ກະຊວງມະຫາສະໝຸດ ແລະສິນໃນນໍ້າ ສ.ເກົາຫຼີ (MOF) ຈະຊຸກຍູ້ໂຄງການຮ່ວມມືດ້ານເຕັກນິກປີທີ 1 ເພື່ອຍົກສູງສະມັດຕະພາບການປູກລ້ຽງສິນໃນນ້ຳຢູ່ບັນດາແຂວງພາກເໜືອຫວຽດນາມ ຜ່ານທຶນຊ່ວຍເຫຼືອພັດທະນາເປັນທາງການ (ODA).
 |
| ສ.ເກົາຫຼີ ໜູນຊ່ວຍບັນດາໂຄງການລ້ຽງສິນໃນນ້ຳຢູ່ ຫວຽດນາມ ຜ່ານທຶນ ODA. ພາບ: TTXVN |
ນີ້ແມ່ນຮູບແບບການຮ່ວມມືລະຫວ່າງຂະແໜງສົມທົບກັບບັນດາຄວາມມານະພະຍາຍາມຟື້ນຟູປ່າຊາຍເລນເຊິ່ງກົມປ່າໄມ້ ສ.ເກົາຫຼີ ພວມປະຕິບັດ (ໃນເນື້ອທີ່ 330 ເຮັກຕາ ແຕ່ປີ 2020 – 2024 ດ້ວຍງົບປະມານ 4,5 ຕື້ວອນ (ເກືອບ 4 ລ້ານສະຫະລັດ) ໂດຍວິຊາການປູກລ້ຽງສິນໃນນ້ຳຈາກກະຊວງເສດຖະກິດ ແລະ ການເງິນ ສ.ເກົາຫຼີ (MOEF).
ທ່ານ Kim Hyun-Tae ຫົວໜ້າພະແນກນະໂຍບາຍຮ່ວມມືສາກົນຂອງ MOEF ໃຫ້ຮູ້ວ່າ: “ນີ້ແມ່ນໂຄງການ ODA ທຳອິດຂອງ ສ.ເກົາຫຼີ ເພື່ອສະສົມເຕັກນິກການປູກລ້ຽງ ແລະ ປູກປ່າໄມ້ທີ່ກ້າວໜ້າ. ພວກຂ້າພະເຈົ້າຫວັງວ່າ ນີ້ບໍ່ພຽງແຕ່ຈະຟື້ນຟູການຜະລິດສິນໃນນ້ຳຂອງ ຫວຽດນາມ ເທົ່ານັ້ນ, ຫາກຍັງສ້າງກາລະໂອກາດໃຫ້ບັນດາວິສາຫະກິດຜະລິດອາຫານລ້ຽງສິນໃນນ້ຳ ແລະ ຮາກຖານປູກລ້ຽງສິນໃນນ້ຳຂອງ ສ.ເກົາຫຼີ ແຊກຊຶມເຂົ້າຕະຫຼາດຕ່າງປະເທດອີກດ້ວຍ".
ບູນມີ
