| ນຳສົ່ງພົນລະເມືອງ ຫວຽດນາມ ອອກຈາກເຂດສູ້ຮົບຢູ່ຢູແກຼນ ກັບເມືອປະເທດຢ່າງປອດໄພ | |
| ລັດຖະບານອະນຸມັດຜ່ານແຜນນະໂຍບາຍຈັດຖ້ຽວບິນສົ່ງຊາວ ຫວຽດນາມ ອາໄສ ຢູ່ ຢູແກຼນກັບຄືນປະເທດ |
ໂດຍພາຍໃຕ້ການຊີ້ນຳຂອງສະຖານທູດ, ສະມາຄົມນັກສຶກສາໜຸ່ມຫວຍດນາມປະຈຳປະເທດໂປແລນ ແລະ ໂຣມານີ ໄດ້ປະສານສົມທົບຮ່ວມກັບສະມາຊິກສະມາຄົມສະໜອງການຊ່ວຍເຫຼືອຕ່າງໆທີ່ຈຳເປັນເຖິງພົນລະເມືອງຫວຽດນາມໃນການອົບພະຍົບຈາກປະເທດຢູເຄຣນ, ຊ່ວຍເຫຼືອບ່ອນພັກເຊົາຊົ່ວຄາວໃນເວລາລໍຖ້າຖ້ຽວບິນກັບສູ່ບ້ານເກີດ.
ນັກສືກສາອາສາສະໝັກຢູ່ທີ່ໂປແລນ ໄດ້ຊ່ວຍເຫຼືອພີ່ນ້ອງຮ່ວມຊາດຫວຽດນາມເຄື່ອນຍ້າຍໄປສູ່ບ່ອນພັກເຊົາຊົ່ວຄາວ, ຕ້ອນຮັບ ແລະ ໃຫ້ກຳລັງໃຈແກ່ແຕ່ລະຄົນ.
 |
| ພາບປະກອບ:kinhtevadubao.vn |
ສະມາຄົມຊາວໜຸ່ມຫວຽດນາມປະຈຳໂຣມານີ ໄດ້ກໍ່ຕັ້ງກຸ່ມປະຊາຄົມເພື່ອປຶກສາຫາລືແລກປ່ຽນຂໍ້ມູນ, ສ້າງແຜນວິທີທາງຊ່ວຍເຫຼືອພີ່ນ້ອງຊາວຫວຽດນາມຈາກປະເທດຢູເຄຣນ.ສະມາຄົມນັກສຶກສາໜຸ່ມຫວຽດນາມປະຈຳໂປແລນ ໄດ້ລະດົມການສະໜັບສະໜູນ, ປະກອບສ່ວນໃນເວທີປາໄສອັນເປັນທາງການຂອງສະມາຄົມ.
ກອງກຳລັງຊາວໜຸ່ມ ແລະ ນັກສຶກສາ ພາຍໃຕ້ການຊີ້ນຳຂອງສະຖານທູດ ໄດ້ປະສານສົມທົບກັບບັນດາອົງການຈັດຕັ້ງມະຫາຊົນ, ປະຊາຄົມຊາວຫວຽດນາມ ດຳເນີນການຊ່ວຍເຫຼືອພີ່ນ້ອງຊາວຫວຽດນາມໃນຂໍ້ມູນການຕິດຕໍ່ ແລະ ແລກປ່ຽນແບ່ງປັນຂໍ້ມູນຂ່າວສານ, ຊ່ວຍເຫຼືອພີ່ນ້ອງໃນການແປພາສາໂດຍກົງໃນບັນດາດ່ານຊາຍແດນ, ສະຖານີຂົນສ່າງຕ່າງໆ ຫຼື ຜ່ານທາງໂທລະສັບ, ຊ່ວຍໃນການເຄື່ອນຍ້າຍໃຫ້ບາງກຸ່ມນ້ອຍ, ຊອກຫາ ແລະ ຊ່ວຍເຫຼືອໃນການຊອກເຊົ່າເຮືອນໃຫ້ພີ່ນ້ອງທີ່ມີຄວາມຕ້ອງການ, ຮ້ອງຂໍການຊ່ວຍເຫຼືອ ແລະ ຊ່ວຍຂົນສົ່ງເຄື່ອງຂອງຕ່າງໆ…
ວັນທີ 13 ມີນາ 2022, ບັນດາກະຊວງ, ພະແນກການ, ອົງການຕາງໜ້າຕ່າງໆຂອງຫວຽດນາມທີ່ກ່ຽວຂ້ອງ ໄດ້ຈັດຖ້ຽວບິນ 2 ຖ້ຽວນຳເອົາພົນລະເມືອງຫວຽດນາມ ແລະ ຄອບຄົວ ເກືອບ 600 ຄົນ ຈາກຢູເຄຣນທີ່ໄປຍັງໂປແລນ ແລະ ໂຣມານີ ເພື່ອກັບປະເທດຢ່າງປອດໄພ.
ຖ້ຽວບິນເລກທີ VN58 ຮັບຜູ້ໂດຍສານ 288 ຄົນ ຈາກ Warsaw (ໂປແລນ) ລົງຈອດທີ່ສະໜາມບິນໂນ້ຍບາຍ ເວລາ 9 ໂມງ 30 ນາທີ. ເທິງຖ້ຽວບິນປະກອບມີເດັກຕ່ຳກວ່າ 18 ປີ 63 ຄົນ ແລະ ຜູ້ສູງອາຍຸ 51 ຄົນ.
ຖ້ຽວບິນເລກທີ VN68 ຮັບຜູ້ໂດຍສານ 291 ຄົນ ຈາກ Bucharest (ໂຣມານີ) ລົງຈອດທີ່ສະໜາມບິນໂນ້ຍບາຍ ເວລາ 11 ໂມງ 00 ນາທີ. ເທິງຖ້ຽວບິນປະກອບມີເດັກນ້ອຍຕ່ຳກວ່າ 2 ປີ 16 ຄົນ, ເດັກຕ່ຳກວ່າ 12 ປີ 60 ຄົນ, ຜູ້ສູງອາຍຸ 19 ຄົນ ແລະ ແມ່ຍິງຖືພາ ແລະ ຄົນເຈັບ 12 ຄົນ.
ລວມມາຮອດ 16 ໂມງຂອງວັນທີ 12 ມີນາ 2022, ບັນດາອົງການຜູ້ຕາງໜ້າຂອງຫວຽດນາມ ໄດ້ຮັບເອົາ 4500 ຜູ້ອົບພະຍົບຈາກຢູເຄຣນ ໄປຍັງປະເທດໃກ້ຄຽງ, ເປັນຕົ້ນຄື: ປະມານ 950 ຄົນ ຢູ່ໂຣມານີ ໃນນັ້ນມີ 287 ຄົນ ທີ່ໄດ້ພາກັບຄືນປະເທດກັບຖ້ຽວບິນຂອງວັນທີ 7 ມີນາ, 291 ຄົນ ໄດ້ພາກັບຄືນປະເທດກັບຖ້ຽວບິນຂອງວັນທີ 12 ມີນາ ແລະ ປັດຈຸບັນຍັງປະມານກວ່າ 500 ຄົນ ທີ່ລົງທະບຽນຄວາມຕ້ອງການກັບຄືນປະເທດ; ມີປະມານ 2800 ຄົນ ຢູ່ໂປແລນ, ໃນນັ້ນມີ 300 ຄົນ ທີ່ໄດ້ພາກັບຄືນປະເທດກັບຖ້ຽວບິນຂອງວັນທີ 9 ມີນາ, 288 ຄົນ ໄດ້ພາກັບຄືນປະເທດກັບຖ້ຽວບິນຂອງວັນທີ 12 ມີນາ ແລະ ປັດຈຸບັນຍັງປະມານກວ່າ 200 ຄົນ ທີ່ລົງທະບຽນຄວາມຕ້ອງການກັບຄືນປະເທດ; ອີກ 660 ຄົນ ຢູ່ຮົງກາລີ, ອີກເກືອບ 130 ຄົນ ຢູ່ສະໂລວາເກຍ, ອີກຫຼາຍກວ່າ 40 ຄົນ ຢູ່ລັດເຊຍ.
ວິລະຊົນ
