 |
| ພາບປະກອບ: moit.gov.vn |
ຕາມສຳນັກງານການຄ້າຫວຽດນາມປະຈຳອິນເດຍແລ້ວ, ໃນຈຳນວນວົງເງິນການຄ້າລະຫວ່າງຫວຽດນາມ ແລະ ອິນເດຍ ໃນປີ 2021, ອິນເດຍສົ່ງອອກ 6,95 ຕື້ USD (ເພີ່ມຂຶ້ນ 56%, ເທົ່າກັບ 2,5 ຕື້ USD ເມື່ອທຽບໃສ່ປີ 2020), ຫວຽດນາມສົ່ງອອກ 6,25 ຕື້ USD (ເພີ່ມຂຶ້ນ 20%, ເທົ່າກັບ 1 ຕື້ເມື່ອທຽບໃສ່ປີ 2020), ຫວຽດນາມ ຂາດດຸນ 691 ລ້ານ USD; ຂະນະທີ່ໃນປີ 2020, ຫວຽດນາມ ມີຍອດມູນຄ່າເກີນດຸນ 799 ລ້ານ USD.
ສະເພາະເດືອນ ທັນວາ 2021, ວົງເງິນນໍາເຂົ້າ ແລະ ສົ່ງອອກບັນລຸ 1,135 ຕື້ USD, ເພີ່ມຂຶ້ນ 5,2% ເມື່ອທຽບໃສ່ເດືອນ ພະຈິກ 2021, ແລະ ເພີ່ມຂຶ້ນ 27% ເມື່ອທຽບໃສ່ໄລຍະດຽວກັນຂອງປີ 2020. ມູນຄ່າການສົ່ງອອກຂອງອິນເດຍ ໄປຍັງ ຫວຽດນາມ ບັນລຸ 577 ລ້ານ USD, ເພີ່ມຂຶ້ນ 9,5% ເມື່ອທຽບໃສ່ເດືອນ ພະຈິກ 2021 ແລະ ເພີ່ມຂຶ້ນ 37% ເມື່ອທຽບໃສ່ໄລຍະດຽວກັນຂອງປີ 2020.
ວົງເງິນສົ່ງອອກຂອງຫວຽດນາມໄປອິນເດຍບັນລຸ 557 ລ້ານ USD, ເພີ່ມຂຶ້ນ 1,1% ເມື່ອທຽບໃສ່ເດືອນພະຈິກ 2021 ແລະ ເພີ່ມຂຶ້ນ 18% ເມື່ອທຽບໃສ່ໄລຍະດຽວກັນຂອງປີ 2020. ວົງເງິນການຄ້າເກີນດຸນບັນລຸ 19 ລ້ານ USD, ອຽງໄປທາງອິນເດຍ.
ສິນຄ້າບາງປະເພດສົ່ງອອກຈາກຫວຽດນາມ ໄປອິນເດຍ ດ້ວຍອັດຕາການເຕີບໂຕຢ່າງແຮງໃນຕະຫຼອດປີ 2021 (ທຽບກັບປີ 2020) ລວມມີ: ວັດຖຸດິບປະເພດທາດອ່ອນໜຽວ ເພີ່ມຂຶ້ນ 231%; ສານເຄມີເພີ່ມຂຶ້ນ 162%; ຢາງພາລາ ເພີ່ມຂຶ້ນ 138%; ຖ່ານຫີນເພີ່ມຂຶ້ນ 128%. ການສົ່ງອອກໂທລະສັບມືຖື ແລະ ອາໄຫຼ່ ສືບຕໍ່ມີວົງເງິນສົ່ງອອກຫຼາຍກວ່າໝູ່ກວ່າ 1,28 ຕື້ USD, ກວມເອົາປະມານ 21% ຂອງມູນຄ່າການສົ່ງອອກສິນຄ້າຈາກຫວຽດນາມ ໄປອິນເດຍ; ການສົ່ງອອກສິນຄ້າອື່ນໆບັນລຸ 877 ລ້ານ USD, ກວມເອົາ 14% ຂອງມູນຄ່າການສົ່ງອອກທັງໝົດ; ການສົ່ງອອກຄອມພິວເຕີ, ຜະລິດຕະພັນເອເລັກໂຕຣນິກ ແລະ ອາໄຫຼ່ ບັນລຸ 828 ລ້ານ USD, ກວມເອົາ 13%.
ບັນດາສິນຄ້າສົ່ງອອກຕົ້ນຕໍຈາກອິນເດຍໄປຫວຽດນາມກວມອັດຕາສ່ວນຫຼາຍໃນເດືອນທັນວາ 2021, ລວມມີ: ເຫລັກ, ເຫລັກກ້າ ແລະ ຜະລິດຕະພັນຈາກເຫຼັກກ້າ (116 ລ້ານໂດລາສະຫະລັດ, ຫຼຸດລົງ 9% ເມື່ອທຽບໃສ່ເດືອນພະຈິກ 2021); ໂລຫະ (37 ລ້ານໂດລາ, ເພີ່ມຂຶ້ນ 20%); ຝ້າຍ (35 ລ້ານໂດລາສະຫະລັດ, ເພີ່ມຂຶ້ນ 37%); ເຄື່ອງຈັກ ແລະ ອາໄຫຼ່ (31 ລ້ານໂດລາສະຫະລັດ, ເພີ່ມຂຶ້ນ 9%); ວັດຖຸດິບການຢາ ແລະ ຢາ (28,5 ລ້ານໂດລາສະຫະລັດ, ເພີ່ມຂຶ້ນ 55%); ອາຫານທະເລ (26,9 ລ້ານໂດລາສະຫະລັດ, ເພີ່ມຂຶ້ນ 21%).
ໃນຕະຫຼອດປີ 2021, ການສົ່ງອອກເຫຼັກກ້າທຸກປະເພດມີຍອດມູນຄ່າເກືອບ 1,4 ຕື້ USD, ກວມປະມານ 20% ຍອດມູນຄ່າສົ່ງອອກສິນຄ້າຈາກອິນເດຍໄປຫວຽດນາມ.
ການສົ່ງອອກເຄື່ອງຈັກ, ອຸປະກອນ, ເຄື່ອງມື ແລະ ອາໄຫຼ່ອື່ນໆ ບັນລຸ 428 ລ້ານ USD, ກວມເອົາ 6,2% ຂອງມູນຄ່າການສົ່ງອອກທັງໝົດ; ການສົ່ງອອກໂລຫະທົ່ວໄປອື່ນໆບັນລຸ 405 ລ້ານໂດລາສະຫະລັດ, ກວມເອົາ 5,8%.
ບຸນຄົງ
