈິງຂອງການຮ່ວມມືກໍ່ສ້າງພະນັກງານ; ແບ່ງປັນຂໍ້ມູນຂ່າວສານ, ບົດຮຽນ ໃນວຽກງານກໍ່ສ້າງພັກ ປະກອບສ່ວນປະຕິບັດມະຕິກອງປະຊຸມໃຫຍ່ຂອງ ແຕ່ລະພັກ; ສົມທົບກັນຢ່າງແໜ້ນແຟ້ນໃນການຈັດຕັ້ງບັນດາການເຄື່ອນໄຫວ ທີ່ແທດຈິງ, ມີຄວາມໝາຍດ້ວຍເນື້ອໃນເລິກເຊິ່ງ, ເໝາະສົມ ແລະມີກຳລັງແຜ່ຂະຫຍາຍເພື່ອສະເຫຼີມສະຫຼອງປີສາມັກຄີມິດຕະພາບ ຫວຽດນາມ-ລາວ 2022.

ບັນດາການນຳພັກ, ລັດລາວ ໃຫ້ຮູ້ວ່າ ຈະຊີ້ນຳບັນດາຄະນະ, ກະຊວງ, ຂະແໜງ ການທີ່ກ່ຽວຂ້ອງຂອງລາວ ເອົາໃຈໃສ່ເຖິງບັນດາປູຊະນີຍະສະຖານ ປະຫວັດສາດ, ສັນຍາລັກແຫ່ງການພົວພັນຂອງສອງປະເທດ ຄື: ປູຊະນີຍະສະຖານສາຍພູຫຼວງຕາເວັນຕົກ, ເສັ້ນທາງໂຮ່ຈິມິນ, ຖືນີ້ແມ່ນສັນຍາລັກ, ແມ່ນພະຍານຫຼັກຖານທີ່ມີຊີວິດຊີວາໃຫ້ແກ່ການພົວພັນສາມັກຄີຫວຽດນາມ-ລາວ. ສ່ວນທ່ານພົນເອກ ຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ເນັ້ນໜັກວ່າ ກະຊວງປ້ອງກັນປະເທດລາວພວມມີແຜນການສົມທົບກັບກະຊວງປ້ອງກັນປະເທດ ແລະບັນດາອົງການທີ່ກ່ຽວຂ້ອງຂອງຫວຽດນາມ ເພື່ອສ້າງຮູບເງົາເອກະສານກ່ຽວກັບ ປູສະນີຍະສະຖານປະຫວັດສາດນີ້.