 |
| ກອງປະຊຸມ ສຳມະນາ ອາຊ່ຽນ ກ່ຽວກັບສົມທົບແຜນການດຳເນີນງານແມ່ຍິງ, ສັນຕິພາບ ແລະ ຄວາມໝັ້ນຄົງເຂົ້າໃນເສົາຄ້ຳປະຊາຄົມອາຊຽນ (ພາບ: TTXVN) |
ວັນທີ 11 ກຸມພາ, ກະຊວງການຕ່າງປະເທດ ຫວຽດນາມ ໄດ້ຈັດກອງປະຊຸມ ສຳມະນາ ອາຊ່ຽນ ກ່ຽວກັບສົມທົບແຜນການດຳເນີນງານແມ່ຍິງ, ສັນຕິພາບ ແລະ ຄວາມໝັ້ນຄົງເຂົ້າໃນເສົາຄ້ຳປະຊາຄົມອາຊຽນ ດ້ວຍຮູບການທາງໄກ ແລະ ໂດຍກົງ. ກ່າວຄຳເຫັນເປີດກອງປະຊຸມສຳມະນາ, ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນມີງຫວູ້ ຢືນຢັນວ່າ, ໂດຍແມ່ນປະເທດຍາມໃດກໍ່ຖື ບົດບາດຂອງແມ່ຍິງໃນການກໍ່ສ້າງ ແລະ ປັບປຸງສັນຕິພາບ ແລະ ຄວາມໝັ້ນຄົງ ເປັນສຳຄັນ, ຫວຽດນາມ ໄດ້ປະກອບສ່ວນແທດຈິງຫຼາຍຢ່າງ ເພື່ອແນໃສຍູ້ແຮງການຜັນຂະຫຍາຍແຜນການດຳເນີນງານກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ (WPS) ໃນອາຊຽນ, ໂດຍສະເພາະແມ່ນໃນອາຍຸການເປັນປະທານອາຊຽນ 2020. ກອງປະຊຸມສຳມະນາຄັ້ງນີ້ ແມ່ນການສືບທອດຄວາມມານະພະຍາຍາມຂອງ ຫວຽດນາມ ເພື່ອມຸ່ງໄປເຖິງການສ້າງຕັ້ງ ແລະ ຫັນບັນດາມາດຕະການຮັບປະກັນສິດທິແມ່ຍິງ ໃຫ້ປະກົດຜົນເປັນຈິງ, ສ້າງເງື່ອນໄຂສະດວກໃຫ້ແກ່ແມ່ຍິງເຂົ້າຮ່ວມຂັ້ນຕອນການຕັດສີນ, ເສີມຂະຫຍາຍບົດບາດໃນການແກ້ໄຂຄວາມສ່ຽງ ແລະ ສີ່ງທ້າທາຍນາບຂູສັນເຖິງສັນຕິພາບ, ຍືນຍົງຂອງພາກພາກພື້ນ. ເຂົ້າຮ່ວມກອງປະຊຸມສຳມະນາທາງໄກ, ທ່ານນາງ Viky Ford ຮອງລັດຖະມົນຕີອັງກິດ ຮັບຜິດຊອບ ອາຟຣີກກາ, ອາເມລິກາລາຕີນ ແລະ ກາລີເບ, ໃຫ້ຮູ້ວ່າ ອັງກິດໃຫ້ຄຳໝັ້ນສັນຍາສ້າງຮ່າງແຜນການເຄື່ອນໄຫວແຫ່ງຊາດກ່ຽກັບແມ່ຍີງ, ສັນຕິພາບ ແລະ ຄວາມໝັ້ນຄົງ, ຮ່ວມມືກັບສະຖາບັນສັນຕິພາບ ແລະ ໄກ່ເກ່ຍ ອາຊຽນ(AIPR) ຈັດການບຳລຸງສ້າງກ່ຽວກັບເນື້ອໃນນີ້.
vovworld.vn
