| ຫວຽດນາມ: ຍອດມູນຄ່າສິນຄ້າສົ່ງອອກ-ນໍາເຂົ້າຂອງທົ່ວປະເທດບັນລຸ 1,67 ຕື້ໂດລາສະຫະລັດ, ເພີ່ມຂຶ້ນ 53% ເມື່ອທຽບໃສ່ໄລຍະບຸນເຕັດປີຊວດ 2020 | |
| ສິນຄ້າສົ່ງອອກຈາກຫວຽດນາມ ໄປຍັງອັງກິດ ໄດ້ຊົມໃຊ້ພາສີບູລິມະສິດ GSP |
ບົນພື້ນຖານການແກ້ໄຂທີ່ເໝາະສົມ, ຕອບສະໜອງເປົ້າໝາຍຂອງການສືບສວນ ຄືທີ່ໄດ້ລະບຸໄວ້ໃນຂໍ້ຕົກລົງໃນວັນທີ 19 ກໍລະກົດ 2021 ລະຫວ່າງກະຊວງການເງິນຂອງສະຫະລັດອາເມຣິກາ ແລະ ທະນາຄານແຫ່ງລັດຫວຽດນາມ, ອົງການ USTR ຈະບໍ່ອອກມາດຕະການຈໍາກັດການຄ້າຕໍ່ສິນຄ້າສົ່ງອອກຂອງຫວຽດນາມ.
ກະຊວງອຸດສາຫະກຳ ແລະ ການຄ້າຫວຽດນາມ ໄດ້ສະແດງຄວາມຊົມເຊີຍ ແລະ ຕີລາຄາສູງການຕັດສິນໃຈດັ່ງກ່າວນີ້ຂອງອົງການ USTR. ການຕັດສິນໃຈນີ້ມີຄວາມໝາຍພິເສດ ແລະ ຕັ້ງໜ້າຕໍ່ການພົວພັນເສດຖະກິດ-ການຄ້າສອງຝ່າຍ, ສະພາບແວດລ້ອມດຳເນີນທຸລະກິດ, ການລົງທຶນຢູ່ຫວຽດນາມ ແລະ ການຮ່ວມມືຫຼາຍດ້ານລະຫວ່າງສອງປະເທດ.
 |
| ສະຫະລັດອາເມລິກາ ຈະບໍ່ຈຳກັດການຄ້າຕໍ່ສິນຄ້າສົ່ງອອກຂອງຫວຽດນາມ. (ພາບປະກອບ) |
ນີ້ກໍ່ແມ່ນໝາກຜົນຂອງວິວັດການໂອ້ລົມສົນທະນາທີ່ຈິງໃຈ ແລະ ເຈດຕະນາດີຂອງທັງສອງຝ່າຍ ເພື່ອແກ້ໄຂບັນຫາທີ່ຍັງຕິດຄັດໃນການພົວພັນເສດຖະກິດສອງືຝ່າຍ, ມຸ່ງໄປສູ່ການສ້າງສາຍພົວພັນທີ່ເປັນປົກກະຕິ ແລະ ຍືນຍົງ ເຊິ່ງມີຜົນປະໂຫຍດໃຫ້ທັງສອງປະເທດ ບົນຈິດໃຈຄູ່ຮ່ວມມືຮອບດ້ານ.
ໃນໄລຍະຜ່ານມາ, ດ້ວຍບົດບາດເປັນປະທານອະນຸກຳມະການຫວຽດນາມ ຢູ່ໃນສະພາການຄ້າ ແລະ ການລົງທຶນຫວຽດນາມ-ອາເມລິກາ (TIFA), ກະຊວງອຸດສາຫະກຳ ແລະ ການຄ້າ ໄດ້ສົມທົບກັບບັນດາກະຊວງ, ຂະແໜງການຂອງຫວຽດນາມ ເພື່ອຊຸກຍູ້ບັນດາການເຄື່ອນໄຫວໂອ້ລົມສົນທະນາກ່ຽວກັບນະໂຍບາຍຜ່ານກົນໄກຂອງສະພາ TIFA ທີ່ບັນລຸໝາກຜົນໄດ້ສຳຄັນແທດຈິງຫຼາຍຢ່າງ.
ນັບຕັ້ງແຕ່ພາຍຫຼັງກອງປະຊຸມຂັ້ນປະທານ ໃນເດືອນຕຸລາ 2019, ພາຍໃຕ້ການຊີ້ນຳຂອງນາຍົກລັດຖະມົນຕີ, ການນຳບັນດາກະຊວງ, ຂະແໜງການຂອງຫວຽດນາມ ໄດ້ປະສານສົມທົບຢ່າງຕັ້ງໜ້າກັບ ຝ່າຍອາເມລິກາ ເພື່ອພະຍາຍາມແກ້ໄຂຫຼາຍບັນຫາ ເພື່ອນຳມາເຊິ່ງໝາກຜົນລະອຽດ. ຜ່ານນັ້ນ ກໍ່ປະກອບສ່ວນຊຸກຍູ້ບັນດາການເຄື່ອນໄຫວແລກປ່ຽນການຄ້າສອງຝ່າຍຢ່າງແຮງ.
ໃນໄລຍະຈະມາເຖິງ, ຫວຽດນາມ ຈະສືບຕໍ່ເປັນເຈົ້າການຮ່ວມມື ກັບບັນດາຄູ່ຮ່ວມມືອາເມລິກາ ເພື່ອແກ້ໄຂບັນດາຄວາມສົນໃຈຂອງອາເມລິກາ ແລະ ຫວຽດນາມຢ່າງຮອບດ້ານ. ຜ່ານນັ້ນ, ກໍ່ຮັກສາການພົວພັນການຄ້າທີ່ໝັ້ນຄົງ, ມຸ່ງໄປສູ່ຄວາມດຸ່ນດ່ຽງການຄ້າທີ່ກົມກຽວ ແລະ ຍືນຍົງ, ຕ່າງຝ່າຍຕ່າງມີຜົນປະໂຫຍດ.
ຄຳຮຸ່ງ
