| ເດືອນ ມັງກອນ, ຫວຽດນາມ ສົ່ງອອກເກີນດຸນເກືອບ 1,4 ຕື້ USD | |
| ວົງເງິນນຳເຂົ້າ-ສົ່ງອອກລະຫວ່າງຫວຽດນາມ ແລະ ສະຫະພັນລັດເຊຍ ບັນລຸ 6,3 ຕື້ USD |
 |
| ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ແລະ ທ່ານ ຣຸ່ງໂຣດ ຣັງສີໂຍພາດ ປະທານ ທັງເປັນອຳນວຍການຝ່າຍບໍລິຫານກຸ່ມບໍລິສັດ SCG (ໄທ) (ພາບ: VGP) |
ທ່ານນາຍົກລັດຖະມົນຕີ ຕີລາຄາສູງກຸ່ມບໍລິສັດ SCG ໄດ້ມີຄວາມມານະພະຍາຍາມໃນການຊຸກຍູ້ໂຄງການເຂດກັ່ນຕອງນ້ຳມັນພາກໃຕ້ ຢູ່ເຂດອຸດສາຫະກຳ ລອງເຊີນ, ແຂວງບ່າເຣ້ຍ - ຫວູງເຕົາ ໃນສະພາບການປະສົບກັບຄວາມຫຍຸ້ງຍາກໂດຍຜົນສະທ້ອນຈາກໂລກລະບາດໂຄວິດ - 19. SCG ຄວນສົມທົບກັບບັນດາກະຊວງ, ຂະແໜງການ ແລະ ທ້ອງຖິ່ນຂອງ ຫວຽດນາມ ຢ່າງແໜ້ນແຟ້ນ ເພື່ອນຳໂຄງການເຂົ້າເຄື່ອນໄຫວການຄ້າຢ່າງຖືກຕ້ອງຕາມແຜນການ, ຮັບປະກັນຄວາມປອດໄພ ແລະ ປະສິດທິຜົນ.
ທ່ານນາຍົກລັດຖະມົນຕີ ກໍສະເໜີໃຫ້ SCG ນຳໃຊ້ເຕັກໂນໂລຢີທີ່ທັນສະໄໝທີ່ສຸດ, ເຕັກໂນໂລຢີສີຂຽວ, ເຕັກໂນໂລຢີສະອາດເພື່ອຮັບໃຊ້ໂຄງການນີ້, ພ້ອມທັງໜູນຊ່ວຍ ຫວຽດນາມ ຍົກສູງກຳລັງຄວາມສາມາດຄຸ້ມຄອງບໍລິຫານ, ດຶງດູດບັນດາແຫຼ່ງການເງິນສີຂຽວ; ສະເໜີໃຫ້ Amata ພິຈາລະນາຄວາມເປັນໄປໄດ້ໃນການສັບຊ້ອນແຫຼ່ງກຳລັງເພື່ອເປີດກວ້າງການລົງທຶນຢູ່ບັນດາເຂດອຸດສາຫະກຳ ກຳນົດທິດເຕັກໂນໂລຢີສູງຢູ່ ຫວຽດນາມ. ພ້ອມທັງແມ່ນຂົວຕໍ່ນຳບັນດາກຸ່ມບໍລິສັດໃຫຍ່ຂອງໄທ ເວົ້າສະເພາະ ແລະ ໂລກເວົ້າລວມມາລົງທຶນຢູ່ ຫວຽດນາມ ໃນສະພາບການທຶນ FDI ໃນໂລກພວມໄດ້ກຳນົດຄືນລະບົບສະໜອງ, ລະບົບມູນຄ່າ.
ການນຳ SCG ແລະ Amata ກໍແຈ້ງໃຫ້ຊາບກ່ຽວກັບຄວາມຄືບໜ້າໃນການຜັນຂະຫຍາຍໂຄງການກຸ່ມປີໂຕເຄມີພາກໃຕ້ - ເຊິ່ງມີເງິນລົງທຶນທັງໝົດ 5,16 ຕື້ USD, ເປັນໂຄງການໃຫຍ່ທີ່ສຸດໃນປະຫວັດສາດຂອງ SCG ເຊິ່ງຄາດວ່າຈະສືບຕໍ່ລົງທຶນໃນໄລຍະທີ 2 ດ້ວຍເຕັກໂນໂລຢີທີ່ທັນສະໄໝ ຕາມທິດສີຂຽວ, ໝູນວຽນ ແລະ ຍົກອອກບາງຂໍ້ສະເໜີແນະທີ່ກ່ຽວຂ້ອງເຖິງການຜັນຂະຫຍາຍໂຄງການຕ່າງໆຢູ່ ຫວຽດນາມ.
ບຸນຄົງ
