 |
| ລັດຖະບານໄດ້ລົງນາມຂໍ້ຕົກລົງສະບັບເລກທີ 24 ປະກາດໃຊ້ຂໍ້ກຳນົດການເຄື່ອນໄຫວຂອງຄະນະກຳມະການແຫ່ງຊາດກ່ຽວກັບການຫັນເປັນດີຈີຕອນ. ພາບ: TTXVN |
ຕາມນັ້ນແລ້ວ, ຂໍ້ກຳນົດນີ້ໄດ້ກຳນົດກ່ຽວກັບຫຼັກການ, ໜ້າທີ່, ສິດ, ລະບົບການເຮັດວຽກ ແລະ ການພົວພັນປະຕິບັດວຽກງານຂອງຄະນະກຳມະການແຫ່ງຊາດ ກ່ຽວກັບການຫັນເປັນດີຈີຕອນ (ຕໍ່ໄປເອີ້ນຫຍໍ້ວ່າ ຄະນະກຳມະການ). ຂໍ້ກຳນົດນີ້ໄດ້ນຳໃຊ້ສຳລັບບັນດາສະມາຊິກຄະນະກຳມະການ ແລະ ກຸ່ມປະຕິບັດການໜູນຊ່ວຍຄະນະກຳມະການ (ຕໍ່ໄປເອີ້ນຫຍໍ້ວ່າ ກຸ່ມປະຕິບັດງານ).
ຄະນະກຳມະການເຮັດວຽກປະຊາທິປະໄຕ, ເປີດເຜີຍ ແລະ ໂດຍທ່ານປະທານຄະນະກຳມະການຕັດສິນ. ຄະນະກຳມະການ ແລະ ສະມາຊິກຄະນະກຳມະການ, ກຸ່ມປະຕິບັດງານ ແລະ ສະມາຊິກກຸ່ມປະຕິບັດງານ ເຮັດວຽກແທນໜ້າທີ່ຂອງບັນດາອົງການ, ໜ່ວຍງານ ແລະ ການນຳບັນດາອົງການ, ໜ່ວຍງານໃນລະບົບຄຸ້ມຄອງບໍລິຫານແຫ່ງລັດ. ຍົກສູງຄວາມຮັບຜິດຊອບສ່ວນຕົວ ຂອງບັນດາສະມາຊິກຄະນະກຳມະການໃນການເຄື່ອນໄຫວຂອງຄະນະກຳມະການ ແລະ ໃນການປະຕິບັດໜ້າທີ່ຄວາມຮັບຜິດຊອບທີ່ໄດ້ມອບໝາຍ, ແກ້ໄຂວຽກງາມຕາມສິດ ແລະ ຄວາມຮັບຜິດຊອບທີ່ໄດ້ມອບໝາຍ, ຖືກຕ້ອງຕາມຂັ້ນຕອນຂອງກົດໝາຍ ແລະ ຂໍ້ກຳນົດຂອງຂໍ້ກຳນົດກົດລະບຽບນີ້.
ຄະນະກຳມະການອາດຈະເຮັດວຽກຕາມບັນດາຮູບແບບຄືຈັດຕັ້ງວາລະກອງປະຊຸມປະຈຳປີ, ກອງປະຊຸມວິສາມັນ, ຈັດຕັ້ງກອງປະຊຸມ, ກອງປະຊຸມສຳມະນາ ຫຼື ໃຫ້ຄຳເຫັນດ້ວຍເອກະສານ.
ຂໍ້ຕົກລົງສະບັບນີ້ ມີຜົນສັກສິດນັບແຕ່ວັນລົງນາມ ແລະ ປ່ຽນແທນໃຫ້ຂໍ້ຕົກລົງສະບັບເລກທີ 414 ຂອງປະທານຄະນະກຳມະການແຫ່ງຊາດກ່ຽວກັບລັດຖະບານເອກເລັກໂຕນິກ ປະກາດໃຊ້ຂໍ້ກຳນົດການເຄື່ອນໄຫວຂອງຄະນະກຳມະການແຫ່ງຊາດກ່ຽວກັບລັດຖະບານເອເລັກໂຕນິກ.
ບຸນຄົງ
