| ລາວຈັດຕັ້ງຫຼາຍການເຄື່ອນໄຫວສະເຫຼີມສະຫຼອງປີແຫ່ງການພົວພັນມິດຕະພາບລະຫວ່າງຫວຽດນາມ - ລາວ 2022 | |
| ສືບຕໍ່ເສີມຂະຫຍາຍຄວາມສາມາດບົ່ມຊ້ອນ, ຫົວຄິດປະດິດສ້າງຂອງແມ່ຍິງ ຫວຽດນາມ |
 |
| ທ່ານເອກອັກຄະລັດຖະທູດ ຫງວຽນເຟືອງງາໃຫ້ການຕ້ອນຮັບທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະພັນ ເມັກຊິໂກ ປະຈຳ ຫວຽດນາມ Alejandro Negrín |
ທ່ານເອກອັກຄະລັດຖະທູດ ຫງວຽນເຟືອງງາ ໄດ້ແຈ້ງໃຫ້ທ່ານເອກອັກຄະລັດຖະທູດ ເມັກຊິໂກ ກ່ຽວກັບນະໂຍບາຍການຕ່າງປະເທດຂອງຫວຽດນາມ ດ້ວຍ 3 ເສົາຄ້ຳ: ການທູດຂອງພັກ, ການທູດແຫ່ງລັດ ແລະ ການທູດປະຊາຊົນ. ໂດຍແມ່ນກຳລັງຫຼັກແຫຼ່ງໃນການທູດປະຊາຊົນ, VUFO ຍາມໃດກໍ່ຕັ້ງໜ້າຜັນຂະຫຍາຍບັນດາການເຄື່ອນໄຫວເພີ່ມທະວີຄວາມເຂົ້າໃຈ, ຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນຫວຽດນາມ ແລະ ປະຊາຊົນບັນດາປະເທດໃນຂົງເຂດ.ທ່ານເອກອັກຄະລັດຖະທູດ ນາງ ຫງວຽນເຟືອງງາ ໄດ້ຕ້ອນຮັບທ່ານເອກອັກຄະລັດຖະທູດ Alejandro Negrín ມາຮັບໜ້າທີ່ຢູ່ ຫວຽດນາມ, ເຊື່ອໝັ້ນວ່າ ທ່ານເອກອັກຄະລັດຖະທູດຈະປະສົບຜົນສຳເລັດ ແລະ ມີປະສົບການທີ່ໜ້າຈົດຈຳຫຼາຍຢ່າງຢູ່ ຫວຽດນາມ.
ທ່ານເອກອັກຄະລັດຖະທູດ ນາງ ຫງວຽນເຟືອງງາ ໄດ້ສະເໜີເພີ່ມທະວີການຮ່ວມມືລະຫວ່າງສະຖານທູດ ເມັກຊິໂກ ປະຈຳ ຫວຽດນາມ ແລະ VUFO ໃນການປະຕິບັດບັນດາການເຄື່ອນໄຫວໂຄສະນາ, ແລກປ່ຽນວັດທະນະທຳ, ສິລະປະ, ເຊື່ອມໂຍງ ແລະ ການຮ່ວມມືລະຫວ່າງປະຊາຊົນສອງປະເທດ. ທ່ານເອກອັກຄະລັດຖະທູດ ກໍ່ຫວັງວ່າ 2 ຝ່າຍຈະປຶກສາຫາລືກ່ຽວກັບຄວາມສາມາດສ້າງຕັ້ງສະມາຄົມມິດຕະພາບປະຊາຊົນ ຫວຽດນາມ - ເມັກຊິໂກ, ສ້າງພື້ນຖານຊຸກຍູ້ການສ້າງຂອບເຂດການພົວພັນຄູ່ຮ່ວມມືຮອບດ້ານລະຫວ່າງ 2 ປະເທດ.
ທ່ານເອກອັກຄະລັດຖະທູດ ຊາງ ຫງວຽນເຟືອງງາ ເຊື່ອໝັ້ນວ່າ ທ່ານເອກອັກຄະລັດຖະທູດ Alejandro Negrín ຈະປະກອບສ່ວນຢ່າງຕັ້ງໜ້າເຂົ້າໃນການພົວພັນ 2 ຝ່າຍ ຫວຽດນາມ - ເມັກຊິໂກ, ໃນນັ້ນມີການສືບຕໍ່ສະໜັບສະໜູນ ຫວຽດນາມ ເຂົ້າຮ່ວມການເລືອກຕັ້ງສະພາສິດທິມະນຸດສະຫະປະຊາຊາດ ໄລຍະ 2023 – 2025 ກໍຄືຢູ່ບັນດາເວທີປາໄສຫຼາຍຝ່າຍ ແລະ ສາກົນ.
ບົນພື້ນຖານບັນດາໝາກຜົນແຫ່ງການຮ່ວມມືດ້ານການເມືອງ - ການທູດ, ເສດຖະກິດ - ການຄ້າທີ່ດີງາມທີ່ສອງປະເທດບັນລຸໄດ້, ທ່ານເອກອັກຄະລັດຖະທູດເມັກຊິໂກ Alejandro Negrín ຢືນຢັນວ່າ ໃນໄລຍະດຳລົງຕຳແໜ່ງ, ພ້ອມທັງລົງເລິກການພົວພັນລະຫວ່າງສອງປະເທດໃນລະບົບການເມືອງ ແລະ ເສດຖະກິດ ຈະຊຸກຍູ້ການແລກປ່ຽນປະຊາຊົນລະຫວ່າງສອງປະເທດ.
ທ່ານເອກອັກຄະລັດຖະທູດເມັກຊິໂກ ໄດ້ສະແດງຄວາມດີໃຈຕໍ່ການພັດທະນາເສດຖະກິດ - ສັງຄົມຂອງຫວຽດນາມ ແລະ ຕີລາຄາສູງການປະກອບສ່ວນຂອງຫວຽດນາມ ທີ່ບັນດາເວທີປາໄສຫຼາຍຝ່າຍ. ຢືນຢັນຈະສືບຕໍ່ສະໜັບສະໜູນບົດບາດຂອງຫວຽດນາມ ໃນບັນດາອົງການສາກົນ, ຊຸກຍູ້ການພົວພັນ 2 ຝ່າຍ ຫວຽດນາມ - ເມັກຊິໂກ ເວົ້າລວມ ແລະ ປາດຖະໜາຢາກສົມທົບກັນປະຕິບັດບັນດາການເຄື່ອນໄຫວຂອງ VUFO ເພື່ອແນໃສ່ຮັດແໜ້ນມິດຕະພາບລະຫວ່າງປະຊາຊົນສອງປະເທດ.
ບຸນຄົງ
