| ຫວຽດນາມ ເພີ່ມທະວີການຮ່ວມມື ກັບ ສະພາອັງກິດກ່ຽວກັບວັດທະນະທຳ, ຫົວຄິດປະດິດສ້າງ | |
| ຫວຽດນາມ ມີຄວາມປາດຖະໜາຢາກຊຸກຍູ້ການຮ່ວມມືກັບສານສາກົນ ໃນການບຳລຸງສ້າງ |
 |
ທ່ານ ສະມາຊິກສະພາສູງ Catherine Deroche ໄດ້ຕີລາຄາການຢ້ຽມຢາມຝະຣັ່ງຢ່າງເປັນທາງການຂອງ ທ່ານນາຍົກລັດຖະມົນຕີ ຟ້າມມີງຈິງ ໄດ້ເປັນການເປີດສາກໃຫ້ແກ່ບັນດາການຢ້ຽມຢາມຂັ້ນສູງລະຫວ່າງ 2 ປະເທດຄືນໃໝ່ພາຍຫຼັງໄລຍະຢຸດສະງັກຍ້ອນພະຍາດໂຄວິດ-19. ໃນປີ 2018, 2 ປະເທດໄດ້ມີຫຼາຍການພົບປະສອງຝ່າຍພິເສດຂັ້ນສູງສຸດ, ດ້ວຍການຢ້ຽມຢາມຂອງ ທ່ານເລຂາທິການໃຫຍ່ ຫງວຽນຟູຈ້ອງ (ເດືອນມີນາ 2018), ຖັດມາແມ່ນການຢ້ຽມຢາມຂອງ ທ່ານນາຍົກລັດຖະມົນຕີ Édouard Philippe. (ເດືອນພະຈິກ 2018)…
ບັນດາການຢ້ຽມຢາມເຫຼົ່ານີ້ໄດ້ຊ່ວຍໃຫ້ສອງປະເທດວາງອອກແຜນການທີ່ເຕັມໄປດ້ວຍຄວາມມຸ່ງຫວັງ, ໄດ້ຍົກອອກໃນຖະແຫຼງການຮ່ວມ ຝະລັ່ງ - ຫວຽດນາມ ແລະ ໄດ້ຫັນເປັນການປະຕິບັດຕົວຈິງ ດ້ວຍການລົງນາມໃນຂໍ້ຕົກລົງ ແລະ ສັນຍາ ຫຼາຍສະບັບ, ສະແດງໃຫ້ເຫັນການພົວພັນຄູ່ຮ່ວມມືຍຸດທະສາດທີ່ໄດ້ຮັບການເພີ່ມທະວີແບບທີ່ບໍ່ເຄີຍມີມາກ່ອນໃນທຸກດ້ານ. ຄວາມຂະຫຍັນຂັນເຄື່ອນນີ້ພວມໄດ້ສືບຕໍ່ຮັກສາໄວ້. ໃນປີ 2023, ບັນດາເຫດການສອງຝ່າຍສຳຄັນຂອງສອງປະເທດ ລວມມີ ການສະເຫຼີມສະຫຼອງຄົບຮອບ 50 ປີ ແຫ່ງວັນສ້າງຕັ້ງການທູດ ແລະ ຄົບຮອບ 10 ປີແຫ່ງການພົວພັນຄູ່ຮ່ວມມືຍຸດທະສາດ.
ກ່ຽວກັບການຕ້ານພະຍາດໂຄວິດ-19 ຢູ່ ຫວຽດນາມ, ປະທານກຸ່ມສະມາຊິກລັດຖະສະພາມິດຕະພາບຝະລັ່ງ - ຫວຽດນາມ ຂອງ ສະພາສູງ ຝະລັ່ງ ໄດ້ເນັ້ນໜັກວ່າ ມີພຽງວິທີທີ່ຍຸດຕິທຳໃນການສໍາຜັດກັບວັກຊີນປ້ອງກັນພະຍາດໃນທົ່ວໂລກ, ໂດຍສະເພາະແມ່ນການປົກປ້ອງພະນັກງານສາທາລະນະສຸກ ແລະ ຜູ້ທີ່ມີຄວາມສ່ຽງທີ່ສຸດ ຈຶ່ງສາມາດຫຼຸດຜ່ອນຜົນກະທົບຂອງໂລກລະບາດຕໍ່ສຸຂະພາບຊຸມຊົນ ແລະ ພື້ນຖານເສດຖະກິດ.
ເມື່ອປຶກສາຫາລືກ່ຽວກັບບັນດານະໂຍບາຍຂອງ EU ເວົ້າລວມ ແລະ ຝລັ່ງ ເວົ້າສະເພາະມຸ່ງໄປສູ່ພາກພື້ນອິນເດຍມະຫາສະໝຸດ-ປາຊີຟິກ, ໃນນັ້ນ ບັນດາປະເທດອາຊີຕາເວັນອອກສ່ຽງໃຕ້ ແລະ ຫວຽດນາມ ແມ່ນປະຕູ, ປະທານກຸ່ມສະມາຊິກລັດຖະສະພາມິດຕະພາບຝະລັ່ງ - ຫວຽດນາມ ຂອງ ສະພາສູງ ຝະລັ່ງ ໄດ້ຕີລາຄາພາກພື້ນນີ້ນັບມື້ນັບຢັ້ງຢືນບົດບາດພື້ນທີ່ຍຸດທະສາດຂອງສະຕະວັດທີ 21.
ທ່ານສະມາຊິກສະພາສູງ Catherine Deroche ໄດ້ເນັ້ນໜັກວ່າ ກັບ ຫວຽດນາມ, ຝລັ່ງ ຍັງຄົງເອົາໃຈໃສ່ຫຼາຍຕໍ່ສະພາບການຢູ່ທະເລຕາເວັນອອກ ແລະ ຢຶດໝັ້ນຕໍ່ທັດສະນະໃນການແກ້ໄຂການແກ້ງແຍ້ງໂດຍສັນຕິວິທີ ບົນພື້ນຖານເຄົາລົບກົດໝາຍສາກົນ, ສິດເສລີໃນການເດີນເຮືອ ແລະ ການບິນຕາມຂໍ້ກຳນົດຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982.
ໄຊພອນ
