| ການພົບປະແລກປ່ຽນກິລາ ປະກອບສ່ວນເພີ່ມທະວີຄວາມສາມັກຄີອາຊຽນ ກັບກະຊວງການຕ່າງປະເທດອົດສະຕຣາລີ | |
| ທ່ານນາງ ປອ ຈ່າມີ: ສະມາຄົມນັກທຸລະກິດຫວຽດນາມຢູ່ຈີນຈະແບ່ງປັນກາລະໂອກາດດຳເນີນທຸລະກິດໂດຍໄວ |
ກ່າວຄໍາເຫັນທີ່ກອງປະຊຸມ, ລັດຖະມົນຕີກະຊວງແຮງງານ-ທະຫານເສຍອົງຄະ ແລະສັງຄົມຫວຽດນາມ ດ່າວງອັກຢຸງ ເຊື່ອໝັ້ນວ່າ ບັນດາຂໍ້ລິເລີ່ມຫວ່າງແລ້ວນີ້ ຂອງອາຊຽນ ໃນການເພີ່ມທະວີບົດບາດຂອງຊາວໜຸ່ມອາຊຽນ ກໍ່ຈະປະກອບສ່ວນສ້າງປະຊາຄົມອາຊຽນ ສະໜິດຕິດພັນ ແລະພັດທະນາ ແບບຍືນຍົງ: “ບັນດາບູລິມະສິດ ແລະຄວາມມານະພະຍາຍາມຂອງປະຊາຄົມ ວັດທະນະທໍາ - ສັງຄົມອາຊຽນ ນັບມື້ນັບສະແດງໃຫ້ເຫັນບົດບາດຂອງປະຊາຄົມນີ້ໃນການຕິດພັນລະຫວ່າງຄົນກັບຄົນ, ຖືປະຊາຊົນເປັນໃຈກາງຂອງການພັດທະນາແບບຍືນຍົງ ແລະບໍ່ປະໃຫ້ໃຜ ຕົກຢູ່ເບື້ອງຫຼັງ.
 |
| ບັນຍາກາດທີ່ກອງປະຊຸມ. ພາບ: ຢາບໂຕ໊ງ |
ເຖິງວ່າປະຈຸບັນ ແຕ່ລະປະເທດອາຊຽນພວມປະເຊີນໜ້າກັບ ຄວາມຫຍຸ້ງຍາກ ແລະສິ່ງທ້າທາຍຫຼາຍຢ່າງ, ແຕ່ຂ້າພະເຈົ້າເຊື່ອໝັ້ນວ່າ ດ້ວຍຈິດໃຈ “ອາຊຽນກະທໍາ-ພ້ອມກັນແກ້ໄຂສິ່ງທ້າທາຍ”, ປະຊາຄົມ ວັດທະນະທໍາ-ສັງຄົມ ຈະບັນລຸຜົນງານຫຼາຍຢ່າງທີ່ໜ້າຮັບຮູ້ໃນປີເປັນປະທານອາຊຽນ 2022 ຂອງ ກໍາປູເຈຍ. ຫວຽດນາມ ໃຫ້ຄໍາໝັ້ນສັນຍາຈະສະໜັບສະໜູນຈົນສຸດຄວາມສາມາດໃຫ້ປີປະທານອາຊຽນ ຂອງກໍາປູເຈຍ”.
ທ່ານ ດ່າວງອັກຢຸງ ກໍ່ແບ່ງປັນບັນດາຄວາມມານະພະຍາຍາມຂອງຫວຽດນາມ ເພື່ອຟື້ນຟູພາຍຫຼັງພະຍາດໂຄວິດ-19, ທ່ານຍັງໃຫ້ຮູ້ວ່າ ດ້ວຍບັນດາ ນະໂຍບາຍເພື່ອຮັບມືກັບໂລກລະບາດ ແລະຄວາມມານະພະຍາຍາມໃນໄລ ຜ່ານມາ, ລັດຖະບານ ຫວຽດນາມໄດ້ຊ່ວຍໃຫ້ປະຊາຊົນກັບຄືນ ການດໍາລົງຊີວິດເປັນປົກກະຕິໂດຍໄວ, ສຸມໃສ່ພັດທະນາເສດຖະກິດ, ເປີດການບໍລິການທ່ອງທ່ຽວ ແລະເປີດໂຮງຮຽນຄືນໃໝ່.
ບູນມີ
