 |
| ຄະນະປະຕິບັດງານກຳມາທິການພົວພັນຕ່າງປະເທດຂອງສະພາແຫ່ງຊາດ ຫວຽດນາມ ແລະ ທ່ານເອກອັກຄະລັດຖະທູດ ສປປລາວ ປະຈຳ ຫວຽດນາມ ໄປມາຢ້ຽມຢາມ, ເຮັດວຽກຢູ່ຮ່ອງຮອຍປະວັດສາດແຫ່ງຊາດພິເສດເຂດຮ່ອງຮອຍປະຕິວັດ ຫວຽດນາມ - ລາວ (ພາບ: baosonla.org.vn) |
ຄະນະປະຕິບັດງານໂດຍ ທ່ານ ຫວູວັນຫ໋າຍ ກຳມະການ ຄະນະປະຈຳສະພາແຫ່ງຊາດ, ຫົວໜ້າກຳມາທິການພົວພັນຕ່າງປະເທດຂອງສະພາແຫ່ງຊາດ ຫວຽດນາມ ແລະ ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສປປ.ລາວ ປະຈຳ ຫວຽດນາມ ແສງເພັດ ຮຸງບູນຍວງ ນຳໜ້າ.
ຄະນະປະຕິບັດງານໄດ້ຖະຫວາຍທູບທຽນ, ຖະຫວາຍດອກໄມ້ອາໄລຫາ ປະທານໂຮ່ຈີມິນ ແລະ ປະທານໄກສອນ ພົມວິຫານ, ເຊິ່ງແມ່ນການນຳສອງທ່ານທີ່ໄດ້ສ້າງພື້ນຖານຢ່າງແໜ້ນແກ່ນ ແລະ ເພີ່ມພູນຄູນສ້າງຢ່າງສຸດໃຈ ເພື່ອນຳການພົວພັນລະຫວ່າງ ຫວຽດນາມ - ລາວກາຍເປັນແບບຢ່າງພິເສດໃນການພົວພັນສາກົນ.
ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ຕີລາຄາສູງການໜູນຊ່ວຍຂອງເຊີນລາ ກັບບັນດາແຂວງທາງພາກເໜືອລາວ ແລະ ສ້າງເງື່ອນໄຂສະດວກໃຫ້ແກ່ນັກສຶກສາລາວທີ່ພວມດຳລົງຊີວິດ, ຮ່ຳຮຽນຢູ່ເຊີນລາ. ມີນັກສຶກສາລາວ ກ່ວາ 2.110 ຄົນ ແລະ ພະນັກງານລາວກ່ວາ 620 ຄົນ ທີ່ໄດ້ຮຽນຈົບ ຢູ່ເຊີນລາ ແລະ ກັບເມືອປະເທດປະຕິບັດງານ. ຜ່ານນັ້ນ ກໍປະກອບສ່ວນຮັດແໜ້ນການພົວພັນສາມັກຄີມິດຕະພາບພິເສດ, ການຮ່ວມມືຮອບດ້ານ ລະຫວ່າງ ຫວຽດນາມ - ລາວ ແລະ ການພົວພັນສາມັກຄີ, ການຮ່ວມມືມິດຕະພາບ ລະຫວ່າງແຂວງເຊີນລາ ແລະ ບັນດາແຂວງພາກເໜືອລາວ.
ທ່ານເອກອັກຄະລັດຖະທູດ ຢືນຢັນຈະສືບຕໍ່ເປັນຂົວຕໍ່ພັດທະນາການພົວພັນຮ່ວມມືມິດຕະພາບລະຫວ່າງ ລາວ-ຫວຽດນາມ ເວົ້າລວມ ແລະ ລະຫວ່າງບັນດາແຂວງພາກເໜືອລາວ ແລະ ແຂວງ ເຊີນລາ ເວົ້າສະເພາະ ໃນຂົງເຂດກໍ່ສ້າງພື້ນຖານໂຄງລ່າງ ແລະ ການປິ່ນປົວພະຍາດ; ການຝຶກອົບຮົມ ແລະ ການພັດທະນາຊັບພະຍາກອນມະນຸດ, ການຮ່ວມມືດ້ານເສດຖະກິດ ແລະ ການຄ້າ.
ບຸນຄົງ
