| ວັດທະນະທຳຫວຽດນາມພົ້ນເດັ່ນໃນເທດສະການຝຣັ່ງໂກໂຟນີຢູປະເທດຝຣັ່ງ | |
| ຫວຽດນາມ ແລະ ລາວ ເພີ່ມທະວີການຮ່ວມມືສອງຝ່າຍ |
 |
| ທ່ານນາງ ຖ໊າຍກວິ່ງມາຍຢຸງ, ກຳມະການຜູ້ປະຈຳການກຳມາທິການການຕ່າງປະເທດ ສະພາແຫ່ງຊາດ ກ່າວຄຳເຫັນທີ່ກອງປະຊຸມ (ພາບ: TTXVN) |
ກ່າວຄຳເຫັນທີ່ວາລະປຶກສາຫາລື, ທ່ານນາງ ຖ໊າຍກວິ່ງມາຍຢຸງ, ກຳມະການຜູ້ປະຈຳການກຳມາທິການການຕ່າງປະເທດ ສະພາແຫ່ງຊາດ ຢືນຢັນຄືນໃໝ່ວ່າ: ສັນຕິພາບ ແລະ ການຮ່ວມມືແມ່ນບຸລິມະສິດ ແລະ ເປົ້າໝາຍອັນດັບໜຶ່ງຂອງ ຫວຽດນາມ; ທ່ານນາງ ເນັ້ນໜັກວ່າ ທຸກການຂັດແຍ້ງສາກົນຄວນໄດ້ຮັບການແກ້ໄຂໂດຍສັນຕິວິທີ, ປະຕິບັດຕາມຫຼັກການພື້ນຖານຂອງກົດໝາຍສາກົນ ແລະ ກົດບັດສະຫະປະຊາຊາດ, ສະເໝີພາບ ແລະ ອະທິປະໄຕ, ເຄົາລົບເອກະລາດດ້ານການເມືອງ ແລະ ຜືນແຜ່ນດິນອັນຄົບຖ້ວນ, ບໍ່ແຊກແຊງເຂົ້າວຽກງານພາຍໃນຂອງກັນ ແລະບໍ່ນາບຂູ່ນໍາໃຊ້ກຳລັງອາວຸດ.
ຫວຽດນາມ ສະແດງຄວາມເປັນຫ່ວງກ່ຽວກັບການປະທະກັນດ້ວຍກຳລັງອາວຸດຢູ່ ຢູແກຼນ; ຮຽກຮ້ອງໃຫ້ມີຄວາມອົດກັ້ນສູງສຸດ ແລະ ຢຸດຕິການໃຊ້ກຳລັງອາວຸດຢ່າງທັນທີ ເພື່ອຫຼີກເວັ້ນບໍ່ໃຫ້ມີຜູ້ເສຍຊີວິດ ແລະ ມີຄວາມເສຍຫາຍຕື່ມອີກ; ຫຼຸດຜ່ອນຄວາມເຄັ່ງຕຶງ, ສືບຕໍ່ດຳເນີນການເຈລະຈາຄືນໃໝ່ໂດຍຜ່ານທຸກຊ່ອງທາງ. ຫວຽດນາມ ກໍ່ຮັບຮູ້ບັນດາຄວາມມານະພະຍາຍາມເຈລະຈາລະຫວ່າງບັນດາຝ່າຍ ແລະ ປາດຖະໜາວ່າ ບັນດາຝ່າຍ ຈະປົກປັກຮັກສາຄວາມປອດໄພ, ຄວາມໝັ້ນຄົງຂອງປະຊາຊົນ ແລະ ພື້ນຖານໂຄງລ່າງພົນລະເຮືອນທີ່ຈຳເປັນຕາມກົດໝາຍມະນຸດສະທຳສາກົນ.
ບຸນຄົງ
