| ອົດສະຕາລີ ພ້ອມແລ້ວທີ່ຈະຊຸກຍູ້ສາຍພົວພັນຮອບດ້ານກັບ ຫວຽດນາມ | |
| ອົດສະຕາລີສ້າງສູນການສຶກສາທຳອິດຢູ່ ຫວຽດນາມ |
ສະມາຄົມຫວຽດນາມທີ່ລັດ New South Wales (UAVS-NSW, Australia) ໄດ້ຈັດຕັ້ງກອງປະຊຸມສະຫຼຸບການເຄື່ອນໄຫວຂອງສະມາຄົມ ປີ 2021, ເລືອກຕັ້ງຄະນະຮັບຜິດຊອບສະໄໝ 2022-2024 ແລະ ວາງແຜນການເຄື່ອນໄຫວຂອງປີ.
ທ່ານ ນາງ ດັ້ງທຸ່ຍຈີ, ຕາງໜ້າສະຖານທູດຫວຽດນາມປະຈຳອົດສະຕາລີ ໃຫ້ຊາບວ່າ ອົດສະຕາລີ ເປັນປະເທດທີ່ມີພື້ນຖານການສຶກສາຄຸນນະພາບສູງ, ເປັນເປົ້າໝາຍທີ່ຊົມຊອບຂອງນັກສຶກສາຫວຽດນາມທັງຫຼາຍ (ດ້ວຍຈຳນວນນັກສຶກສາປະມານ 20.896 ຄົນ, ຢືນຢູ່ໃນອັນດັບທີ່ສີ່ໃນຈຳນວນປະເທດທີ່ມີນັກສຶກສາຫວຽດນາມຈຳນວນຫຼາຍມາສຶກສາທີ່ອົດສະຕາລີ ຖັດຈາກປະເທດຈີນ, ອິນເດຍ ແລະ ເນປານ).
 |
| ນັກສຶກສາຫວຽດນາມທີ່ອົດສະຕາລີຕັ້ງໜ້າຊຸກຍູ້ການເຄື່ອນໄຫວກິດຈະກຳຊຸມຊົນ: ພາບ: vietnamplus |
ຍ້ອນແນວນັ້ນ, ນັກສຶກສາຢູ່ອົດສະຕາລີມີບົດບາດສຳຄັນໃນການຊຸກຍູ້ສາຍພົວພັນຫວຽດນາມ-ອົດສະຕາລີ, ພິເສດໃນຂົງເຂດວັດທະນະທຳ ແລະ ການສຶກສາ ພ້ອມກັນປະກອບສ່ວນການໂຄສະນາພາບລັກ ແລະ ວັນທະນະທຳຫວຽດນາມໄປສູ່ຊຸມຊົນສາກົນ.
ຕາມຂໍ້ມູນຂອງທ່ານ ນາງ ດັ້ງທຸ່ຍຈີ ໃຫ້ຮູ້ວ່າ, ສະມາຄົມນັກສຶກສາຫວຽດນາມທີ່ NSW ເປັນໜຶ່ງໃນອົງການຈັດຕັ້ງທີ່ຫ້າວຫັນ, ມີສາຍພົວພັນທີ່ສະໜິດແໜ້ນກັບບັນດາສະມາຄົມນັກສຶກສາອື່ນຢຸ່ອົດສະຕາລີ ເພື່ອຊຸກຍູ້ການເຄື່ອນໄຫວຕ່າງໆຂອງສະມາຄົມຢູ່ທີ່ອົດສະຕາລີ.
ປະທານສະມາຄົມນັກສຶກສາຫວຽດນາມທີ່ອົດສະຕາລີ ທ່ານ ຫງວຽນຟຸກບິ່ງ ຢືນຢັນສືບຕໍ່ຊຸກຍູ້ການເຄື່ອນໄຫວກິດຈະກຳຕ່າງໆຂອງສະມາຄົມນັກສຶກສາຫວຽດນາມໃນປີ 2022, ສ້າງຄວາມສາມັກຄີລະຫວ່າງບັນດານັກສຶກສາຫວຽດນາມໃນທົ່ວປະເທດອົດສະຕາລີ ຊຶ່ງເປັນການປະກອບສ່ວນຢ່າງຕັ້ງໜ້າເຂົ້າໃນການຂະຫຍາຍສາຍພົວພັນຫວຽດນາມ-ອົດສະຕາລີ.
ວິລະຊົນ
