 |
| ທ່ານລັດຖະມົນຕີກະຊວງການຕ່າງປະເທດຫວຽດນາມບູຍແທັງເຊີນ (ພາບ: TTXVN) |
ໂດຍສະແດງຄວາມຂອບອົກຂອບໃຈຕໍ່ລັດຖະບານ ຣູມານີ ທີ່ໄດ້ໃຫ້ການຊ່ວຍເຫຼືອດ້ານມະນຸດສະທຳ, ທີ່ພັກ, ເບິ່ງແຍງສຸຂະພາບໃຫ້ແກ່ຊາວຫວຽດນາມ ແລະ ຄອບຄົວອົບພະຍົບຈາກ ຢູແກຼນ ໄປ ຣູມານີ ໃນຊຸມມື້ມໍ່ໆມານີ້, ທ່ານລັດຖະມົນຕີການຕ່າງປະເທດ ບຸຍແທັງເຊີນ ປາດຖະໜາວ່າ ຣູມານີ ຈະສືບຕໍ່ໜູນຊ່ວຍບັນດາຄອບຄົວຊາວຫວຽດນາມ ຈາກ ຢູແກຼນ ໄປ ຣູມານີ ໃນໄລຍະຈະມາເຖິງ.
ທ່ານລັດຖະມົນຕີການຕ່າງປະເທດ ຣູມານີ ຢືນຢັນວ່າ ປະຈຸບັນ ອຳນາດການປົກຄອງ ຣູມານີ ພວມສົມທົບກັນຢ່າງແໜ້ນແຟ້ນກັບສະຖານທູດ ຫວຽດນາມ ປະຈຳ ຣູມານີ ໃນວຽກງານປົກປັກຮັກສາພົນລະເມືອງ ຫວຽດນາມ ແລະ ຄອບຄົວຊາວອົບພະຍົບ ເປັນຕົ້ນແມ່ນບັນດາມາດຕະການໜູນຊ່ວຍກ່ຽວກັບຖ້ຽວບິນອົບພະຍົບຊາວຫວຽດນາມ ຈາກຣູມານີ ກັບເມືອປະເທດ.
2 ຝ່າຍໄດ້ປຶກສາຫາລືຫຼາຍມາດຕະການເພື່ອແນໃສ່ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດໃຫ້ເລິກເຊິ່ງກ້ວາງຂວາງກ່ວາອີກ, ໃນນັ້ນມີການສົມທົບກັນຊຸກຍູ້ການຢ້ຽມຢາມ ແລະ ພົວພັນຕ່າງປະເທດທຸກຂັ້ນ, ຮັກສາກົນໄກຮ່ວມມືດ້ານການເມືອງ, ຄະນະກຳມະການຮ່ວມ ກ່ຽວກັບການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງ ຫວຽດນາມ ແລະ ຣູມານີ, ເພີ່ມທະວີການຮ່ວມມືໃນບັນດາຂົງເຂດທີ່ເປັນມູນເຊື້ອຄື: ການສຶກສາ - ບຳລຸງສ້າງ, ວັດທະນະທຳ, ການທ່ອງທ່ຽວ ເປັນຕົ້ນແມ່ນການຮ່ວມມືໃນຂົງເຂດທີ່ມີທ່າແຮງໃໝ່ຄື: ແຮງງານ ແລະ ກະສິກຳ.
ບຸນຄົງ
