| ການຜະລິດອຸດສາຫະກຳ ຫວຽດນາມ ສືບຕໍ່ມີສັນຍານເປັນໜ້າຊື່ນຊົມ ໃນ 2 ເດືອນຕົ້ນປີ 2022 | |
| ຫົວໜ້າຜູ້ຕາງໜ້າ UNCEF ປະຈຳ ຫວຽດນາມ: ການເປີດປະຕູໂຮງຮຽນຄືນໃໝ່ ມີປະໂຫຍດທີ່ສຸດຕໍ່ເດັກນ້ອຍ. |
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN) |
ກ່າວຄຳເຫັນໄຂກອງປະຊຸມ, ທ່ານປະທານສະຫະພັນແມ່ຍິງ ຫວຽດນາມ ຊຸດທີ XII ຮ່າທິງາເນັ້ນໜັກວ່າ: ນີ້ແມ່ນເຫດການການເມືອງສຳຄັນ, ວັນບຸນໃຫຍ່ຂອງແມ່ຍິງຫວຽດນາມທຸກຊັ້ນວັນນະໃນທົ່ວປະເທດ, ສ້າງຂີດໝາຍພັດທະນາຂອງຂະບວນການແມ່ຍິງ ແລະ ອົງການຈັດຕັ້ງສະຫະພັນແມ່ຍິງ ຫວຽດນາມ.
ກອງປະຊຸມໃຫຍ່ ຈະວາງອອກທິດທາງ, ໜ້າທີ່ໃຫ້ແກ່ອາຍຸການໃໝ່. ໃນນັ້ນສືບຕໍ່ຕິດຕາມຢ່າງໃກ້ຊິດ, ຫັນແນວທາງ, ແຜນນະໂຍບາຍຂອງລັດ, ໜ້າທີ່ພັດທະນາເສດຖະກິດ - ສັງຄົມ ແລະ ການປົກປັກຮັກສາປະເທດຊາດເປັນລະອຽດ; ອີງໃສ່ພຶດຕິກໍາຕົວຈິງ ແລະ ຄວາມຮຽກຮ້ອງຕ້ອງການຂອງຂະບວນການແມ່ຍິງໃນໄລຍະໃໝ່; ເສີມຂະຫຍາຍ ແລະ ສືບທອດມູນເຊື້ອອັນດີງາມຂອງແມ່ຍິງ ຫວຽດນາມ, ພ້ອມທັງເອົາໃຈໃສ່, ປົກປ້ອງສິດ ແລະ ຜົນປະໂຫຍດອັນຊອບທຳ, ຮ່ວມເດີນທາງແກ້ໄຂບັນຫາໃກ້ຊິດຕິດແທດກັບແມ່ຍິງ.
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຢັ້ງຢືນວ່າ ໃນຕະຫຼອດໄລຍະສ້າງສາ ແລະ ປົກປັກຮັກສາປະເທດຊາດ, ບໍ່ວ່າຈະຢູ່ໃນໄລຍະໃດ, ສະພາບໃດກໍຕາມ, ແມ່ຍິງ ຫວຽດນາມ ໄດ້ຜ່ານຜ່າຄວາມຫຍຸ້ງຍາກ, ລຳບາກ, ສິ່ງກີດຂວາງນາໆປະການ, ໄດ້ເຂົ້າຮ່ວມ, ອຸທິດສ່ວນ ແລະ ປະກອບສ່ວນຢ່າງໃຫຍ່ຫຼວງເຂົ້າໃນການສ້າງສາ ແລະ ປົກປັກຮັກສາຄວາມໝັ້ນຄົງຂອງຊາດ ຫວຽດນາມ. ພິເສດແມ່ນ, ໃນ 2 ປີຜ່ານມາ, ໃນສະພາບການປະເທດປະສົບກັບຄວາມຫຍຸ້ງຍາກຫຼາຍຢ່າງຈາກໂລກລະບາດໂຄວິດ - 19, ສະມາຄົມທຸກຂັ້ນພ້ອມກັບພະນັກງານ, ສະມາຊິກ, ແມ່ຍິງທົ່ວປະເທດໄດ້ເປັນຈິດໜື່ງໃຈດຽວ, ຮ່ວມແຮງຮ່ວມໃຈມານະພະຍາຍາມເຂົ້າຮ່ວມບັ້ນຕໍ່ສູ້ກັບໂລກລະບາດຢ່າງຕັ້ງໜ້າດ້ວຍຫຼາຍວິທີ, ຮູບແບບປະດິດສ້າງ, ມີປະສິດທິຜົນ.
ທ່ານນາຍົກລັດຖະມົນຕີ ຟ້າມມິງຈິງ ເຊື້ອໝັ້ນວ່າ ພາຍຫຼັງກອງປະຊຸມໃຫຍ່ນີ້, ການເຄື່ອນໄຫວຂອງສະຫະພັນແມ່ຍິງ ຫວຽດນາມ ຈະມີການປ່ຽນແປງໃໝ່ຫຼາຍຢ່າງ, ຍົກລະດັບ, ບຸກທະລຸກວ່າອີກ, ເພື່ອປະເທດຫວຽດນາມ “ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ມີຄວາມສະເໝີພາບ ແລະ ສິວິໄລ”, ເພື່ອການພັດທະນາຢ່າງເຂັ້ມແຂງແຮງກ້ານ, ວັດທະນາຖາວອນ.
ບຸນຄົງ
