| Tierra del Fuego ຢາກຮ່ວມມືກັບ ບັນດາທ້ອງຖິ່ນ ຫວຽດນາມ | |
| ຫວຽດນາມ ມີລະບົບຄຸ້ມຄອງການສຶກສາ IMS ທຳອິດ ໄດ້ຮັບການຮັບຮູ້ຈາກສາກົນ |
 |
| ທ່ານນາງ Linda Dessau ຜູ້ວ່າການລັດ Vitoria ແລະ ທ່ານເອກອັກຄະລັດຖະທູດ ຫວຽດນາມ ປະຈຳ ອົດສະຕາລີ ຫງວຽນເຕິດແທັງ (ພາບ: TTXVN) |
ທ່ານຂ້າຫຼວງລັດ Daniel Andrews ໄດ້ສະແດງຄວາມຊົມເຊີຍຕໍ່ເລື່ອງ ຫວຽດນາມ ເປີດປະຕູການທ່ອງທ່ຽວໃຫ້ແກ່ແຂກທ່ອງທ່ຽວສາກົນຄືນໃໝ່ ແລະ ເຊື່ອໝັ້ນວ່າ ສິ່ງນີ້ຈະສ້າງຄວາມສະດວກໃຫ້ແກ່ການເຄື່ອນໄຫວພົວພັນແລກປ່ຽນການຄ້າ, ການລົງທຶນ ແລະ ການທ່ອງທ່ຽວ. ທ່ານ Daniel Andrews ສະແດງຄວາມພ້ອມແລ້ວທີ່ຈະແລກປ່ຽນ, ລົງນາມຂໍ້ຕົກລົງການຮ່ວມມືກັບບັນດາທ້ອງຖິ່ນຂອງ ຫວຽດນາມ, ພິເສດແມ່ນນະຄອນ ໂຮ່ຈີມິນ, ຮ່າໂນ້ຍ ແລະ ດ່ານັ້ງ, ພ້ອມທັງຈະຕັ້ງໜ້າໂຄສະນາກ່ຽວກັບຫວຽດນາມ, ຈັດຕັ້ງຄະນະວິສາຫະກິດໄປຢ້ຽມຢາມຫວຽດນາມ ໂດຍໄວ ພ້ອມກັບບັນດາການນຳລັດ ເພື່ອຊອກຫາກາລະໂອກາດຳເນີນທຸລະກິດຢູ່ຫວຽດນາມ. ໃນຂະນະນັ້ນ, ທ່ານນາງ Linda Dessau ຜູ້ວ່າການລັດ Vitoria ໄດ້ເນັ້ນໜັກວ່າ ລັດ Virtoria ພ້ອມແລ້ວທີ່ຈະເປີດປະຕູກັບບັນດາທ້ອງຖິ່ນ, ວິສາຫະກິດ ຫວຽດນາມ. ລັດກໍ່ພ້ອມແລ້ວທີ່ຈະຈັດຕັ້ງຫຼາຍການເຄື່ອນໄຫວເພື່ອແນໃສ່ສະເຫຼີມສະຫຼອງ 50 ປີແຫ່ງການພົວພັນທາງການທູດລະຫວ່າງສອງປະເທດຢູ່ນະຄອນ Melbourne ໃນປີ 2022 ແລະ ປີ 2023.
ທີ່ການພົບປະກັບທ່ານລັດຖະມົນຕີ Martin Pakula ແລະ ຜູ້ຕາງໜ້າບັນດາກະຊວງ, ຂະແໜງການ ຂອງລັດ Victoria, ທ່ານເອກອັກຄະລັດຖະທູດ ຫງວຽນເຕິດແທັງມີຄວາມປາດຖະໜາຢາກໃຫ້ ລັດ Victoria ຜັນຂະຫຍາຍບັນດາໂຄງການຮ່ວມມືກັບ ຫວຽດນາມ ຕາມຍຸດທະສາດການຄ້າ - ການລົງທຶນກັບອາຊີຕາເວັນອອກສ່ຽງໃຕ້ໂດຍໄວ ກໍ່ຄືບັນດາຂອບເຂດການຮ່ວມືລວມລະຫວ່າງສອງປະເທດ, ພ້ອມທັງສະເໜີໃຫ້ລັດສົມທົບກັນສ້າງເຄືອຂ່າຍວິສາຫະກິດ Vitoria ທີ່ມີຄວາມສົນໃຈຕໍ່ການດຳເນີນທຸລະກິດກັບບັນດາທ້ອງຖິ່ນ ຫວຽດນາມ.
ບຸນຄົງ
