ສະໜັບສະໜູນພົນລະເມືອງຫວຽດນາມເຂົ້າຮ່ວມໂຄງການແຮງງານກະສິກຳທີ່ອົດສະຕາລີ

16:39 | 29/03/2022

ຍສໝ - ວັນທີ 28 ມີນາ, ກະຊວງແຮງງານ-ທະຫານເສັຍອົງຄະ ແລະ ສັງຄົມ ຫວຽດນາມ ແລະ ກະຊວງການຕ່າງປະເທດ ແລະ ການຄ້າ ອົດສະຕາລີ ໄດ້ມີການເຊັນບົດບັນທຶກຊ່ວຍຈຳ (ຮູບແບບອອນໄລ໌) ລະຫວ່າງ ລັດຖະບານອົດສະຕາລີ ແລະ ລັດຖະບານຫວຽດນາມ ກ່ຽວກັບການສະໜັບສະໜູນພົນລະເມືອງຫວຽດນາມເຂົ້າຮ່ວມໂຄງການແຮງງານກະສິກຳອົດສະຕາລີ.

	ສ້າງຄວາມສະດວກໃຫ້ແກ່ການຊຸກຍູ້ການພົວພັນຫວຽດນາມ - ອົດສະຕາລີ ໃນບັນດາຂົງເຂດ
	ມູນຄ່າສົ່ງອອກເກີນດຸນດ້ານກະສິກຳ, ປ່າໄມ້, ສິນໃນນ້ຳຫວຽດນາມ ເພີ່ມຂຶ້ນເກືອບ 87%

ກ່ອນນີ້ໃນເດືອນກັນຍາ 2021, ລັດຖະບານອົດສະຕາລີປະກາດໂຄງການອອກວີຊ່າໃຫ້ແກ່ແຮງງານໃນຂົງເຂດກະສິກຳ ແລະ ເລືອກເອົາຫວຽດນາມ ຊຶ່ງກາຍເປັນ 4 ປະເທດບຸລິມະສິດທີ່ເຂົ້າຮ່ວມໄວຂຶ້ນໃນໂຄງການນີ້ ຊຶ່ງປະກອບມີ ຫວຽດນາມ, ໄທ, ອິນໂດເນເຊຍ ແລະ ຟີລິປິນ.

ສະໜັບສະໜູນພົນລະເມືອງຫວຽດນາມເຂົ້າຮ່ວມໂຄງການແຮງງານກະສິກຳທີ່ອົດສະຕາລີ. ພາບ: TTXVN

ໂຄງການວີຊ່າແຮງງານ ໄດ້ຖືກດຳເນີນການເພື່ອປະກອບສ່ວນເຂົ້າໃນການທົດແທນແຮງງານທີ່ຂາດເຂີນໃນຂົງເຂດກະສິກຳ ແລະ ນຳມາເຊິ່ງຜົນປະໂຫຍດທາງເສດຖະກິດໃຫ້ແກ່ອົດສະຕາລີ ພ້ອມກັນນັ້ນ ຍັງສ້າງໂອກາດໃຫ້ແກ່ແຮງງານຕ່າງປະເທດ; ໃນນັ້ນມີແຮງງານຫວຽດນາມໄດ້ເກັບກ່ຽວຄວາມຮູ້, ປະສົບການ, ທັກສະ ແລະ ລາຍໄດ້ໃນໄລຍະເວລາເຮັດຢູ່ອົດສະຕາລີ ແລະ ສົ່ງລາຍໄດ້ກັບປະເທດ. ບັນດາຜູ້ໃຊ້ແຮງງານຂອງອົດສະຕາລີກໍຈະໄດ້ຮັບຜົນປະໂຫຍດຈາກຄວາມສາມາດເຂົ້າເຖິງແຫຼ່ງແຮງງານທີ່ໜ້າເຊື່ອຖືໄດ້.

ອົດສະຕາລີຈະຮັບເອົາແຮງງານຫວຽດນາມໃນຂົງເຂດກະສິກຳດ້ວຍຈຳນວນປະມານ 1.000 ຄົນຕໍ່ປີ; ລະດັບຄ່າແຮງງານພື້ນຖານ (ຍັງບໍ່ທັນລົບລາຍຈ່າຍໃຊ້ສອຍ) ເລີ່ມແຕ່ 3.200 ຫາ 4.000 ໂດລາ AUD ຕໍ່ເດືອນ (ທຽບເທົ່າປະມານ 52,8 ຫາ 66 ລ້ານດົ້ງຕໍ່ເດືອນ). ນີ້ເປັນລະດັບລາຍໄດ້ທີ່ໄດ້ຮັບການຕີລາຄາສູງທຽບກັບຕະຫຼາດການຮັບແຮງງານອື່ນໆ.

ວິລະຊົນ