| ນະຄອນໂຮ່ຈິມິນ ສັກຢາວັກຊິນກັນພະຍາດ ໂດສທີ 3 ແຕ່ວັນທີ 10 ທັນວາ | |
| ນະຄອນໂຮ່ຈິມິນ ຕ້ອງນຳເອົາຖານະບົດບາດ, ພາບລັກຄືນມາໃນທຸກດ້ານ |
ໃນແຕ່ລະມື້, ພາຍຫຼັງໄດ້ຮັບຂໍ້ມູນຈາກ F0 ຜ່ານທາງໂທລະສັບ ຫຼື ໃນເວັບໄຊ, ບັນດາພະນັກງານການແພດ ປະຈຳສຸກສາລາ ຈະປະສານສົມທົບກັບຄະນະກຳມະການປະຊາຊົນຕາແສງ - ເທດສະບານເມືອງ ເພື່ອລົງໄປຮອດເຮືອນ F0 ເກັບຂໍ້ມູນ, ວິເຄາະ, ໃຫ້ການດູແລ ແລະ ແຈກຢາຍຢາ.
ບັນດາພະນັກງານການແພດ ພຽງແຕພິມໃສ່ຂໍ້ມູນເຂົ້າໃນໂປແກລມ ການດູແລ ແລະ ຄຸ້ມຄອງ F0 ຢູ່ເຮືອນ. ເມື່ອລະບົບໄດ້ປະມວນຂໍ້ມູນ, ຢູ່ກອງບັນຊາການປ້ອງກັນການລະບາດ, ບັນດາຜູ້ອາສາສະໝັກ ຈະເປັນຜູ້ຕິດຕາມ ແລະ ເບິ່ງແຍງຄົນເຈັບແບບທາງໄກ.
 |
| ນະຄອນໂຮ່ຈິມິນ: ນຳໃຊ້ເຕັກໂນໂລຊີ ໃນການຄຸ້ມຄອງ ແລະ ດູແລ F0 ຢູ່ເຮືອນ. (ພາບ: hanoimoi.com) |
ນອກຈາກ 46 ສຸກສາລາເຄື່ອນທີ່ ແລະ 95 ທີມປິ່ນປົວ F0, ນະຄອນໂຮ່ຈິມິນ ໄດ້ລະດົມອາສາສະໝັກ 240 ຄົນທີ່ເປັນຄູສອນຮັບຜິດຊອບວຽກງານການໂທ, ໃຫ້ຄໍາປຶກສາ, ເບິ່ງແຍງດູແລສຸຂະພາບ ແລະ ອັບເດດຂໍ້ມູນເຂົ້າໃນໂປແກລມ. ການດູແລ ແລະ ອັບເດດຂໍ້ມູນແມ່ນໄດ້ຮັບການປະຕິບັດຢ່າງຕໍ່ເນື່ອງ.
ການແກ້ໄຂຂໍ້ມູນ ແມ່ນອັດຕະໂນມັດ ແລະ ມີລັກສະນະພິເສດຫຼາຍຢ່າງ ເຊັ່ນ: ການກໍານົແບບອັດຕະໂນມັດສຳລັບກໍລະນີພະຍາດຮ້າຍແຮງ, ປານກາງ ແລະ ເບົາບາງ, ການເຕືອນສໍາລັບການຍ້າຍໂຮງຫມໍ, ເຕືອນການຕິດຕາມ, ການຢ້ຽມຢາມຖາມຂ່າວປະຈໍາວັນ. ດັ່ງນັ້ນ, ໂປແກລມ ໄດ້ເຊື່ອມຕໍ່ F0 ກັບທີມແພດ ແລະ ການນໍາຂອງອຳນາດການປົກຄອງໃນທຸກຂັ້ນ, ຊ່ວຍເພີ່ມປະສິດທິພາບການດູແລສຸຂະພາບ.
ທ່ານ ຫງວຽນວັນຫາຍ, ຫົວໜ້າພະແນກສາທາລະນະສຸກເມືອງ ຫອກໂມນ - ນະຄອນໂຮ່ຈິມິນ ໃຫ້ຮູ້ວ່າ: ດ້ວຍເຫດນີ້, ໃນ 10 ວັນທີ່ຜ່ານມາ, ຈຳນວນຄົນໄປປິ່ນປົວຢູ່ໂຮງໝໍແມ່ນໜ້ອຍ, ຈຳນວນກໍລະນີຮ້າຍແຮງບໍ່ຫຼາຍປານໃດ, ສຸຂະພາບປະຊາຊົນດີຂຶ້ນ, ຖ້າມີກໍລະນີຮ້າຍແຮງ, ເຂົາເຈົ້າ ຈະຖືກສົ່ງໄປໂຮງຫມໍທັນເວລາ, ລະດົມໄດ້ທັງລະບົບທັງ ເພື່ອໜູນຊ່ວຍ F0, ຫຼຸດຜ່ອນຈຳນວນຄົນເຈັບທີ່ເກີນກຳລັງໃຫ້ພະນັກງານແພດ.
ໃນອະນາຄົດອັນໃກ້ນີ້, ເມືອງ ຫອກໂມນ ຄາດວ່າຈະຂະຫຍາຍຫຼາຍການນຳໃຊ້ຂອງໂປແກລມ ເຊັ່ນ: ທີມແພດຢູ່ຫ້ອງກວດພະຍາດ ແລະ ກຸ່ມແພດອາສາສະຫມັກທີ່ຈະດູແລ F0 ແລະ ໃຫ້ຄໍາແນະນໍາດ້ານສຸຂະພາບຫຼັງຈາກການປິ່ນປົວ, ຍາດພີ່ນ້ອງ ແລະ ຫມູ່ເພື່ອນ, ຄົນເຈັບ F0 ສາມາດປະເມີນຜົນການປິ່ນປົວຂອງທ່ານຫມໍ, ປຶ້ມຕິດຕາມກວດສຸຂະພາບຂອງປະຊາຊົນໃນບໍລິເວນເມືອງຫອກໂມນ.
ຄຳຮຸ່ງ
