ສາຍການບິນຫວຽດນາມເປີດເສັ້ນທາງບິນສາກົນຄືນໄປຍັງ ສປປ ລາວ

12:27 | 28/01/2022

ຍ​ສ​ໝ - ສາຍ​ການບິນ​ຫວຽດ​ນາມ​ເປີດ​ເສັ້ນ​ທາງ​ບິນ​ສາ​ກົນ​ຄືນ​ຢ່າງ​ເປັນ​ທາງ​ການ​ໄປ​ສູ່​ຕະຫຼາດ ສ​ປ​ປ ລາວ ແລະ ຖ້ຽວ​ບິນ​ທຳ​ອິດແມ່ນ​ວັນ​ທີ 9 ກຸມ​ພາ 2022. ຜູ້​ໂດຍ​ສານ​ສາ​ມາດ​ຈອງ​ຊື້​ປີ້​ຍົນຜ່ານ​ທາງ​ອອນ​ໄລ໌ ຫຼື ຊື້​ໂດຍ​ກົງ​ທີ່​ຫ້ອງ​ຂາຍ​ປີ້​ຕ່າງ​ໆ ແລະ ຕົວ​ແທນ​ທີ່​ເປັນ​ທາງ​ການ​ຂອງ​ສາຍ​ການ​ບິນ​ຫວຽ​ດ​ນາມຢູ່​ຫວຽດ​ນາມ ຫຼື ຢູ່ ສ​ປ​ປ ລາວ.

ລັດຖະບານ ສປປ.ລາວ ອະນຸຍາດການລົງທຶນ ຢູ່ ສປປ.ລາວ ເປັນປົກກະຕິ ໃນໄລຍະໂຄວິດ-19 ຮອບໃໝ່ນີ້ ລັດຖະບານ ສປປ.ລາວ ອະນຸຍາດການລົງທຶນ ຢູ່ ສປປ.ລາວ ເປັນປົກກະຕິ ໃນໄລຍະໂຄວິດ-19 ຮອບໃໝ່ນີ້
ວາລະສານ ຍຸກສະໄໝ  ອວຍພອນ ສະຖານທູດ ສປປ.ລາວ ປະຈຳ ຫວຽດນາມ  ເນື່ອງໃນໂອກາດສະເຫຼີມສະຫຼອງວັນຊາດ ຂອງ ສປປ.ລາວ ຄົບຮອບ 45 ປີ ວາລະສານ ຍຸກສະໄໝ ອວຍພອນ ສະຖານທູດ ສປປ.ລາວ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຊາດ ຂອງ ສປປ.ລາວ ຄົບຮອບ 45 ປີ

ສາຍ​ການບິນ​ຫວຽດ​ນາມ​ເປີດ​ເສັ້ນ​ທາງ​ບິນ​ສາ​ກົນ​ຄືນ​ຢ່າງ​ເປັນ​ທາງ​ການ​ໄປ​ສູ່​ຕະຫຼາດ ສ​ປ​ປ ລາວ ແລະ ຖ້ຽວ​ບິນ​ທຳ​ອິດແມ່ນ​ວັນ​ທີ 9 ກຸມ​ພາ 2022. ຜູ້​ໂດຍ​ສານ​ສາ​ມາດ​ຈອງ​ຊື້​ປີ້​ຍົນຜ່ານ​ທາງ​ອອນ​ໄລ໌ ຫຼື ຊື້​ໂດຍ​ກົງ​ທີ່​ຫ້ອງ​ຂາຍ​ປີ້​ຕ່າງ​ໆ ແລະ ຕົວ​ແທນ​ທີ່​ເປັນ​ທາງ​ການ​ຂອງ​ສາຍ​ການ​ບິນ​ຫວຽ​ດ​ນາມຢູ່​ຫວຽດ​ນາມ ຫຼື ຢູ່ ສ​ປ​ປ ລາວ.

ຕາມ​ຂໍ້​ມູນ​ສາ​ຂາ​ສາຍ​ການ​ບິນ​ຫວຽດ​ນາມ​ທີ່ ສ​ປ​ປ ລາວ, ບັນ​ດາ​ຖ້ຽວ​ບິນ​ໄປ​-ກັບໄດ້ດຳ​ເນີນ​ການ​ບິນ​ໃນ​ວັນ​ພຸດ ແລະ ວັນ​ອາ​ທິດ​ຂອງ​ແຕ່​ລະ​ອາ​ທິດ ລະ​ຫວ່າງ​ສະ​ໜາມ​ສາ​ກົນ​ໂນ້ຍ​ບາຍ ແລະ ສະ​ໜາມ​ບິນ​ສາ​ກົນ​ວັດ​ໄຕ​ທີ່​ນະ​ຄອນຫຼວງວຽງ​ຈັນ. ກຳ​ນົດ​ເວ​ລາ​ບິນຂຶ້ນ​ຈາກ​ຮ່າ​ໂນ້ຍແມ່ນ 17 ໂມງ 30 ນາ​ທີ ແລະ ບິນລົງ​ຈອດເວ​ລາ 18 ໂມງ 50 ນາ​ທີ, ບິນ​ກັບ​ໃນ​ວັນ​ດຽວ​ກັນ ຊຶ່ງ​ບິນ​ຂຶ້ນ​ເວ​ລາ 19 ໂມງ 30 ແລະ ບິນ​ລົງ​ຈອດ​ເວ​ລາ 20 ໂມງ 50 ນາ​ທີ.​​

ສາຍການບິນຫວຽດນາມເປີດເສັ້ນທາງບິນສາກົນຄືນໄປຍັງ ສປປ ລາວ
ພາບປກອບ: baonhandan.vn

ໄລ​ຍະ​ເວ​ລາ​ຜ່ານ​ມາ, ຍ້ອ​ນ​ການ​ປະ​ຕິ​ບັດ​ບັນ​ດາ​ຂໍ້​ກຳ​ນົດ​ທີ່​ເຄັ່ງ​ຄັດ​ເພື່ອ​ປ້ອງ​ກັນ, ສະ​ກັດ​ກັ້ນ​ການ​ແຜ່​ລະ​ບາດ​ພະ​ຍາດ​ໂຄວິດ-19 ຂອງ​ລັດ​ຖະ​ບານ​ຫວຽດ​ນາມ ແລະ ລາວ, ບັນ​ດາ​ຖ້ຽວ​ໄປ-ກັບ​ລະ​ຫວ່າງ​ສອງ​ປະ​ເທດ​ຂອງ​ສາຍ​ການ​ບິນ​ຫວຽດ​ນາມ ໄດ້​ໂຈະ​ການ​ບິນ​ຊົ່ວ​ຄາວ. ຍ້ອນ​ຫວຽດ​ນາມ ແລະ ລາວ ມີ​ຊາຍ​ແດນ​ທາງ​ບົກ​ຕິດ​ຈອດ​ກັນ, ສະ​ນັ້ນ ບາງ​ກໍ​ລະ​ນີ​ການ​ເຂົ້າ​ອອກ​ເມືອງ​ລະ​ຫວ່າງ​ສອງ​ປະ​ເທດ ຍັງ​ຄົງ​ດຳ​ເນີນ​ການ​ຜ່ານ​ດ່ານ​ຊາຍ​ແດນ​ສາ​ກົນ​ທາງ​ບົກ ແລະ ນອນ​ໃນ​ບັນ​ດາ​ກໍ​ລະ​ນີ​ພິ​ເສດ​ຕາມ​ຂໍ້​ກຳ​ນົດ​ສອງ​ຝ່າຍ​ລະ​ຝ່າຍ​ຫວຽດ​ນາມ ແລະ ລາວ.

ກ່ອນ​ເວ​ລາ​ທີ່​ຈະ​ຊື້​ປີ້, ຜູ້​ໂດຍ​ສານ​ຄວນຊອກ​ຄົ້ນ​ຂໍ້​ມູນ​ເພີ່ມ​ຕື່ມ​ກ່ຽວ​ກັບ​ຂໍ່​ກຳ​ນົດ​ທີ່​ກ່ຽວ​ຂ້ອງ​ໃນ​ການ​ແຈ້ງ​ເຂົ້າ​ດິນ​ແດນ​ຫວຽດ​ນາມ, ເງື່ອນ​ໄຂ​ການກວດ​ຫາ​ເຊື້ອ ແລະ ການ​ສັກ​ວັກ​ຊີນ​ປ້ອງ​ກັນ​ໂຄວິດ-19, ຂໍ້​ກຳ​ນົດ​ໃນ​ການ​ແຍກ​ຕົວ, ການ​ແຈ້ງ​ລາຍ​ງານ​ສຸ​ຂະ​ພາບ ແລະ ບາງ​ຂໍ້​ມູນ​ທີ່​ກ່ຽວ​ຂ້ອງ​ເທິງ​ເວບ​ໄຊ໌ https://www.vietnamairlines.com/la/vi/covid-19/chuan-bi-truoc-chuyen-bay/hanh-trinh-quoc-te

ຢູ່ ສ​ປ​ປ ລາວ ມີ​ຄົນ​ຫວຽດ​ນາມ​ນັບ​ເປັນ​ສິບ​ພັນ​ກວ່າ​ຄົນ​ທີ່​ກຳ​ລັງດຳ​ລົງ​ຊີ​ວິດ​ ກໍ​ຄື​ໃນ​ປັດ​ຈຸບັນ​ມີ​ນັກ​ສຶກ​ສາ​ລາວ ຫຼາຍກວ່າ 10 ພັນ​ຄົນ ທີ່​ກຳ​ລັງ​ສຶກ​ສາ​ຮ້ຳ​ຮຽນ​ໃນ​ບັນ​ດາ​ສະ​ຖາ​ບັນ​ການ​ສຶກ​ສາຕ່າງໆ​ຂອງ​ຫວຽດ​ນາມ, ການ​ທີ່​ສາຍ​ການ​ບິນ​ຫວຽດ​ນາມ​ໄດ້​ເປີດ​ເສັ້ນ​ທາງການ​ບິນຄືນລະ​ຫວ່າງ​ສອງ​ປະ​ເທດນັ້ນ ຈະ​ປະ​ກອບ​ສ່ວນບໍ່​ໜ້ອຍ​ໃນ​ການ​ແກ້​ໄຂ​ຄວາມ​ຮຽກ​ຮ້ອງ​ຕ້ອງ​ການ​ອັບ​ຈຳ​ເປັນ​ຂອງຫຼາຍ​ເປົ້າ​ໝາຍ​ຜູ້​ໂດຍ​ສານ ຍ້ອນ​ໃນ​ຊ່​ວງ​ໄລ​ຍະ​ເວ​ລາ​ທີ່​ຍາວ​ສົມ​ຄວນ​ໃນ​ຜ່ານ​ມາ ບໍ່​ສາ​ມາດເຄື່ອນ​ໄຫວ​ຂົນ​ສົ່ງ​ໄປ​ມາ​ລະ​ຫວ່າງ​ຫວຽດ​ນາມ ແລະ ລາວໄດ້.

ວິ​ລະ​ຊົນ

ທ່ານອາດຈະມັກ

ເຫດການ