| ການຮ່ວມມື CLMV - ຊອກຫາມາດຕະການຟື້ນຟູເສດຖະກິດ | |
| ລາວ-ອົງການ FAO ສືບຕໍ່ຮັດແໜ້ນສາຍພົວພັນ ແລະ ການຮ່ວມມື |
ພາຍໃຕ້ກອບວາລະການຢ້ຽມຢາມຂອງຄະນະການນຳຂັ້ນສູງສະພາທຸລະກິດອາເມລິກາ - ອາຊຽນ (USABC) ຢູ່ຫວຽດນາມຂອງວັນທີ 9 ມີນາ, ອົງການປະກັນສັງຄົມຫວຽດນາມ ແລະ ສະພາທຸລະກິດອາເມລິກາ - ອາຊຽນ ໄດ້ເຊັນບົດບັນທຶກຊ່ວຍຈຳການຮ່ວມມືໃນຂົງເຂດການດຳເນີນນະໂຍບາຍປະກັນສຸຂະພາບ, ບົດບັນທຶກຊ່ວຍຈຳມີຜົນສັກສິດໃນຂອບເຂດ 5 ປີ ນັບແຕ່ວັນທີ່ເຊັນລົງນາມເປັນຕົ້ນໄປ.
 |
| ພາບປະກອບ: vovworld.vn |
ໃນເນື້ອໃນບົດບັນທຶກຊ່ວຍຈຳການຮ່ວມມືນັ້ນ, ສອງຝ່າຍຈະສູມໃສ່ການຮ່ວມມືໃນບັນດາຂົງເຂດກ່ຽວກັບການດຳເນີນວຽກງານປະກັນສຸຂະພາບ ເຊັ່ນ: ການພັດທະນາປະກັນສຸຂະພາບທົ່ວປວງຊົນຢ່າງຍືນຍົງ; ສ້າງແຜນວິທີການຕີລາຄາຄຸນນະພາບ, ຄ່າໃຊ້ຈ່າຍ, ມູນຄ່າຂອງວັດຖຸອຸປະກອນການແພດ, ບັນດາການບໍລິການທາງການແພດ, ປະກອບອຸປະກອນທາງການແພດ ແລະ ຢາປິ່ນປົວໃນການຄິດໄລ່ຊຳລະປະກັນສຸຂະພາບ; ດຳເນີນການປະເມີນການຊຳລະປະກັນສຸຂະພາບ. ພ້ອມກັບຊອກຫາເນື້ອໃນຕ່າງໆທີ່ສາມາດຮ່ວມມືລະຫວ່າງສອງຝ່າຍ ຄື: ໝູນໃຊ້ເຕັກໂນໂລຊີດີຈິຕອລໃນຂົງເຂດປະກັນສຸຂະພາບ; ໃຫ້ຄຳປຶກສາທາງດ້ານສະຫວັດດີການສັງຄົມ, ກອງທຶນການລົງທຶນ ແລະ ເນື້ອໃນທ່າແຮງອື່ນໆທີ່ສາມາດໃຫ້ສອງຝ່າຍພັດທະນາໄດ້ໃນອະນາຄົດ.
ຄຽງຄູ່ກັນນັ້ນ, ສອງຝ່າຍກໍຍັງຈະມີການແລກປ່ຽນປະສົບການຕ່າງໆຕົວຈິງກ່ຽວກັບຮູບແບບຕ່າງໆໃນການຈ່າຍຄ່າບໍລິການທາງແພດສຳລັບການປິ່ນປົວໂລກມະເຮັງ ແລະ ພະຍາດຊຳເຮື້ອຕ່າງໆທີ່ບໍ່ຕິດຕໍ່ຊຶ່ງມີຄ່າໃຊ້ຈ່າຍສູງ; ບັນດາວິທີທາງອັນຈຳເປັນໃຫ້ແກ່ຄົນເຈັບຢູ່ຫວຽດນາມ ສາມາດເຂົ້າເຖິງວິທີການປິ່ນປົວທີ່ກ້າວໜ້າ; ບັນດາພະຍາດທີ່ບໍ່ຄ່ອຍກວດພົບ, ວິທີການຊຳລະຄ່າໃຊ້ຈ່າຍຕ່າງໆໃນການປິ່ນປົວທີ່ຖືກນຳໃຊ້ຕາມຮູບແບບຂອງບາງປະເທດ ແລະ ການດັດປັບທີ່ຈຳເປັນ ເພື່ອນຳໄປຈັດຕັ້ງຜັນຂະຫຍາຍຮູບແບບຕ່າງໆນີ້ໃນຫວຽດນາມ.
ວິລະຊົນ
