ທີ່ການເຮັດວຽກ, ທ່ານ ຟ້າມຊວນຖັງ, ເລຂາພັກແຂວງຫາຍເຢືອງ ໄດ້ແຈ້ງ ໂດຍສັງເຂບ ກ່ຽວກັບສະພາບການເສດຖະກິດ-ສັງຄົມຂອງແຂວງ ໃຫ້ທ່ານ Antonio Alessandro ຊາບ. ທ່ານ ຟ້າມຊວນຖັງ ສະເໜີສະຖານທູດ ແລະ ບັນດາອົງການກ່ຽວຂ້ອງຂອງອີຕາລີ ປະຈໍາຫວຽດນາມ ສົມທົບກັນ, ໜູນຊ່ວຍແຂວງຫາຍເຢືອງ ເຊື່ອມຕໍ່, ດຶງດູດວິສາຫະກິດອີຕາລີ ເຂົ້າມາລົງທຶນ ຢູ່ແຂວງ, ໜູນຊ່ວຍ, ຊຸກຍູ້ຖ່າຍທອດເຕັກນິກໃນຂະແໜງອຸດສາຫະກໍາເຕັກ ໂນໂລຢີສູງ, ປຸງແຕ່ງຜະລິດຕະພັນກະເສດ, ການຜະລິດຢຸກຢາ ແລະບໍາລຸງ ສ້າງແຫຼ່ງຊັບພະຍາກອນທີ່ມີຄຸນນະພາບສູງ ໃຫ້ແກ່ບັນດາວິສາຫະກິດຢູ່ ໃນແຂວງ...
 |
| ແຂວງຫາຍເຢືອງ ປາດຖະໜາດຶງດູດວິສາຫາກິດອີຕາລີ ເຂົ້າມາລົງທຶນ ໃຫ້ຫຼາຍຕື່ມອີກ. ພາບ: baohaiduong.vn |
ສ່ວນທ່ານ Antonio Alessandro ສະແດງຄວາມປາດຖະໜາວ່າ ສະຖານທູດ ອີຕາລີ ຈະເປັນຂົວເຊື່ອມຕໍ່ ເພື່ອໃຫ້ນໍາບັນດາໂຄງການລົງທຶນເຕັກໂນໂລຢີ, ການບໍລິການທີ່ມີຄຸນນະພາບສູງ, ມີປະສິດທິຜົນ ມາໃຫ້ຫວຽດນາມ ເວົ້າລວມ ແລະແຂວງຫາຍເຢືອງ ເວົ້າສະເພາະ.
ທີ່ການເຮັດວຽກ, ການນໍາບາງອົງການຂອງອີຕາລີ ປະຈໍາຫວຽດນາມ ພ້ອມກັບພະແນກ, ຂະແໜງການຂອງແຂວງຫາຍເຢືອງ ໄດ້ແລກປ່ຽນ ກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ. ພາຍຫຼັງການເຮັດວຽກ, ສອງຝ່າຍໄດ້ເຫັນດີເປັນເອກະພາບ ລົງນາມໃນແຜນການສົມທົບກັນ, ຊຸກຍູ້ການຮ່ວມມືລົງທຶນ, ຊຸກຍູ້ການແລກປ່ຽນດ້ານເສດຖະກິດ, ການສຶກສາ, ສາທາລະນະສຸກ, ວັດທະນະທຳ, ກິລາ ລະຫວ່າງອີຕາລີ ແລະ ແຂວງຫາຍເຢືອງ.
ບູນມີ
