| ກວາງບິ່ງ-ຄຳມ່ວນ: ແບບຢ່າງມິດຕະພາບຫວຽດນາມ-ລາວ | |
| ເພີ່ມພູນຄູນສ້າງ ສາຍພົວພັນມິດຕະພາບຫວຽດນາມ-ລາວ |
ພັນເອກຟ໊າມວັນໂດ່ ຮອງຫົວໜ້າກອງບັນຊາການ, ຫົວໜ້າເສນາກອງບັນຊາກັນທະຫານຊາຍແດນ ແຂວງດ໊ຽນບຽນ ໃຫ້ຊາບວ່າ: ວຽກງານການຕ່າງປະເທດຊາຍແດນເປັນໜ້າທີ່ຫຼັກໃຈກາງ ແລະ ຍາມໃດກໍປະກອບສ່ວນສຳຄັນໃນການຮັດແໜ້ນຄວາມສາມັກຄີປວງຊົນສອງຟາກຊາຍແດນ; ສ້າງຊາຍແດນຢ່າງສັນຕິ, ມິດຕະພາບ, ສະເຖຍລະພາບ. ໄລຍະເວລາຜ່ານມານັ້ນ ທະຫານຊາຍແດນແຂວງ, ກອງຮ້ອຍຊາຍແດນ, ໜ່ວຍງານຊາຍແດນ ຈັດຕັ້ງປະຕິບັດທິດທາງນະໂຍບາຍ, ມາດຕະການ ແລະ ຮັກສາລະບຽບກົດໝາຍຢ່າງເຄັ່ງຄັດ, ລະບຽບການຊາຍແດນ, ແກ້ໄຂເລື່ອງທີ່ເກີດຂຶ້ນຕາມຊາຍແດນ, ຮັກສາສະເຖຍລະພາບ, ຄວາມສະຫງົບທາງການເມືອງ, ຄວາມປອດໄພທາງສັງຄົມໃນພື້ນທີ່ເຂດຊາຍແດນ.
 |
| ພາບປະກອບ: dienbienphu |
ຈາກສະພາບວຽກງານຕົວຈິງແລ້ວ, ກອງທະຫານຊາຍແດນແຂວງ ແລະ ກອງກຳລັງປ້ອງກັນຊາຍແດນປະເທດ ສປປ ລາວ ໄດ້ຈັດຕັ້ງການພົບປະ, ກອງປະຊຸມ, ປະສານງານກວດກາລວມ, ປະສານງານສະກັດກັ້ນການກະທຳຜິດ ແລະ ຊຸກຍູ້ບັນດາກິດຈະກຳພົບປະແລກປ່ຽນ, ແຮກສ່ຽວລະຫວ່າງບັນດາກອງຮ້ອຍຊາຍແດນ, ໜ່ວຍງານຊາຍແດນທັງສອງຝ່າຍ; ເປັນເສນາທິການໃຫ້ຂັ້ນຄະນະພັກ, ອຳນາດການປົກຄອງທ້ອງຖິ່ນ ເປີດກວ້າງການພົວພັນຮ່ວມມືສອງຝ່າຍ, ແກ້ໄຂເຫດການທີ່ເກີດຂຶ້ນຢ່າງເປັນທີ່ເພິ່ງພໍໃຈ. ນັບແຕ່ປີ 2016 ຮອດປັດຈຸບັນ ບັນດາກອງກຳລັງໃນທະຫານຊາຍແດນແຂວງໄດ້ຈັດຕັ້ງກອງປະຊຸມປຶກສາຫາລືກັນ 33 ຄັ້ງຂັ້ນແຂວງ; ຂັ້ນກອງຮ້ອຍ, ໜ່ວຍງານຊາຍແດນໄດ້ 270 ຄັ້ງ ກັບກອງກຳລັງປ້ອງກັນຊາຍແດນ ສປປ ລາວ. ໂດຍຜ່ານບັນດາກອງປະຊຸມປຶກສາຫາລື, ການແລກປ່ຽນເປັນໄຕມາດກໍຄືແບບກະທັນຫັນນັ້ນ ໄດ້ຊ່ວຍໃຫ້ກຳລັງທັງສອງຝ່າຍກຳສະພາບ ແລະ ແລກປ່ຽນຂໍ້ມູນໄດ້ທັນການ, ປະສານສົມທົບພິຈາລະນາ, ແກ້ໄຂບັນຫາທີ່ເກີດຂຶ້ນໃນສອງຟາກຊາຍແດນໄດ້ທັນເວລາ; ເພີ່ມທະວີຄວາມສາມັກຄີ, ມິດຕະພາບ, ຄວາມເຂົ້າໃຈ ແລະ ເຊື່ອໝັ້ນເຊິ່ງກັນ ແລະ ກັນ.
ກອງບັນຊາການທະຫານຊາຍແດນແຂວງ ໄດ້ຊີ້ນຳປະສານສົບທົບກັບກອງກຳລັງປ້ອງກັນຊາຍແດນປະເທດເພື່ອນບ້ານ ຊຸກຍູ້ການໂຄສະນາເຜີຍແຜ່ກົດໝາຍໃຫ້ແກ່ປະຊາຊົນບັນດາເຜົ່າສອງຟາກຊາຍແດນກ່ຽວກັບແນວທາງ, ນະໂຍບາຍ, ທີດທາງແຜນການ, ກົດໝາຍຂອງສອງປະເທດ; ສິດເປັນເຈົ້າອະທິປະໄຕ, ກົດໝາຍຊາຍແດນແຫ່ງຊາດ; ໂດຍສະເພາະແມ່ນສສາຍພົວພັນມິດຕະພາບຫວຽດນາມ-ລາວ. ຕັ້ງໜ້າເຂົ້າຮ່ວມການຄົ້ນຫາ, ການສະກັດກັ້ນໃຫ້ທັນການກໍລະນີຕ່າງໆທີ່ລະເມີດລະບຽບການຊາຍແດນ, ການເຂົ້າ-ອອກເມືອງທີ່ຜິດກົດໝາຍ, ການລ່ວງລ້ຳ, ການບຸກລຸກ. ກອງບັນຊາການທະຫານຊາຍແດນຍາມໃດກໍຊີ້ນຳກອງກຳລັງໜ່ວຍງານຕ່າງໆສ້າງແຜນການປະສານສົມທົບກວດກາສອງຝ່າຍກັບກອງກຳລັງປ້ອງກັນຊາດແດນລາວ.
ຈັດຕັ້ງປະຕິບັດບົດບັນທຶກຊ່ວຍຈຳຄັ້ງທີ 11 ລະຫວ່າງກອງບັນຊາການໃຫຍ່ທະຫານຊາຍແດນ, ກະຊວງປ້ອງກັນຊາດຫວຽດນາມ ແລະ ກົມທະຫານຊາຍແດນ, ກົມໃຫຍ່ເສນາກອງທັບລາວ, 14 ກອງຮ້ອຍຊາຍແດນນຂຶ້ນກັບກອງບັນຊາການທະຫານຊາຍແດນແຂວງ ໄດ້ແຮກສ່ຽວກັບ 4 ກອງຮ້ອຍຊາຍແດນຝ່າຍລາວ. ພ້ອມກັນນັ້ນບັນດາກອງຮ້ອຍຊາຍແດນຍັງເປັນເສນາທິການໃຫ້ອຳນາດການປົກຄອງທ້ອງຖິ່ນຮັກສາ ແລະ ດຳເນີນການແຮກສ່ຽວຄູ່ບ້ານ - ບ້ານ ສອງຟາກຊາຍແດນ. ດ້ວຍເຫດນັ້ນຈຶ່ງໄດ້ເພີ່ມທະວີຄວາມສາມັກຄີ, ຄວາມໃກ້ຊິດຕິດແທດ; ຍົກສູງຄວາມຮັບຮູ້, ສະຕິຄວາມຮັບຜິດຊອບຂອງປະຊາຊົນສອງຟາກຊາຍແດນຕໍ່ກັບສິດເປັນເຈົ້າຊາຍແດນແຫ່ງຊາດ. ຮອດປັດຈຸບັນໄດ້ດຳເນີນການຈັດຕັ້ງການແຮກສ່ຽວໄດ້ 9 ຄູ່ບ້ານ-ບ້ານສອງຝາກຊາຍແດນ.
ກຳນົດໄວ້ວ່າ: “ການຊ່ວຍເພື່ອນກໍ່ຄືຊ່ວຍຕົນເອງ”, ຫຼາຍປີຜ່ານມາ ກອງບັນຊາການທະຫານຊາຍແດນແຂວງໄດ້ຊ່ວຍເຫຼືອຝ່າຍລາວທາງດ້ານວັດຖຸ, ການກໍ່ສ້າງ ແລະ ເສີມສ້າງຄ້າຍ; ຊື້ອຸປະກອນເຕັກນິກ; ສ້າງເງື່ອນໄຂໃຫ້ແກ່ບັນດາອົງການ, ວິສາຫະກິດຂອງລາວຢືມເສັ້ນທາງ, ຂົນສົ່ງອຸປະກອນກໍ່ສ້າງ, ພາຫະຫະເພື່ອການກໍ່ສ້າງຄ້າຍ, ສ້າງຖະໜົນ…
ພິເສດແມ່ນ ກອງບັນຊາການທະຫານຊາຍແດນແຂວງຍັງປະສານສົມທົບບັນດາອົງການຈັດຕັ້ງ, ບຸກຄົນ ດຳເນີນການກວດພະຍາດ, ແຈກຢາຍຢາໂດຍບໍ່ເສັຍຄ່າ ແລະ ມອບຂອງຂວັນໃຫ້ປະຊາຊົນລາວບັນດາເມືອງຕິດຈອດຊາຍແດນ. ເວລາທີ່ພະຍາດໂຄວິດ-19 ລະບາດຢ່າງສັບສົນ, ກອງບັນຊາການທະຫານຊາຍແດນແຂວງ ໄດ້ມອບວຸດຖຸອຸປະກອນທາງການແພດ, ສະບຽງອາຫານສະໜັບສະໜູນ ແລະ ຊ່ວຍເຫຼືອກຳລັງປ້ອງກັນຊາຍແດນສອງແຂວງຜົ້ງສາລີ ແລະ ຫຼວງພະບາງ ປະເທດເພື່ອນບ້ານລາວໃນການຕ້ານ ແລະ ສະກັດກັ້ນພະຍາດດ້ວນມູນຄ່າທັງໝົດກວ່າ 200 ລ້ານດົ້ງ.
ການປະສານງານ, ສົມທົບກັນຢ່າງແໜ້ນແຟ້ນລະຫວ່າງກອງທະຫານຊາຍແດນແຂວງ ກັບກອງກຳລັງປ້ອງກັນຊາຍແດນ ສປປ ລາວ ໃນໄລຍະຜ່ານມາໄດ້ ແລະ ກຳລັງປະກອບສ່ວນຮັກສາຄວາມສະຫງົບເປັນລະບຽບຮຽບຮ້ອຍ, ຊຸກຍູ້ການພັດທະນາເສດຖະກິດ-ສັງຄົມພື້ນທີ່ເຂດຊາຍແດນ. ເພີ່ມທະວີຄວາມສາມັກຄີ, ສາຍພົວພັນມິດຕະພາບອັນເປັນມູນເຊື້ອພິເສດຫວຽດນາມ-ລາວ; ສ້າງຊາຍແດນຫວຽດ-ລາວທີ່ສັນຕິພາບ, ຮ່ວມມືຮ່ວມພັດທະນາ.
ວິລະຊົນ
