| ການແຂ່ງຂັນກອັຟ ຢູ່ແບນຊິກ ໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ ຢູ່ຫວຽດນາມ | |
| ຊຸກຍູ້ການຮ່ວມມືດ້ານກະສິກຳສອງຝ່າຍ ລະຫວ່າງຫວຽດນາມ ແລະ ແບນຊິກ |
ທ່ານເອກອັກຄະລັດຖະທູດ ຫງວຽນວັນຖາວ ໄດ້ສະແດງຄວາມຊົມເຊີຍ ແລະ ປາດຖະໜາຢາກຍົກລະດັບການພົວພັນ ຫວຽດນາມ - ແບນຊິກ ໃຫ້ນັບມື້ນັບແທດຈິງ, ໃນນັ້ນ ນະຄອນຫຼວງ Brussels ດ້ວຍບົດບາດ “ຫົວໃຈຂອງເອີລົບ” ຈະສືບຕໍ່ແມ່ນຂົວຕໍ່ທີ່ສຳຄັນ ໃນການຊຸກຍູ້ການພົວພັນລະຫວ່າງ ຫວຽດນາມ - ສະຫະພາບເອີລົບ (ອີຢູ) ແລະ ອາຊຽນ - ອີຢູ.
ເນື່ອງໃນໂອກາດສະເຫຼີມສະຫຼອງ 50 ປີ ແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ແບນຊິກ, ທ່ານເອກອັກຄະລັດຖະທູດ ປາດຖະໜາວ່າ 2 ຝ່າຍຕ້ອງຂຸດຄົ້ນບັນດາທ່າໄດ້ປຽບທີ່ມີຢູ່ ຢ່າງມີປະສິດທິຜົນ, ພິເສດ ແມ່ນການປະຕິບັດສັນຍາການຄ້າເສລີ ອີຢູ - ຫວຽດນາມ (EVFTA), ພ້ອມທັງເປີດກວ້າງການຮ່ວມມືທີ່ມີທ່າແຮງໃນຂົງເຂດຕ່າງໆ ເຊັ່ນ: ການພັດທະນານະຄອນອັດສະລິຍະ, ການເຊື່ອມຕໍ່ຕົວເມືອງ, ພື້ນຖານໂຄງລ່າງຄົມມະນາຄົມ, ເສດຖະກິດດີຈີຕອນ, ການແລກປ່ຽນວັດທະນະທຳ, ການສຶກສາ, ການທ່ອງທ່ຽວ...
 |
| ເພີ່ມທະວີການຮ່ວມມື ລະຫວ່າງບັນດາທ້ອງຖິ່ນຫວຽດນາມ ແລະ Brussels. (ພາບ: TTXVN) |
ທ່ານເອກອັກຄະລັດຖະທູດ ສະເໜີໃຫ້ນະຄອນຫຼວງ Brussels - ຊຸກຍູ້ແບນຊິກ ເພື່ອສຳເລັດການ ໃຫ້ສັດຕະຍາບັນສັນຍາອາລັກຂາການລົງທຶນ ອີຢູ - ຫວຽດນາມ (EVIPA).
ທ່ານລັດຖະມົນຕີ, ປະທານເຂດ Brussels Rudi Vervoort ໄດ້ເຫັນດີກັບຂໍ້ສະເໜີ ຂອງທ່ານເອກອັກຄະລັດຖະທູດ ກ່ຽວກັບທິດທາງການຮ່ວມມືໃນໄລຍະຈະມາເຖິງ, ໃນນັ້ນ ແມ່ນພ້ອມແລ້ວທີ່ຈະຊຸກຍູ້ຄວາມເປັນໄປໄດ້ໃນການສ້າງການພົວພັນລະຫວ່າງ 2 ນະຄອນຫຼວງ Brussels ແລະ ຮ່າໂນ້ຍ.
ຄຳຮຸ່ງ
