| ຄອບຄົວ ຫວຽດນາມ ມີ 4 ລຸ້ນຢູ່ນຳກັນ ເຮັດເຂົ້າໜົມແປ້ງຂາວ ຕ້ອນຮັບບຸນເຕັດປະຈຳຊາດ | |
| ລາຍການ “ບຸນເຕັດຢູ່ເຂດຊາຍແດນ - ອຸ່ນໃຈປະຊາຊົນ” ຢູ່ແຂວງກວ໋າງນາມ |
 |
| ພາບປະກອບ |
ຄະນະຊາວໜຸ່ມ ມະຫາວິທະຍາໄລຄົມມະນາຄົມ ແລະ ຂົນສົ່ງ ຫາກໍ່ຈັດຕັ້ງການຢ້ຽມຢາມ ແລະ ມອບຂອງຂວັນ 60 ພູດ ລວມມີເຂົ້າສານ, ເຂົ້າຕົ້ມ, ເຂົ້າໜົມ, ນົມ, ເຄື່ອງຂອງທີ່ຈຳເປັນ... ໂດຍຄະນະຊາວໜຸ່ມ ມະຫາວິທະຍາໄລຄົມມະນາຄົມ ແລະ ຂົນສົ່ງ ໄດ້ສົ່ງໄປໃຫ້ບັນດານຶກສຶກສາລາວ - ກຳປູເຈຍ ທີ່ພວມປະຕິບັດການແຍກຕົວຢູ່ຫໍພັກນັກສຶກສາ ຂອງໂຮງຮຽນ ພາຍຫຼັງກວດພົບຜູ້ຕິດເຊື້ອ ໂຄວິດ - 19. ນີ້ກໍ່ແມ່ນການເຄື່ອນໄຫວຢ່າງແທດຈິງ ເພື່ອແນໃສ່ຜັນຂະຫຍາຍລາຍການ “ລະດູບານໃໝ່ແຫ່ງຄວາມເບີກບານມ່ວນຊືນ - ບຸນເຕັດເຕົ້າໂຮມ” ໂດຍສູນກາງຄະນະຊາວໜຸ່ມ ແລະ ຄະນະຊາວໜຸ່ມນະຄອນ - ສະມາຄົມນັກສຶກສາ ນະຄອນຮ່າໂນ້ຍ ປຸກລະດົມ.
ກ່ອນໜ້ານັ້ນ, ໃນວັນທີ 18 ມັງກອນ 2022, ໂຮງຮຽນກໍ່ໄດ້ຈັດຕັ້ງການຢື້ຢາມຖາມຂ່າວ ແລະ ມອບຂອງຂວັນ 60 ພູດລວມມີເຄື່ອງຂອງທີ່ຈຳເປັນ ໃຫ້ແກ່ນັກສຶກສາ, ແຕ່ລະພູດມີມຸນຄ່າ ປະມານ 500.000 ດົ່ງ.
ເມື່ອແບ່ງປັນກັບວາລະສານຍຸກສະໄໝ, ນ້ອງ Seng Visak ນັກສຶກສາ ກຳປູເຈຍ ຢູ່ຂະແໜງເອເລັກໂຕນິກໂທລະຄົມມະນາຄົມ K59, ມະຫາວິທະຍາໄລຄົມມະນາຄົມ ແລະ ຂົນສົ່ງ ຮ່າໂນ້ຍ ໄດ້ແບ່ງປັນວ່າ: ປີນີ້, ຍ້ອນໂລກລະບາດໂຄວິດ - 19 ລາວຈະຕ້ອນຮັບບຸນເຕັດຢູ່ ຫວຽດນາມ. ນ້ອງ Seng Visak ໃຫ້ຮູ້ວ່າ:
“ຂ້າພະເຈົ້າຮູ້ສຶກດີໃຈ ຍ້ອນໂຮງຮຽນຍາມໃດກໍ່ມີຄວາມເອົາໃຈໃສ່ເຖິງນັກສຶກສາ ໃນທຸກເວລາທີ່ປະສົບກັບຄວາມຫຍຸ້ງຍາກ ແລະ ໃນໂອກາດບຸນເຕັດ. ຄວາມເອົາໃຈໃສ່, ການແບ່ງປັນຂອງທຸກຄົນໄດ້ຊ່ວຍໃຫ້ພວກຂ້າພະເຈົ້າຮູ້ສຶກບັນເທົາຄວາມຄິດຮອດຄອບຄົວ, ຍາດຕິພີ່ນ້ອງ. ຈິດໃຈນີ້ຍິ່ງເຮັດໃຫ້ຂ້າພະເຈົ້າຮັກຫອມປະເທດຊາດ ແລະ ຊາວຫວຽດນາມ ແລະ ຖືນີ້ຄືບ້ານເກີດເມືອງນອນແຫ່ງທີ 2 ຂອງຕົນ”.
ບຸນຄົງ
