| ການສົ່ງອອກປາທູນ່າ ໄປຍັງ ເປຣູ ເພີ່ມຂຶ້ນທົບ 2000 ເທົ່າ | |
| ເພີ່ມທະວີການສົ່ງອອກຢ່າງເປັນທາງການໄປຕະຫຼາດຈີນ |
ຕາມກະຊວງອຸດສາຫະກຳ ແລະ ການຄ້າແລ້ວ, ວົງເງິນການສົ່ງອອກໄປຈີນໃນເດືອນມີນາ ບັນລຸ 5,82 ຕື້ໂດລາສະຫະລັດ, ເພີ່ມຂຶ້ນຫຼາຍກວ່າ 1,8 ຕື້ໂດລາສະຫະລັດ ເມື່ອທຽບໃສ່ເດືອນກຸມພາ, ດ້ວຍໝາກຜົນດັ່ງກ່າວ, ເດືອນມີນາແມ່ນເດືອນທີ່ມີໝາກຜົນດີທີ່ສຸດ. ຍອດມູນຄ່າການສົ່ງອອກໄປຈີນ ແມ່ນຫຼາຍທີ່ສຸດໃນໄຕມາດທຳອິດຂອງປີ 2022 (3,9 ຕື້ໂດລາສະຫະລັດ ໃນເດືອນມັງກອນ).
ບ້ວງສະສົມໃນ 3 ເດືອນຕົ້ນປີ, ການສົ່ງອອກໄປຈີນບັນລຸ 13,7 ຕື້ໂດລາສະຫະລັດ, ເພີ່ມຂຶ້ນ 9,2% ເມື່ອທຽບໃສ່ໄລຍະດຽວກັນຂອງປີ 2021.
 |
| ການສົ່ງອອກໄປຈີນບັນລຸ 13,7 ຕື້ໂດລາສະຫະລັດ. (ພາບ: congly.vn) |
2 ໝວດສິນຄ້າໃຫຍ່ທີ່ສົ່ງອອກໄປຈີນໃນເດືອນມີນາ ແມ່ນເຄື່ອງຄອມພິວເຕີ, ຜະລິດຕະພັນເອເລັກໂຕຣນິກ ແລະ ອາໄຫຼ່; ໂທລະສັບ ແລະ ອາໄຫຼ່ດ້ວຍມູນຄ່າ 1.4 ແລະ 1.46 ຕື້ໂດລາສະຫະລັດ, ຕາມລໍາດັບ. ຜົນໄດ້ຮັບເຫຼົ່ານີ້ແມ່ນສູງກວ່າເດືອນມັງກອນ, ເດືອນກຸມພາ 2022 ແລະ ໄລຍະດຽວກັນຂອງປີກາຍ.
ໝວດສິນຄ້າຜັກ ແລະ ໝາກໄມ້ບັນລຸໄດ້ 197,3 ລ້ານໂດລາສະຫະລັດ, ເພີ່ມຂຶ້ນ 73,3% ເມື່ອທຽບໃສ່ເດືອນກຸມພາ 2022.
ກ່ຽວກັບການນຳເຂົ້າ, ໃນ 3 ເດືອນຕົ້ນປີ 2022, ຫວຽດນາມ ໄດ້ນຳເຂົ້າສິນຄ້າຈາກຈີນ 27,89 ຕື້ໂດລາສະຫະລັດ, ເພີ່ມຂຶ້ນ 14,5% ເມື່ອທຽບໃສ່ໄລຍະດຽວກັນຂອງປີ 2021.
ໝົດໄຕມາດທີ 1 ຂອງປີ 2022, ປະເທດພວກເຮົາຂາດດຸນການຄ້າກວ່າ 14 ຕື້ໂດລາສະຫະລັດ ຈາກຕະຫຼາດນີ້. ດຸນການຄ້າລະຫວ່າງຫວຽດນາມ ແລະ ຈີນ ຕົກຢູ່ໃນສະພາບຂາດດຸນການຄ້າຫຼາຍປີມາແລ້ວ. ປີ 2021, ວົງເງິນສົ່ງອອກໄປຈີນຈະບັນລຸເກືອບ 56 ຕື້ໂດລາສະຫະລັດ, ເພີ່ມຂຶ້ນ 14,5%, ນຳເຂົ້າເກືອບ 110 ຕື້ໂດລາສະຫະລັດ, ເພີ່ມຂຶ້ນ 30,5% ເມື່ອທຽບໃສ່ໄລຍະດຽວກັນ, ການຂາດດຸນການຄ້າຂອງຈີນໃນປີກາຍບັນລຸເຖິງ 54 ຕື້ໂດລາສະຫະລັດ, ລື່ນກາຍວົງເງິນການຄ້າ ຂາດດຸນ 35,2 ຕື້ໂດລາສະຫະລັດໃນປີ 2020.
ຄຳຮຸ່ງ
