| ເອກອັກຄະລັດຖະທູດ ແລະພະນັກງານສະຖານທູດຫວຽດນາມ ປະຈຳ ເຢຍລະມັນ ໄດ້ໄປຍັງສະຖານທູດລາວ ປະຈຳ Berlin ເພື່ອອວຍພອນປີໃໝ່ລາວ | |
| ຫຼາຍຈຸດພິເສດໃນພິທີຕ້ອນຮັບບຸນປີໃໝ່ລາວຂອງນັກສຶກສາລາວ |
ຄະນະຜູ້ແທນໄດ້ມາຢ້ຽມຢາມຫ້ອງການຕຳຫຼວດໂຄໄຕ, ຕາວັງ, ກອງຮ້ອຍປ້ອງກັນຊາຍແດນ 531, 511 ທີ່ຂຶ້ນກັບແຂວງເຊກອງ ແລະ ສາລະວັນ (ລາວ). ທ່ານ ຫງວຽນວັນເຟືອງ, ປະທານຄະນະກຳມະການປະຊາຊົນແຂວງເທືອທຽນເຫວ້ ໄດ້ກ່າວຄຳອວຍພອນເນື່ອງໃນໂອກາດບຸນສົງການປີໃໝ່ລາວ.
ທ່ານ ເຟືອງ ໃຫ້ຊາບວ່າ: ໄລຍະເວລາຜ່ານມາ ກອງທະຫານຊາຍແດນແຂວງເທືອທຽນເຫວ້ ແລະ ກອງກຳລັງວິຊາສະເພາະຂອງສອງແຂວງສາລະວັນ ແລະ ເຊກອງ ໄດ້ມີການປະສານສົມທົບກັນຢ່າງແໜ້ນແຟ້ນໃນການຈັດຕັ້ງປະຕິບັດໜ້າທີ່ການຄຸ້ມຄອງ, ປ້ອງກັນຊາຍແດນ; ຕໍ່ສູ້ຕ້ານ ແລະ ສະກັດກັ້ນການກະທຳຜິດຕ່າງໆຜ່ານຊາຍແດນ ແລະ ຮັກສາຄວາມສະຫງົບ, ຄວາມເປັນລະບຽບຮຽບຮ້ອຍເຂດຊາຍແດນ; ພິເສດແມ່ນໄດ້ປະສານງານຢ່າງມີປະສິດທິຜົນໃນການປ້ອງກັນ, ຕ້ານ ແລະ ສະກັດກັ້ນພະຍາດໂຄວິດ-19.
 |
| ການນຳແຂວງເທືອທຽນເຫວ້ອວຍພອນບຸນສົງການປີໃໝ່ຢູ່ສອງແຂວງຂອງລາວ |
ດັ່ງນັ້ນຈຶ່ງເປັນການປະກອບສ່ວນສ້າງແນວຊາຍແດນຕິດຈອດລະຫວ່າງແຂວງເທືອທຽນເຫວ້ກັບສອງແຂວງສາລະວັນ ແລະ ເຊກອງ - ສປປ ລາວ ໃຫ້ມີສັນຕິພາບ, ມິດຕະພາບ, ສະຖຽນລະພາບ ແລະ ຂະຫຍາຍຕົວ, ຮ່ວມກັນປົກປັກຮັກສາຄວາມໝັ້ນຄົງ, ຄວາມສະຫງົບ ແລະ ເປັນລະບຽບຮຽບຮ້ອຍພື້ນທີ່ເຂດຊາຍແດນ “ສວຍສົດງົດງາມ ແລະ ຍືນຍົງຕະຫຼອດໄປ”.
ທ່ານ ພູທອນ ຄຳມະນີວົງ ຮອງເຈົ້າແຂວງແຂວງສາລະວັນ ໄດ້ກ່າວຂອບໃຈຕໍ່ກັບຄວາມເອົາໃຈໃສ່ຂອງຄະນະຊີ້ນຳວຽກງານຊາຍແດນແຂວງເທືອທຽນເຫວ້ ແລະ ກອງບັນຊາການທະຫານຊາຍແດນແຂວງເທືອທຽນເຫວ້. ພ້ອມທັງຢືນຢັນວ່າຍາມໃດກໍຈະຮ່ວມມືຢ່າງແໜ້ນແຟ້ນກັບບັນດາກອງຮ້ອຍຊາຍແດນຕາມແນວຊາຍແດນແຜນດິນຕິດຈອດກັນຂອງແຂວງເທືອທຽນເຫວ້ ເພື່ອຮ່ວມມືກັນສ້າງສາຊາຍແດນທີ່ສັນຕິພາບ, ມິດຕະພາບ, ຮ່ວມມື ແລະ ຂະຫຍາຍຕົວ.
ວິລະຊົນ
