ເນື່ອງໃນໂອກາດນີ້, ຄະນະຄຸ້ມຄອງໜອງຮວ່ານກ໋ຽມ ແລະ ຖະໜົນເກົ່າຮ່າໂນ້ຍ ໄດ້ຈັດຕັ້ງບັນດາການເຄື່ອນໄຫວ ຄື: ການພົບປະແລກປ່ຽນວັດທະນະທຳ - ສິລະປະບຸນເຕັດຫວຽດນາມ 2022 ແລະ ການຈັດຕັ້ງຍັນຍາກາດຕ້ອນຮັບບຸນເຕັດແບບດັ້ງເດີມໃນເຮືອນມູນເຊື້ອຂອງເຂດທົ່ງພຽງພາກເໜືອຂອງຊາວຫວຽດນາມ...
ຢູ່ເຮືອນມໍລະດົກ 87 ມ້າໄມ ຈະຈັດຕັ້ງ ແລະ ແນະນຳກ່ຽວກັບບ່ອນດຳລົງຊີວິດ, ການຕ້ອນຮັບບຸນເຕັດຂອງຄອບຄົວຮ່າໂນ້ຍ ດັ້ງເດີມ, ຈັດຕັ້ງການຫໍ່ເຂົ້າຕົ້ມ...
 |
| ບັນດາເຫດການຕ້ອນຮັບບຸນເຕັດທີ່ມີຄວາມໝາຍຢູ່ຖະໜົນເກົ່າຮ່າໂນ້ຍ. ພາບ: TTXVN |
ໃນຂະນະນັ້ນ, ພື້ນທີ່ຖະໜົນພາບແຕ້ມຟຸ່ງຮືງ ກໍ່ຈະປະດັບປະດາພື້ນທີ່ຂອງຕະຫລາດດອກໄມ້ບຸນເຕັດຮ່າງເລືອກ. ບັນດານັກສິລະປິນ ແລະ ຊ່າງຫັດຖະກຳຈະແນະນຳບັນດາສິນຄ້າ, ສະແດງເຄື່ອງຫັດຖະກຳຈຳນວນໜຶ່ງເພື່ອຮັບໃຊ້ບຸນເຕັດ ຄືພາບແຕ້ມພື້ນເມືອງ ດົງໂຮ່, ພາບແຕ້ມຫ່າງຈົ໊ງ... ແລະ ບັນດາຜະລິດຕະພັນກະເສດພື້ນເມືອງຂອງບັນດາພາກ. ຕະຫຼາດບຸນເຕັດນີ້ຈະແກ່ຍາວເຖິງວັນທີ 31 ມັງກອນ.
ສ່ວນຢູ່ສູນຂໍ້ມູນຂ່າວສານວັດທະນະທຳໂຮ່ເກືອມ (ເຮືອນເລກທີ 2 ເລໄທໂຕ) ຈະຈັດຕັ້ງງານວາງສະແດງ ແລະ ແນະນຳສິລະປະການຈັດດ້ວຍຜະລິດຕະພັນທີ່ເຮັດດ້ວຍວັດສະດຸຜະລິດຄືນໃໝ່, ແກ່ຍາວຮອດວັນທີ 15 ກຸມພາ.
ໃນສະພາບການພະຍາດໂຄວິດ-19 ທີ່ສັບສົນ, ບັນດາເຫດການຈະບໍ່ເປີດໃຫ້ປະຊາຊົນເຂົ້າຊົມ, ແຕ່ຈະໄດ້ຮັບການຖ່າຍທອດສົດຢູ່ໃນໜ້າເຟສບຸກຂອງຖະໜົນເກົ່າຮ່າໂນ້ຍ, ຮວ່ານກ໋ຽມ 360, ມໍລະດົກໜອງຮວ່ານກ໋ຽມ... ຮັບປະກັນວ່າ ປະຊາຊົນ ຢູ່ທົ່ວທຸກແຫ່ງຈະສາມາດຕິດຕາມ ແລະ ຮັບຊົມບັນຍາກາດບຸນເຕັດ ຂອງຖະໜົນເກົາຮ່າໂນ້ຍ ຢູ່ກັບທີ່.
ບູນມີ
