 |
| ບັນດາຜູ້ແທນຢູ່ພິທີມອບຂອງຂວັນ (ພາບ: TTXVN) |
ກ່າວຄຳເຫັນທີ່ພິທີມອບຖົງມື ແລະ ບານ Baseball ໃຫ້ແກ່ບັນດາສະໂມສອນ Baseball ເດັກນ້ອຍ ຫວຽດນາມ ຢູ່ນະຄອນຫຼວງໂຕກຽວ, ຕອນເຊົ້າວັນທີ 14 ມີນາ, ທ່ານຜູ້ຕາງຫນ້າ Jin Matsubara, ປະທານສະມາຄົມ Baseball PONY ຍີ່ປຸ່ນ ໃຫ້ຮູ້ວ່າ: ສະມາຄົມພ້ອມແລ້ວທີ່ຈະເຊື້ອເຊີນ ແລະ ໜູນຊ່ວຍທິມ Baseball U-14 ຫວຽດນາມ (ໃນນັ້ນມີນັກກິລາ 15 ຄົນ ແລະ ພະນັກງານຄູຝຶກ 3 ຄົນ) ເຂົ້າຮ່ວມການແຂ່ງຂັນ PONY Baseball ອາຊີ-ປາຊີຟິກ ໃນປີ 2023.
ຕາມທ່ານ Matsubara ແລ້ວ, ສະມາຄົມພ້ອມແລ້ວທີ່ຈະສົ່ງນັກຊ່ຽວຊານ Baseball ມາຍັງຫວຽດນາມ ເພື່ອໜູນຊ່ວຍການຝຶກແອບໃຫ້ນັກກິລາ, ຄູເຝິກ ແລະ ກຳມະການຕາມຄຳຮຽກຮ້ອງຂອງຝ່າຍ ຫວຽດນາມ, ພ້ອມທັງໜູນຊ່ວຍ ຫວຽດນາມ ໃນການຈັດຕັ້ງການແຂ່ງຂັນ Baseball PONY ຢູ່ ພາກພື້ນອາຊີ - ປາຊີຟິກໃນອະນາຄົດ.
ທີ່ພິທີມອບລາງວັນ, ສະມາຄົມ Baseball PONY ຍີ່ປຸ່ນ ໄດ້ມອບຖົງມື 300 ອັນ ແລະ ບານ Baseball 30 ກັບໃຫ້ສະຖານທູດ ຫວຽດນາມ ປະຈຳ ຍີ່ປຸ່ນ ເພື່ອສົ່ງຕໍ່ໃຫ້ບັນດາສະໂມສອນ Baseball ເດັກນ້ອຍຢູ່ ຫວຽດນາມ. ໃນພິທີມອບ, ທ່ານສະມາຊິກສະພາຕຳ່ Jin Matsubara ແລະ ທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືກັບບັນດາຄູ່ຮ່ວມມືຊຸກຍູ້ການເຄື່ອນໄຫວກິລາ Baseball ຢູ່ ຫວຽດນາມ.
ບຸນຄົງ
