ການແຂ່ງຂັນ bowling 2022 ມີການເຂົ້າຮ່ວມຂອງເອກອັກຄະລັດຖະທູດ, ພະນັກງານ ແລະ ສະມາຊິກຄອບຄົວສະຖານທູດບັນດາປະເທດອາຊຽນ ປະຈໍາ ແຄນເບີຣາ.
 |
| ສະຖານທູດຫວຽດນາມ ປະຈໍາ ອົດສະຕາລີ ເຂົ້າຮ່ວມລາຍການພົບປະແລກປ່ຽນ, ແຂ່ງຂັນ bowling ມິດຕະພາບອາຊຽນ 2022. ພາບ: baoquocte.vn. |
ທ່ານ Zakaria Ahmad ຂ້າຫຼວງໃຫຍ່ບຣູໄນ, ປະທານໝູນວຽນຂອງ ACC ອາຍຸການ 6 ເດືອນຕົ້ນປີ 2022, ຢັ້ງຢືນວ່າ ການແຂ່ງຂັນ bowling ບໍ່ພຽງແຕ່ ເພີ່ມທະວີຄວາມເຂົ້າໃຈ, ຄວາມສະໜິດຕິດພັນລະຫວ່າງພະນັກງານບັນດາ ສະຖານທູດອາຊຽນ, ເປັນຕົ້ນແມ່ນພາຍຫຼັງເກືອບ 2 ປີ ACC ຕ້ອງຈຳກັດການ ເຄື່ອນໄຫວພົບປະແລກປ່ຽນຫຼາຍຄັ້ງ ຍ້ອນຜົນກະທົບຈາກພະຍາດໂຄວິດ-19 ເທົ່ານັ້ນ ຫາກຍັງແມ່ນໂອກາດທີ່ດີເພື່ອພົບປະແລກປ່ຽນ, ຊຸກຍູ້ການພົວພັນລະຫວ່າງ ACC ກັບກະຊວງການຕ່າງປະເທດອົດສະຕຣາລີ.
ໃນບັນຍາກາດພົບປະແລກປ່ຽນຢ່າງສະໜິດສະໜົມ ພາຍຫຼັງການແຂ່ງຂັນ, ພະນັກງານ ແລະ ສະມາຊິກຄອບຄົວສະຖານທູດຂອງ 10 ປະເທດອາຊຽນ ທີ່ເຂົ້າຮ່ວມການແຂ່ງຂັນ bowling ລ້ວນແຕ່ສະແດງຄວາມປິຕິຊົມຊື່ນ, ດີໃຈ ແລະ ຄອງຄອຍບັນດາເຫດການສະເຫຼີມສະຫຼອງ 55 ປີແຫ່ງວັນສ້າງຕັ້ງອາຊຽນໃນໄລຍະຈະມາເຖິງ.
ບູນມີ
