ນຳສົ່ງພົນລະເມືອງ ຫວຽດນາມ ອອກຈາກເຂດສູ້ຮົບຢູ່ຢູແກຼນ ກັບເມືອປະເທດຢ່າງປອດໄພ

11:33 | 10/03/2022

ຍສໝ - ຕອນທ່ຽງວັນທີ 8 ມີນາ, ຖ້ຽວບິນໝາຍເລກ VN88 ຂອງ ບໍລິສັດການບິນ Vietnam Airlines ໄດ້ເລີ່ມຕົ້ນການເດີນທາງອອກຈາກ Bucharest (ຣູມານີ), ນຳຊາວຫວຽດນາມ 287 ຄົນກັບເມືອສະໜາມບິນສາກົນ ໂນ້ຍບາຍ, ຮ່າໂນ້ຍ ຢ່າງປອດໄພ.

	ສະຖານທູດ ຫວຽດນາມ ປະຈຳ ຮຸງກາຣີ ຮັບຊາວຫວຽດນາມ 290 ຄົນ ຈາກ ຢູແກຼນ
	ລັດຖະບານອະນຸມັດຜ່ານແຜນນະໂຍບາຍຈັດຖ້ຽວບິນສົ່ງຊາວ ຫວຽດນາມ ອາໄສ ຢູ່ ຢູແກຼນກັບຄືນປະເທດ

ນຳສົ່ງພົນລະເມືອງ ຫວຽດນາມ ອອກຈາກເຂດສູ້ຮົບຢູ່ຢູແກຼນ ກັບເມືອປະເທດຢ່າງປອດໄພ

ພາບປະກອບ: vietnam.vnanet.vn

ກະຊວງການຕ່າງປະເທດ ໃຫ້ຮູ້ວ່າ ນີ້ແມ່ນຖ້ຽວບິນຍົກຍ້າຍມະນຸດສະທຳທີ່ສະແດງໃຫ້ເຫັນຄວາມເອົາໃຈໃສ່ເປັນພິເສດຂອງລັດຖະບານ ເຊິ່ງໄດ້ຈັດຕັ້ງໂດຍບໍ່ເສຍຄ່າເພື່ອຮັບເອົາພໍ່ແມ່ປະຊາຊົນກັບເມືອປະເທດ.

ເພື່ອຈັດຕັ້ງສຳເລັດບັນດາຖ້ຽວບິນ, ສະຖານທູດ ຫວຽດນາມ ປະຈຳ ຣູມານີ ໄດ້ຕັ້ງໜ້າເຮັດວຽກກັບບັນດາອົງການທີ່ມີໜ້າທີ່ຄວາມຮັບຜິດຊອບຂອງປະເທດປະຈຳຖິ່ນ, ສະເໜີສ້າງເງື່ອນໄຂສະດວກ, ພ້ອມທັງແຈ້ງໃຫ້ພົນລະເມືອງຫວຽດນາມ ແລະ ແນະນຳພົນລະເມືອງຈົດທະບຽນກັບເມືອປະເທດ.

ປັດຈຸບັນ, ກະຊວງການຕ່າງປະເທດພວມຕັ້ງໜ້າສົມທົບກັບບັນດາອົງການ, ຂະແໜງການທີ່ກ່ຽວຂ້ອງ ແລະ ບໍລິສັດການບິນ Bamboo Airways ຕັ້ງໜ້າກະກຽມຈັດຕັ້ງຖ້ຽວບິນໃນວັນທີ 9 ມີນາ, ຄາດວ່າຈະນຳສົ່ງພົນລະເມືອງຫວຽດນາມ 270 ຄົນ ເດີນທາງຈາກ Warsaw (ໂປໂລຍ), ລົງຈອດຢູ່ສະໜາມບິນໂນ້ຍບາຍໃນຕອນເຊົ້າວັນທີ 10 ມີນາ.

ກະຊວງການຕ່າງປະເທດໃຫ້ຮູ້ວ່າ ບັນດາອົງການຕາງໜ້າຫວຽດນາມ ປະຈຳໂປໂລຍ ແລະ ຣູມານີ ສືບຕໍ່ຮັບບັນຊີລາຍຊື່ຈົດທະບຽນຂອງພົນລະເມືອງທີ່ມີຄວາມມຸ່ງຫວັງຢາກກັບເມືອປະເທດ ສຳລັບບັນດາຖ້ຽວບິນຕໍ່ໄປ ໂດຍຜ່ານ link:

https://docs.google.com/forms/d/e/1FAIpQLSdQqfqeq3QTxl8CKLqbAwkQnOpHiRu8wj8hiN2lqhnqp4j-OA/viewform

ບຸນຄົງ