| ຮຽກຮ້ອງບັນດາອົງການ, ສ່ວນບຸກຄົນ ແລະ ຊາວຫວຽດນາມຢູ່ຕ່າງປະເທດ ສືບຕໍ່ຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມ. | |
| ຫວຽດນາມ ບັນລຸໄດ້ບັນດາຜົນງານຫຼາຍຢ່າງ ເພື່ອແກ້ໄຂຜົນຮ້າຍທີ່ຕາມມາຈາກທາດພິດສີສົ້ມ/ດີໂອຊິນ |
ຕອນບ່າຍຂອງວັນທີ 15 ມີນາ ທີ່ຮ່າໂນ້ຍ, ສະມາຄົມຜູ້ເຄາະຮ້າຍຈາກທາດພິດສີສົ້ມ/Dioxin ຫວຽດນາມ (VAVA) ແລະ ສູນລິເລີ່ມໃຫ້ການບໍລິການຊ່ວຍເຫຼືອຊຸມຊົນ (CSIP) ໄດ້ເຊັນສັນຍາຕົກລົງການຮ່ວມມື ແລະ ຊ່ວຍເຫຼືອຍົກສູງຄວາມສາມາດຂອງສູນກາງສະມາຄົມ.
ການເຄື່ອນໄຫວດັ່ງກ່າວນັ້ນ ນອນໃນຂອບເຂດໂຄງການ “ຊ່ວຍໜູນປັບປຸງຄຸນນະພາບການດຳລົງຊີວິດຂອງຄົນພິການໃນບັນດາແຂວງທີ່ຖືກປ່ອຍທາດພິດສີສົ້ມທີ່ຮຸນແຮງ” ໂດຍອົງການພັດທະນາສາກົນອາເມລິກາ (USAID) ສະໜັບສະໜູນ.
 |
| ສືບຕໍ່ຍົກສູງຄຸນນະພາບການດຳລົງຊີວິດຂອງຜູ້ເຄາະຮ້າຍຈາກທາດພິດສີສົ້ມ. ພາບປະກອບ: qdnd.vn |
ພິທີເຊັນລົງນາມຕົກລົງຮ່ວມມື ມີການເຂົ້າຮ່ວມຂອງທ່ານພົນໂທ Nguyen Van Rinh, ປະທານ VAVA; ທ່ານ ນາງ Pham Kieu Oanh ຜູ້ອຳນວຍການ CSIP. ທ່ານ ນາງ Ann Marie Yastishock ຜູ້ອຳນວຍການ USAID ປະຈຳຫວຽດນາມ ຊຶ່ງເຂົ້!ຮ່ວມກັນດ້ວຍຮູບແບບອອນລາຍ໌ທາງໄກ.
ໃນພິທີນີ້, ຜູ້ຕາງໜ້າ VAVA ໄດ້ລາຍງານເນື້ອໃນທີ່ນຳໄປຈັດຕັ້ງປະຕິບັດຕ່າງໆໃນຂອບການຮ່ວມມືລະຫວ່າງ VAVA ກັບ CSIP. ຊຶ່ງໃນນັ້ນ, ການຕົກລົງປະກອບມີເນື້ອໃນຕ່າງໆຄື: ການພັດທະນາ ແລະ ຍົກສູງຄວາມສາມາດລະບົບ VAVA; ລະດົມ ແລະ ຄຸ້ມຄອງແຫຼ່ງກຳລັງ, ໃຫ້ການປຶກສາ, ເປັນເສນາທິການ ແລະ ໝູນໃຊ້ນະໂຍບາຍສະເພາະໃຫ້ແກ່ຜູ້ເຄາະຮ້າຍຈາກທາດພິດສີສົ້ມ; ຍົກສູງຄວາມສາມາດຄຸ້ມຄອງ, ນຳພາ ແລະ ຈັດຕັ້ງປະຕິບັດການເຄື່ອນໄຫວຕ່າງໆ, ໂຄງການຊ່ວຍເຫຼືອຜູ້ເຄາະຮ້າຍຈາກທາດພິດສີສົ້ມ/Dioxin ຂອງສູນກາງສະມາຄົມ ແລະ 8 ສະມາຄົມແຂວງເທິງພື້ນທີ່ຂອງໂຄງການ.
ມີຄຳເຫັນໃນພິທີ, ທ່ານພົນໂທ Nguyen Van Rinh ຢືນຢັນວ່າ ການຊ່ວຍເຫຼືອປັບປຸງຄຸນນະພາບການດຳລົງຊີວິດຂອງຜູ້ເຄາະຮ້າຍຈາກທາດພິດສີສົ້ມ ໄດ້ຮັບ ແລະ ກຳລັງເປັນຄວາມເອົາໃຈໃສ່ອັນໃຫຍ່ຂອງພັກ ແລະ ລັດ ກາຍເປັນໜຶ່ງໃນບຸລິມະສິດອັນດັບຕົ້ນຂອງຊາດ. ບັນຫານີ້ໄດ້ສະແດງອອກຢ່າງຈະແຈ້ງໂດຍຜ່ານບັນດານະໂຍບາຍ, ທິດທາງແຜນການຂອງພັກ, ລັດ ແລະ ມາດຕະການຈັດຕັ້ງປະຕິບັດຕ່າງໆ.
ເນື່ອງໃນໂອກາດນີ້, ປະທານ VAVA ຫວັງວ່າ USAID ຈະເຂົ້າຮ່ວມຢ່າງຕັ້ງໜ້າຂຶ້ນອີກ ເພື່ອຮ່ວມກັບລັດຖະບານຫວຽດນາມສະໜັບສະໜູນ ແລະ ຊ່ວຍເຫຼືອຜູ້ເຄາະຮ້າຍຈາກທາດພິດສີສົ້ມ ເພື່ອມີຊີວິດການເປັນຢູ່ທີ່ດີຂຶ້ນກວ່າເກົ່າ.
ທ່ານນາງ Ann Marie Yastishok ກ່າວຄຳເຫັນທາງໄກໃນພິທີດັ່ງກ່າວວ່າ: ສຳລັບພາກສ່ວນເຮົາເອງຮັບຮູ້ວ່າໃນປີຜ່ານໆມາ, ລັດຖະບານອາເມລິກາໄດ້ປະສານກັບລັດຖະບານຫວຍດນາມ ເພື່ອຊຸກຍູ້ລະດັບການຟື້ນຟູຜົນກະທົບຈາກທາດພິດເຄມີ/Dioxin ແລະ ລະເບີດທີ່ບໍ່ທັງແຕກພາຍຫຼັງສົງຄາມຢູ່ຫວຽດນາມ. ຜູ້ອຳນວຍການ USAID ປະຈຳຫວຽດນາມ ເນັ້ນໜັກວ່າຈະສືບຕໍ່ຊ່ວຍເຫຼືອຜູ້ເຄາະຮ້າຍຈາກທາດພິດສີສົ້ມຫວຽດນາມໃນຕໍ່ໜ້າ.
ໃນພິທີນັ້ນ, ຜູ້ຕາງໜ້າ VAVA ແລະ CSIP ໄດ້ເຊັນລົງນາມຕົກລົງຮ່ວມມືພາຍໃຕ້ການເປັນສັກຂີພິຍານຂອງທ່ານພົນໂທ Nguyen Van Rinh ແລະ ທ່ານ ນາງ Ann Marie Yastishok ຮ່ວມກັບບັນດາຜູ້ແທນ.
ໂດຍໄດ້ຮັບການຈັດຕັ້ງປະຕິບັດມາແຕ່ປີ 2021, ໂຄງການ “ການຊ່ວຍໜູນປັບປຸງຄຸນນະພາບການດຳລົງຊີວິດຂອງຜູ້ເສຍອົງຄະໃນບັນດາແຂວງທີ່ຖືກພົ່ນທາດພິສີສົ້ມທີ່ຮຸນແຮງ” ກ້າວໄປສູ່ເປົ້າໝາຍຍົກສູງຄຸນນະພາບການດຳລົງຊີວິດຂອງຜູ້ເສຍອົງຄະໃນ 8 ແຂວງຂອງຫວຽດນາມ ປະກອບມີ: ກວ໊າງຈິ, ເຖື່ອທຽນເຫວ້, ກວ໊າງນາມ, ບິ໊ງດິງ, ກອນຕູ່ມ, ບິ໊ງເຟືອກ, ດົງນາຍ ແລະ ເຕີຍນິ່ງ. ອົງການຄຸ້ມຄອງໂຄງການແມ່ນກະຊວງປ້ອງກັນຊາດຫວຽດນາມ, ຂະແໜງການລົງທຶນ ແລະ ເຈົ້າຂອງໂຄງການແມ່ນ ສູນເຄື່ອນໄຫວຟື້ນຟູຜົນກະທົບຈາກທາດພິດເຄມີ ແລະ ສິ່ງແວດລ້ອມແຫ່ງຊາດ ກັບການສະໜັບສະໜູນທຶນຈາກ USAID. CSIP ເປັນໜຶ່ງໃນບັນດາຜູ້ປະມູນການຄຸ້ມຄອງ ແລະ ເຄື່ອນໄຫວໃນຂອບຂອງໂຄງການ.
ວິລະຊົນ
