 |
| ພາບປະກອບ: bnews.vn |
ທ່ານນາຍົກລັດຖະມົນຕີ ເນັ້ນໜັກວ່າ: ການປ່ຽນແປງໃໝ່ ແລະ ຍົກສູງປະສິດທິຜົນການເຄື່ອນໄຫວຂອງ ລັດວິສາຫະກິດ ແມ່ນຄວາມສົນໃຈອັນໃຫຍ່ຫຼວງຂອງພັກ, ລັດ ແລະ ໄດ້ຮັບຖືວ່າແມ່ນໜຶ່ງໃນບັນດາໜ້າທີ່ສຳຄັນຂອງທຸກຂັ້ນ, ຂະແໜງການໃນການປະຕິບັດມະຕິຂອງພັກ, ສະພາແຫ່ງຊາດ; ລັດຖະບານ, ທ້ອງຖິ່ນ ແລະ ລັດວິສາຫະກິດ.
ທ່ານນາຍົກລັດຖະມົນຕີ ຮຽກຮ້ອງໃຫ້ຊີ້ແຈ້ງບົດບາດຄຸ້ມຄອງລັດຂອງບັນດາອົງການຕາງໜ້າອຳນາດການປົກຄອງລັດ, ຄະນະກຳມະການຄຸ້ມຄອງທຶນຂອງລັດ ຢູ່ບັນດາວິສາຫະກິດ, ກະຊວງ, ຂະແໜງການ ແລະ ທ້ອງຖິ່ນ.
ເພື່ອແນໃສ່ຊຸກຍູ້ບັນດາລັດວິສາຫະກິດເສີມຂະຫຍາຍທ່າແຮງ, ຕົວຈິງແມ່ນ “ກຳລັງວັດຖຸສຳຄັນຂອງພື້ນຖານເສດຖະກິດແຫ່ງລັດ”, ທ່ານນາຍົກລັດຖະມົນຕີ ຊີ້ແຈ້ງວ່າ ມັນເປັນສິ່ງສຳຄັນທີ່ສຸດໃນການກຳນົດຈຸດຕິດຄັດໃນບັນດາກົນໄກ ແລະ ນະໂຍບາຍສຳລັບຂົງເຂດວິສາຫະກິດນີ້, ສິ່ງຂ້ອງຄາ ແລະ ຂໍ້ຈຳກັດຂອງວິສາຫະກິດເອງ ເພື່ອຜ່ານນັ້ນສາມາດຍົກອອກບັນດາທິດທາງ ແລະ ມີຫົວຄິດປະດິດສ້າງ ເພື່ອຍົກສູງປະສິດທິຜົນການເຄື່ອນໄຫວ ເພື່ອລະດົມແຫຼ່ງກຳລັງຂອງລັດວິສາຫະກິດພັດທະນາເສດຖະກິດ - ສັງຄົມໃນໄລຍະຕໍ່ໄປ.
ພາຍຫຼັງກອງປະຊຸມຄັ້ງນີ້, ລັດຖະບານຈະອອກມະຕິລັດຖະບານກ່ຽວກັບວຽກງານ ແລະ ວິທີແກ້ໄຂເພື່ອຊຸກຍູ້ການປ່ຽນແປງໃໝ່ ແລະ ຍົກສູງປະສິດທິຜົນ ເພື່ອລະດົມແຫຼ່ງກຳລັງຂອງລັດວິສາຫະກິດເຂົ້າໃນການພັດທະນາເສດຖະກິດ - ສັງຄົມ.
ບຸນຄົງ
