| ຝລັ່ງ ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບ ຫວຽດນາມ | |
| ຫວຽດນາມ ຖື ຍີ່ປຸ່ນ ແມ່ນຄູ່ຮ່ວມມືຍຸດທະສາດສຳຄັນແຖວໜ້າ, ຍາວນານ |
ໃນລະຫວ່າງວັນທີ 4-9 ເມສາ, ທ່ານນາງ ຟ້າມທິກິມຮວາ ເອກອັກຄະລັດ ຖະທູດຫວຽດນາມ ປະຈຳ ບຣາຊິນ ທັງ ເປຣູ ກໍໄດ້ໄປຢ້ຽມຢາມ ແລະ ເຮັດວຽກຢູ່ສາທາລະນະລັດ ເປຣູ. ທ່ານນາງເອກອັກຄະລັດຖະທູດ ຟ້າມທິກິມຮວາ ໄດ້ເຂົ້າຢ້ຽມຂ່ຳນັບທ່ານລັດຖະມົນຕີການຕ່າງປະເທດ César Landa Arroyo ແລະ ມີການພົບປະກັບຜູ້ຕາງໜ້າບັນດາກະຊວງ, ຂະແໜງການຂອງ ເປຣູ.
 |
| ເປຣູ ຖື ຫວຽດນາມ ແມ່ນຄູ່ຮ່ວມມືສຳຄັນຂອງພາກພື້ນອາຊີຕາເວັນອອກສ່ຽງໃຕ້. ພາບ: thoidai.com.vn |
ທີ່ການແລກປ່ຽນ ແລະ ເຮັດວຽກ, ທ່ານນາງເອກອັກຄະລັດຖະທູດ ນາງ ຟ້າມທິກິມຮວາ ປາດຖະໜາຢາກສືບຕໍ່ເຮັດໃຫ້ການພົວພັນມິດຕະພາບ ແລະ ການຮ່ວມມືກັບ ເປຣູ ເລິກເຊິ່ງກວ່າອີກ, ພິເສດແມ່ນໃນຂົງເຂດເສດຖະກິດ, ການຄ້າ ແລະ ການລົງທຶນ ບົນພື້ນຖານທີ່ສອງປະເທດເຂົ້າຮ່ວມບັນດາກົນໄກ ແລະ ລະບອບລະບຽບການຮ່ວມມືສາກົນ ຄື: ສັນຍາຮ່ວມມືດ້ານເສດຖະກິດອາຊີ-ປາຊີຟິກ (APEC), ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP). ພິເສດ, ທ່ານນາງເອກອັກຄະລັດຖະທູດ ສະເໜີລັດຖະບານ ເປຣູ ສືບຕໍ່ສ້າງເງື່ອນໄຂສະດວກ, ໜູນຊ່ວຍຜັນຂະຫຍາຍບັນດາໂຄງການລົງທຶນດ້ານ ໂທລະຄົມມະນາຄົມ, ນ້ຳມັນອາຍແກັສຂອງ Viettel ແລະ PVN ຢ່າງມີປະສິດທິຜົນ.
2 ຝ່າຍກໍ່ແລກປ່ຽນຫຼາຍມາດຕະການເພື່ອແນໃສ່ຊຸກຍູ້ການພົວພັນລະຫວ່າງຫວຽດນາມ - ເປຣູ ໃນໄລຍະຈະມາເຖິງ, ເປັນຕົ້ນແມ່ນການເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ຮັກສາບັນດາກົນໄກຮ່ວມມືສອງຝ່າຍ ເປັນປະຈໍາ ແລະ ມີປະສິດທິຜົນຄື ຄະນະກໍາລະການລະຫວ່າງລັດຖະບານ ແລະ ປຶກສາຫາລືດ້ານການເມືອງລະຫວ່າງສອງກະຊວງການຕ່າງປະເທດ...
ສ່ວນຝ່າຍເປຣູ, ການນຳຕາງໜ້າໃຫ້ບັນດາກະຊວງ/ຂະແໜງການກໍ່ສະແດງຄວາມສົນໃຈໃນການເພີ່ມທະວີການພົວພັນກັບຫວຽດນາມ, ຢືນຢັນວ່າ ເປຣູ ຖື ຫວຽດນາມ ແມ່ນຄູ່ຮ່ວມມືສຳຄັນຂອງອາຊີຕາເວັນອອກສ່ຽງໃຕ້.
ບູນມີ
