| ວັດເຮືອງ ຈະຕ້ອນຮັບແຂກທ່ອງທ່ຽວນັບແຕ່ວັນທີ 16 ກຸມພາ | |
| ກວາງບິ່ງ ດຶງດູດແຂກທ່ອງທ່ຽວກັບບັນດາການລົງພຶດຕິກຳຕົວຈິງທີ່ເປັນເອກະລັກສະເພາະ |
 |
| ແຂກທ່ອງທ່ຽວສາກົນ (ພາບ: VH) |
ນີ້ແມ່ນເປົ້າໝາຍວາງອອກຢູ່ໂຄງການພັດທະນາການທ່ອງທ່ຽວ ຫວຽດນາມ ໄລຍະ 2022 – 2026 ທີ່ ກະຊວງວັດທະນະທຳ - ກິລາ ແລະ ການທ່ອງທ່ຽວ ຫາກໍ່ໄດ້ຍື່ນສະເໜີຕໍ່ນາຍົກລັດຖະມົນຕີ.
ໂຄງການພັດທະນາການທ່ອງທ່ຽວ ຫວຽດນາມ ໄລຍະ 2022 – 2026 ລວມມີ 2 ໄລຍະ. ໄລຍະ 2022 – 2023 ຈະສູ້ຊົນມີແຂກທ່ອງທ່ຽວສາກົນ ມາຫວຽດນາມ ບັນລຸໄດ້ 8 – 9 ລ້ານເທື່ອຄົນ (ເທົ່າກັບ 45 – 50% ເມື່ອທຽບໃສ່ກັບ ປີ 2019), ມີແຂກທ່ອງທ່ຽວພາຍໃນປະເທດ 65 – 70 ລ້ານເທື່ອຄົນ (ເທົ່າກັບ 75 – 80% ເມື່ອທຽບໃສ່ກັບປີ 2019).
ໄລຍະ 2022 – 2023 ຈະສຸມໃສ່ໜູນຊ່ວຍວິສາຫະກິດການທ່ອງທ່ຽວ, ປະຊາຄົມເຂົ້າຮ່ວມການດຳເນີນທຸລະກິດການທ່ອງທ່ຽວຍູ້ແຮງການຟື້ນຟູການເຄື່ອນໄຫວດຳເນີນທຸລະກິດ. ພັດທະນາຜະລິດຕະພັນການທ່ອງທ່ຽວໃໝ່ຮັບປະກັນຄວາມປອດໄພຕໍ່ໂລກລະບາດ, ເໝາະສົມກັບຄວາມຕ້ອງການ, ທ່າອ່ຽງຂອງຕະຫຼາດ ທັງຢູ່ໃນໄລຍະເກີດ ແລະ ຫຼັງໂຄວິດ - 19. ເພີ່ມທະວີການເຄື່ອນໄຫວສື່ມວນຊົນ ແລະ ສົ່ງເສີມ, ໂຄສະນາການທ່ອງທ່ຽວຢູ່ບັນດາຕະຫຼາດຈຸດສຸມທັງຢູ່ພາຍໃນປະເທດ ແລະ ສາກົນ, ເໝາະສົມກັບທ່າອ່ຽງໃໝ່ຂອງຕະຫຼາດເພື່ອຟື້ນຟູຈຳນວນແຂກທ່ອງທ່ຽວສາກົນ ແລະ ພາຍໃນປະເທດ.
ໄລຍະ 2024 – 2026, ສູ້ຊົນຮອດປີ 2025 ບັນລຸໄດ້ແຂກທ່ອງທ່ຽວສາກົນປະມານ 15 – 16 ລ້ານເທື່ອຄົນ, ແຂກທ່ອງທ່ຽວພາຍໃນປະເທດປະມານ 75 – 80 ລ້ານເທື່ອຄົນ, ຍອດລາຍຮັບຈາກແຂກທ່ອງທ່ຽວບັນລຸປະມານ 680 – 780 ພັນຕື້ດົ່ງ.
ໄລຍະ 2024 – 2026 ຈະບຸລິມະສິດລະດົມທຸກແຫຼ່ງກຳລັງເພື່ອຊຸກຍູ້ການພັດທະນາການທ່ອງທ່ຽວໂດຍໄວ ແລະ ຍືນຍົງໃນເງື່ອນໄຂ ເປັນປົກກະຕິໃໝ່”, ສູ້ຊົນປະຕິບັດສຳເລັດບັນດາເປົ້າໝາຍໃນຍຸດທະສາດພັດທະນາການທ່ອງທ່ຽວ ຫວຽດນາມ ຮອດປີ 2030.
ຍູ້ແຮງການຫັນເປັນດີຈີຕອນໃນຂົງເຂດການທ່ອງທ່ຽວ, ເພີ່ມທະວີການເຊື່ອມຕໍ່ພັດທະນາການທ່ອງທ່ຽວ ແລະ ໂຄສະນາການທ່ອງທ່ຽວບົນບັນດາພາຫະນະສື່ມວນຊົນໃໝ່, ພິເສດແມ່ນບົນພື້ນຖານເຕັກໂນໂລຢີດີຈີຕອນ. ກໍ່ສ້າງ ແລະ ຜັນຂະຫຍາຍບັນດາແຜນຮ່າງ, ໂຄງການພັດທະນາການທ່ອງທ່ຽວອັດສະລິຍະ, ຮູບແບບຄຸ້ມຄອງສະຖານທີ່ທ່ອງທ່ຽວອັດສະລິຍະ.
ບຸນຄົງ
