| ປະກາດໃຊ້ຂໍ້ກຳນົດການເຄື່ອນໄຫວຂອງຄະນະກຳມະການແຫ່ງຊາດກ່ຽວກັບການຫັນເປັນດີຈີຕອນ | |
| ຂໍ້ມູນກ່ຽວກັບວິທີການຮັບຊາວຫວຽດນາມ ຈາກຢູແກຼນ ກັບເມືອປະເທດ |
 |
| Kim Jai-min, ຄູສອນໂຮງຮຽນມັດຖະຍົມຕອນປາຍ Songdo ຢູ່ Inchoen (ພາບ: TTXVN) |
ງານວາງສະແດງພາບແຕ້ມສີນ້ຳກ່ຽວກັບຫວຽດນາມ ຢູ່ Gallery Yeonjung ນະຄອນ Incheon ລວມມີບັນດາພາບແຕ້ມວາດພາບການດຳລົງຊີວິດປະຈຳວັນຂອງປະຊາຊົນແມ່ນ້ຳລຳເຊທາງທິດຕາເວັນຕົກເຊິ່ງຄູສອນ ໄດ້ແວ່ຢາມເປັນເວລາຫຼາຍຄັ້ງຄື: ມີທໍ, ວິງລອງ, ເກິ່ນເທີ, ເຈົາດົກ (ອານຢາງ). ພິເສດກ່ວາອີກ, ງານວາງສະແດງໄດ້ດຳເນີນກົງກັບໂອກາດສອງປະເທດ ຫວຽດນາມ ແລະ ສ.ເກົາຫຼີ ພວມຕັ້ງໜ້າກະກຽມໃກ້ແກ່ບັນດາການເຄື່ອນໄຫວມຸ່ງໄປເຖິງການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ (22 ທັນວາ 1992 – 22 ທັນວາ 2022).
ທ່ານ Kim Jai – Min ໃຫ້ຮູ້ວ່າ: “ນັບແຕ່ປີ 1993 ມາຮອດປັດຈຸບັນ, ຂ້າພະເຈົ້າໄດ້ມາທ່ອງທ່ຽວຢູ່ ຫວຽດນາມ ປະມານ 30 ຄັ້ງແລ້ວ ແລະ ຜ່ານນັ້ນກໍ່ມີເອກະສານ ກໍ່ຄືຄວາມຊົງຈຳທີ່ສວຍງາມຫຼາຍຢ່າງກ່ຽວກັບປະເທດຊາດ ແລະ ຊາວຫວຽດນາມ. ຍິ່ງໄປຫຼາຍ, ນ້ຳໃຈທີ່ຂ້າພະເຈົ້າສະຫງວນໃຫ້ຫວຽດນາມ ຍິ່ງເລິກເຊິ່ງ. 10 ປີມານີ້, ຂ້າພະເຈົ້າເລີ່ມແຕ້ມພາບ ແລະ ມີແຫຼ່ງບັນດານໃຈຈາກບັນດາພາບຖ່າຍໂດຍຕົນເອງຖ່າຍ ແລະ ເປັນຕົ້ນແມ່ນເພື່ອມອບໃຫ້ຊາວຫວຽດນາມທີ່ພວມດຳລົງຊີວິດຢູ່ ສ.ເກົາຫຼີ ດ້ວຍຄວາມຫວັງຢາກຊ່ວຍເຂົາເຈົ້າ, ພິເສດແມ່ນແມ່ຍິງຫວຽດນາມ ເອົາຜົວ ສ.ເກົາຫຼີ ໄດ້ບັນເທົາຄວາມຄິດຮອດບ້ານສ່ວນໃດສ່ວນໜຶ່່ງ”.
ທ່ານ Kim Jai – Min ກໍ່ເຂົ້າຮ່ວມການແນະນຳກ່ຽວກັບຫວຽດນາມ ໃນໂຄງການ “ສາລະຄະດີ ການທ່ອງທ່ຽວ” ດ້ວຍຫົວຂໍ້ ໂລກ ຂອງ ສະຖານທີ່ໂທລະພາບ EBS (ສ.ເກົາຫຼີ) ເພື່ອໂຄສະນາກ່ຽວກັບ ຫວຽດນາມ ແລະ ຮ່ວມເປັນຜູ້ຂຽນ (ພ້ອມກັບທ່ານສາດສະດາຈານ Kim Young-sun ຂອງ ມະຫາວິທະຍາໄລ Inha) ຂຽນປຶ້ມ “ເລື່ອງລາວກ່ຽວກັບ ຫວຽດນາມ” (ພິມຈຳໜ່າຍໃນປີ 2015, ສຳນັກພິມຈຳໜ່າຍ Book Korea) ເຊິ່ງປະກອບສ່ວນຊ່ວຍໃຫ້ຊາວ ສ.ເກົາຫຼີ ມີເງື່ອນໄຂເພື່ອເຂົ້າໃຈຢ່າງເລິກເຊິ່ງກ່ຽວກັບປະເທດຊາດ ແລະ ຊາວຫວຽດນາມ.
ບຸນຄົງ
