| Vietnam Expo 2022: ຮ່ວມເດີນທາງກັບວິສາຫະກິດໃນຍຸກດີຈີຕອນ | |
| ມະຫາວິທະຍາໄລ ຫາຍເຢືອງ ພົບປະສັງສັນ, ມອບຂອງຂວັນໃຫ້ແກ່ນັກສຶກສາລາວ ເນື່ອງໃນໂອກາດບຸນປີໃໝ່ ລາວ |
 |
| ທ່ານນາຍົກລັດຖະມົນຕີ ຟ້າມມິງຈິງ ໄດ້ໂອ້ລົມທາງໂທລະສັບກັບທ່ານນາຍົກລັດຖະມົນຕີ ອີຕາລີ Mario Draghi (ພາບ: TTXVN) |
2 ຝ່າຍສະແດງຄວາມດີໃຈຕໍ່ການພັດທະນາການພົວພັນຄູ່ຮ່ວມມືຍຸດທະສາດ ຫວຽດນາມ - ອີຕາລີ ໃນໄລຍະຜ່ານມາ. 2 ຝ່າຍເຫັນດີເປັນເອກະພາບເພີ່ມທະວີການແລກປ່ຽນທຸກຂັ້ນ, ພິເສດແມ່ນຂັ້ນສູງ, ສືບຕໍ່ຊຸກຍູ້ປະສິດທິຜົນຂອງໂຄງການປະຕິບັດການພົວພັນຄູ່ຮ່ວມມືຍຸດທະສາດ 2021-2023, ກົນໄກຮ່ວມມື ໃນນັ້ນມີການຈັດຕັ້ງການປຶກສາຫາລືການເມືອງ ຄັ້ງທີ 4, ຄະນະກຳມະການຮ່ວມມືດ້ານເສດຖະກິດ ຄັ້ງທີ 7 ໂດຍໄວ, ເພື່ອກະກຽມໃຫ້ແກ່ວັນສ້າງຕັ້ງການພົວພັນທາງການທູດຄົບຮອບ 50 ປີ ແລະ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຫວຽດນາມ - ອີຕາລີ ໃນປີ 2023.
2 ຝ່າຍຍິນດີເຫັນວ່າ ພາຍຫຼັງເກືອບ 2 ປີແຫ່ງການຜັນຂະຫຍາຍສັນຍາການຄ້າເສລີ ຫວຽດນາມ - ອີຢູ (EVFTA), ການແລກປ່ຽນການຄ້າ 2 ຝ່າຍບັນລຸໄດ້ບັນດາໝາກຜົນທີ່ຕັ້ງໜ້າ. ໃນປີ 2021, ເຖິງວ່າໄດ້ຮັບຜົນກະທົບຈາກໂລກລະບາດໂຄວິດ-19, ແຕ່ຍອດມູນຄ່າການຄ້າສອງຝ່າຍຍັງບັນລຸ 5,6 ຕື້ USD, ເພີ່ມຂຶ້ນ 20% ເມື່ອທຽບໃສ່ປີ 2020.
ທ່ານນາຍົກລັດຖະມົນຕີ Mario Draghi ໄດ້ເຫັນດີກັບບັນດາຂໍ້ສະເໜີ ແລະ ຂໍ້ລິເລີ່ມຂອງທ່ານນາຍົກລັດຖະມົນຕີ ຟ້າມມິງຈິງ ໃນການລົງເລິກການພົວພັນຄູ່ຮ່ວມມືຍຸດທະສາດ ຫວຽດນາມ - ອີຕາລີ ໃນໄລຍະຈະມາເຖິງ; ຂອບໃຈ ຫວຽດນາມ ທີ່ໄດ້ໜູນຊ່ວຍໜ້າກາກອະນາໄມໃນໄລຍະທີ່ ອີຕາລີ ພວມປະສົບກັບຄວາມຫຍຸ້ງຍາກທີ່ສຸດຍ້ອນໂລກລະບາດ Covid-19; ສັນຍາວ່າລັດຖະບານອີຕາລີຈະຊຸກຍູ້ສະພາແຫ່ງຊາດອີຕາລີໃຫ້ສັດຕະຍາບັນສັນຍາ EVIPA ໂດຍໄວ; ຢືນຢັນວ່າ ບັນດາວິສາຫະກິດ ອີຕາລີ ປາດຖະໜາຢາກສືບຕໍ່ລົງທຶນເຂົ້າຫວຽດນາມ ໃນບັນດາຂົງເຂດຄື: ພະລັງງານທົດແທນ, ພື້ນຖານໂຄງລ່າງ, ການຄຸ້ມຄອງແຫຼ່ງນ້ຳ, ນະວັດຕະກຳ...
ບຸນຄົງ
