| ດົງທາບ ຊອກຮູ້ກາລະໂອກາດຮ່ວມມືດ້ານການລົງທຶນ, ສະພາບການຂອງຊາວ ຫວຽດນາມ ຢູ່ ກຳປູເຈຍ | |
| ຍີ່ປຸ່ນ ປາດຖະໜາຢາກໜູນຊ່ວຍ ຫວຽດນາມ ພັດທະນາ ກິລາ Baseball |
 |
| ພາບປະກອບ: VFF |
ສອງຝ່າຍໄດ້ແລກປ່ຽນຂໍ້ມູນກ່ຽວກັບພື້ນຖານກິລາບານເຕະຂອງສອງປະເທດ ແລະ ປຶກສາຫາລືກ່ຽວກັບກາລະໂອກາດຮ່ວມມືໃນໄລຍະຈະມາເຖິງເພື່ອພັດທະນາກິລາບານເຕະຮ່ວມກັນ, ໂດຍສະເພາະບາງຂົງເຂດທີ່ສຳຄັນເຊັ່ນ: ກິລາບານເຕະເຍົາວະຊົນ, ບານເຕະຍິງ, ການຝຶກອົບຮົມຄູເຝິກ. ການເດີນທາງໄປຝຶກຊ້ອມຂອງທີມຊາດ...
ຜູ້ຕາງໜ້າສະຫະພັນບານເຕະ ເຢຍລະມັນ ກໍ່ສະແດງຄວາມສົນໃຈຕໍ່ວົງການບານເຕະ ຫວຽດນາມ ກ່ຽວກັບບັນດາຜົນງານເຊິ່ງບານເຕະ ຫວຽດນາມ ບັນລຸໄດ້ໃນໄລຍະມໍ່ໆມານີ້, ບໍ່ພຽງແຕ່ຢູ່ລະດັບທະວີບເທົ່ານັ້ນ ຫາກຍັງຢູ່ໃນລະດັບໂລກອີກດ້ວຍ. ຜູ້ຕາງໜ້າສະຫະພັນບານເຕະ ເຢຍລະມັນ ຊົມເຊີຍທີມຍິງ ຫວຽດນາມ ເປັນຄັ້ງທຳອິດທີ່ຍາດໄດ້ສິດເຂົ້າແຂ່ງຂັນ FIFA Women’s World Cup ຢູ່ ອົດສະຕາລີ ແລະ ນິວຊີແລນ ໃນປີ 2023. ສະຫະພັນບານເຕະເຢຍລະມັນ ກໍ່ປາດຖະໜາຢາກໄດ້ຮັບການສະໜັບສະໜູນຈາກ VFF ເພື່ອຍາດໄດ້ສິດທິໃນການເປັນເຈົ້າພາບຈັດການແຂ່ງຂັນບານເຕະຍິງໂລກ 2027 ພ້ອມກັບແບນຊິກ ແລະເນເທີແລນ.
ນອກນັ້ນ, ການຜັນຂະຫຍາຍການຮ່ວມມືພັດທະນາລະຫວ່າງກິລາບານເຕະຫວຽດນາມ ແລະ ບານເຕະເຢຍລະມັນ ກໍ່ຈະໄດ້ຮັບຜົນສຳເລັດໂດຍຜ່ານການລົງນາມໃນບົດບັນທຶກຊ່ວຍຈຳກ່ຽວກັບໂຄງການ “ສູນອົບຮົບນັກກິລາບານເຕະຊາວໜຸ່ມ ຫວຽດນາມ ຢູ່ ເຢຍລະມັນ”, ດ້ວຍການຮ່ວມມືຂອງ VFF, Next Media ແລະ Bundesliga, ຜ່ານນັ້ນ ສ້າງກາລະໂອກາດໃຫ້ບັນດານັກກິລາບານເຕະຫວຽດນາມ ໄດ້ຝຶກຝົນ ແລະ ແຂ່ງຂັນ ເພື່ອຍົກສູງຄວາມສາມາດໃນສະພາບແວດລ້ອມບານເຕະອາຊີບຊັ້ນນຳຂອງໂລກຄື ເຢຍລະມັນ.
ບຸນຄົງ
