| ການາດາ ຖືເປັນສຳຄັນການພົວພັນກັບ ຫວຽດນາມ ໃນການຜັນຂະຫຍາຍນະໂຍບາຍການຕ່າງປະເທດ | |
| ຊຸກຍູ້ການຮ່ວມມືສອງຝ່າຍ ຫວຽດນາມ -ມາເລເຊຍ |
 |
| ທ່ານນາງຮອງເລຂາທິການໃຫຍ່ສະຫະປະຊາຊາດ Armida Salsiah Alisjahbana ແລະ ທ່ານເອກອັກຄະລັດຖະທູດ ຟານຈີແທ່ງ, ເອກອັກຄະລັດຖະທູດຫວຽດນາມ ປະຈຳ ໄທ (ພາບ: TTXVN) |
ຕາມນັກຂ່າວສຳນັກຂ່າວສານ ຫວຽດນາມ ປະຈຳ ບາງກອກແລ້ວ, ການຢືນຢັນຂອງທ່ານນາງ Armida Salsiah Alisjahbana ໄດ້ຍົກອອກທີ່ການພົບປະ ແລະ ເຮັດວຽກໃນຕອນເຊົ້າວັນທີ 22 ມີນາ ກັບທ່ານເອກອັກຄະລັດຖະທູດ ຟານຈີແທ່ງ, ເອກອັກຄະລັດຖະທູດຫວຽດນາມ ປະຈຳ ໄທ ທັງເປັນຜູ້ປະຈຳການຄະນະຜູ້ຕາງໜ້າຫວຽດນາມ ປະຈຳ ESCAP.
ທີ່ການເຮັດວຽກ, ສອງຝ່າຍໄດ້ປຶກສາຫາລືກ່ຽວກັບຫົວຂໍ້ຂອງກອງປະຊຸມ ESCAP ຄັ້ງທີ 78 ທີ່ຄາດວ່າຈະຈັດຂຶ້ນໃນເດືອນພຶດສະພາ ແລະ ການຮ່ວມມືລະຫວ່າງ ຫວຽດນາມ ແລະ ESCAP.
ທ່ານນາງ Armida Salsiah Alisjahbana ຕີລາຄາສູງບົດບາດ ແລະ ການປະກອບສ່ວນຂອງຫວຽດນາມ ໃນການຊຸກຍູ້ການຮ່ວມມື, ຮັກສາສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນ ແລະ ສາກົນ ແລະ ໄດ້ສະແດງຄວາມປະທັບໃຈຕໍ່ຄວາມມານະພະຍາຍາມ ແລະ ຄວາມຕັດສິນໃຈຂອງ ຫວຽດນາມ ໃນການປະຕິບັດໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງ, ໂດຍສະເພາະແມ່ນຄຳໝັ້ນສັນຍາຢ່າງແຮງ ກ່ຽວກັບການປ່ຽນແປງຂອງດິນຟ້າອາກາດທີ່ກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອກາດ (COP26).
ທ່ານເອກອັກຄະລັດຖະທູດ ຟານຈີແທງ ຢືນຢັນວ່າ ຫວຽດນາມ ຍາມໃດກໍ່ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ມີຄວາມຮັບຜິດຊອບຂອງ ESCAP ແລະ ຈະຕັ້ງໜ້າເຂົ້າຮ່ວມກອງປະຊຸມຄັ້ງທີ 78 ກໍ່ຄືບັນດາການເຄື່ອນໄຫວລວມຂອງ ESCAP ແລະ ພາກພື້ນ ອາຊີ - ປາຊີຟິກ.
ທ່ານເອກອັກຄະລັດຖະທູດ ໄດ້ສະແດງຄວາມຂອບອົກຂອບໃຈ ແລະ ຕີລາຄາສູງການໜູນຊ່ວຍຂອງ ESCAP ໃຫ້ ຫວຽດນາມ ໃນໄລຍະຜ່ານມາ, ພິເສດແມ່ນບັນດາໂຄງການ ແລະ ແນະນຳດ້ານນະໂຍບາຍ, ການຊ່ວຍເຫຼືອດ້ານເຕັກນິກ ແລະ ຍົກສູງກຳລັງແຮງໃຫ້ບັນດາກະຊວງ, ຂະແໜງການ, ອົງການລັດຖະບານ ແລະ ສະພາແຫ່ງຊາດ. ພວກຂ້າພະເຈົ້າຫວັງວ່າ ESCAP ຈະສືບຕໍ່ໜູນຊ່ວຍ ແລະ ລະດົມບັນດາຄູ່ຮ່ວມມືສາກົນໜູນຊ່ວຍ ຫວຽດນາມ ໃນດ້ານແຫຼ່ງກຳລັງ, ເຕັກໂນໂລຢີ ແລະ ປະສົບການ.
ບຸນຄົງ
