ວຽກງານບໍ່ຂຶ້ນກັບລັດຖະບານຕ່າງປະເທດ: “ໄປສັກຢາກັນພະຍາດກັບພວກເຮົາ”

	ວາດພາບບັນຍາກາດບຸນປີໃໝ່ປະຈໍາຊາດຫວຽດນາມ ຜ່ານເອກະສານສຳເນົາ
	ງານ​ວາງສະ​ແດງ “​ບຸນເຕັດດັ້ງເດີມ” ​ວາງສະ​ແດງ​ເອກະສານ ​ແລະຮູບ​ພາບ​ທີ່​ເປັນ​ເອກະລັກ​ສະ​ເພາະ​ກ່ວາ 100 ​ແຜ່ນ​ກ່ຽວ​ກັບບຸນປີໃໝ່ປະຈໍາຊາດ

ຕາມ​ຄະນະ​ປະສານ​ງານ​ການ​ຊ່ວຍ​ເຫຼືອ​ປະຊາຊົນ (PACCOM) ​ແລ້ວ: ​ໃນ​ປີ 2021, ຈະ​ມີ ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ ປະມານ 500 ​ແຫ່ງ​ດຳ​ເນີນ​ການເຄື່ອນໄຫວ​ເປັນ​ປະຈຳ​ຢູ່ ຫວຽດນາມ. ຄາດ​ຄະ​ເນ​ວ່າ, ຍອດ​ມູນ​ຄ່າ​ການ​ຊ່ວຍ​ເຫຼືອ​ຂອງ​ບັນດາ​ອົງການ​ນີ້​ໃຫ້​ແກ່ ຫວຽດນາມ ​ໃນ​ປີ 2021 ​ແມ່ນ​ເທົ່າ​ກັບ​ປີ 2020, ປະມານ 260 ລ້ານ USD). VUFO ​ໃຫ້​ຮູ້​ວ່າ: ມີ ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ 57 ແຫ່ງ ​ໄດ້ເປັນເຈົ້າການໃນການ​ຜັນ​ຂະຫຍາຍ​ ບ້ວງເງິນ ຊ່ວຍ​ເຫຼືອ 123 ບ້ວງ ​ ​ທີ່​ມີ​ມູນ​ຄ່າ​ກວ່າ 10.635 ລ້ານ USD (​ໃນ​ນັ້ນ​ມີ: ບັນດາການ​ເຄື່ອນ​ໄຫວ​ຝຶກ​ອົບຮົມ, ໂຄສະນາ, ໜູນ​ຊ່ວຍ​ບັນດາອຸປະກອນ​ປ້ອງ​ກັນ ​ແລະ ຄວບ​ຄຸມ​ພະຍາດ, ​ເຄື່ອງ​ໃຊ້​ທີ່ຈຳ​ເປັນ, ​ເງິນ​ສົດ, ບໍ່​ລວມ​ສິນຄ້າ ​ແລະ ອຸປະກອນຈໍານວນໜຶ່ງ ​ທີ່​ບໍ່​ສາມາດ​ຄິດເປັນມູນຄ່າ​ໄດ້).

ບັນດາ​ອົງການ​ບໍ່​ຂຶ້ນ​ກັບ​ລັດ​ຖະບານ​ຕ່າງປະ​ເທດ​ມອບອຸປະກອນ​ການ​ແພດ​ໜູນ​ຊ່ວຍ​ແຂວງ ບິ່ງ​ເຢືອງ ​ໃນ​ການ​ຕ້ານ​ພະຍາດ​ໂຄ​ວິດ-19.

ໃນ​ສະພາບ​ການ​ຫຍຸ້ງຍາກ, ບັນດາອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ ຍັງສືບ​ຕໍ່​ສະ​ແດງ​ໃຫ້​ເຫັນ​ຄຳ​ໝັ້ນ​ສັນຍາ​ໜູນ​ຊ່ວຍ ຫວຽດນາມ ​ໃນ​ບັນດາ​ຂົງ​ເຂດ​ສາທາລະນະ​ສຸກ, ການ​ສຶກສາ, ພັດທະນາ​ຊຸມ​ຊົນ, ​ແກ້​ໄຂ​ບັນດາ​ບັນຫາ​ສັງຄົມ ​ແລະ ການ​ປ້ອງ​ກັນ, ຄວບ​ຄຸມ Covid – 19. ບັນດາ​ໝາກຜົນ​ດັ່ງກ່າວທີ່​ໄດ້​ຮັບ​ນັ້ນ​ແມ່ນ​ໂດຍ PACCOM ໄດ້ຮັກສາ​ກົນ​ໄກ​ແບ່ງປັນ​ຂໍ້​ມູນ​ຂ່າວສານ​ເພື່ອ​ເຜີຍ​ແຜ່, ແນະນຳ, ກໍານົດທິດ​ທາງ​ການ​ເຄື່ອນ​ໄຫວ​ຢູ່ ຫວຽດນາມ. ພ້ອມ​ກັນ​ນັ້ນ, ກໍ່ແນະນຳ​ບັນດາ​ອົງການ​ຄູ່​ຮ່ວມ​ມື​ຫວຽດນາມ ປະຕິບັດ​ບັນດາ​ລະບຽບ​ການ​ເປັນ​ຢ່າງ​ດີ​ໃນ​ຂະ​ບວນການ​ຮ່ວມ​ມື, ຕ້ອນຮັບ ​ແລະ ຈັດຕັ້ງປະຕິບັດ​​ໂຄງການ ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ.

ໃນປີ 2021, VUFO ໄດ້ປະສານງານກັບອົງການປະສານງານຂອງກະຊວງສາທາລະນະສຸກ ແລະ 55 ແຂວງ, ນະຄອນ ເພື່ອໜູນຊ່ວຍການສັກຢາວັກຊີນໃຫ້ແກ່ພະນັກງານ, ພາລະກອນທີ່ເຮັດວຽກຢູ່ບັນດາອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ. ໃນແຕ່ລະຈຸດສັກວັກຊີນ, ບັນດາອາສາສະໝັກໄດ້ແນະນຳເພື່ອນມິດສາກົນໃນການສັກຢາຕັ້ງແຕ່ການຂຽນຂໍ້ມູນສ່ວນຕົວ ຈົນເຖິງການວັດແທກຄວາມດັນເລືອດ, ການກວດ ແລະ ບໍລິເວນສັກຢາ...

ມາຮອດທ້າຍເດືອນພະຈິກ 2021, ມີ 24 ແຂວງ, ນະຄອນໄດ້ຈັດການສັກຢາວັກຊີນໃຫ້ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ ທັງໝົດເກືອບ 2,500 ຄົນ (ໃນນັ້ນມີປະມານ 1,500 ຄົນໄດ້ຮັບການສັກຢາ 2 ເຂັມ); 15/24 ແຂວງ, ນະຄອນ​ໄດ້​ສຳ​ເລັດ​ການ​ສັກ​ຢາ​ຄັ້ງ​ທີ 2 ​ໃຫ້​ແກ່​ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ (ຮ່າ​ໂນ້ຍ, ​ແຄ໋ງຮ່ວາ, ນິງທ້ວນ, ກວາງ​ນິງ, ​ເງ້ອານ, ຮ່າ​ຕິ້ງ, ເລິມ​ດົ່ງ, ​ໂຮ່ຈີ​ມິນ, ກຽນ​ຢາງ, ດົ່ງ​ນາຍ, ເບິນແຈ, ຫວິງລອງ, ອານຢາງ, ບີ່ງເຢືອງ, ດ່າໜັງ).

“ຂ້າ​ພະ​ເຈົ້າ​ມີ​ຄວາມ​ປະ​ທັບ​ໃຈ​ທີ່​ສຸດ​ຕໍ່​ນະ​ໂຍ​ບາຍ​ຂອງ​ລັດ​ຖະ​ບານ​ຫວຽດ​ນາມ ກ່ຽວ​ກັບ​ວຽກ​ງານ​ນີ້. VUFO ໄດ້​ເຮັດ​ທຸກ​ສິ່ງ​ທຸກ​ຢ່າງ​ນັບ​ແຕ່​ການ​​ເຊີນ​ພະນັກງານ​​ຂຶ້ນທະ​ບຽນ, ຈັດ​ຕັ້ງ​ໂຮງ​ໝໍ, ການ​ປະ​ສານ​ງານ”. ນັ້ນແມ່ນການແບ່ງປັນໂດຍທ່ານ Michael Brosowski, ຜູ້ອໍານວຍການຮ່ວມ, ຜູ້ກໍ່ຕັ້ງອົງການເດັກ ຣົ່ງແຊງ (Blue Dragon Children’s Foundation) - ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດໜຶ່ງ ທີ່ດໍາເນີນງານຢູ່ ຫວຽດນາມ ເມື່ອໄດ້ຮັບການສັກຢາປ້ອງກັນພະຍາດ Covid-19 ໃນວັນທີ 13 ກໍລະກົດ 2021.

ກ່າວ​ຄຳ​ເຫັນ​ກ່ຽວ​ກັບ​ການ​ເຄື່ອນ​ໄຫວ​ນີ້, ທ່ານ ຫງວຽນ​ຫງອກ​ຮຸ່ງ, ຫົວ​ໜ້າ​ຄະ​ນະ PACCOM ໃຫ້​ຮູ້​ວ່າ ໂລກ​ລະ​ບາດ Covid – 19 ໄດ້​ສົ່ງ​ຜົນ​ກະ​ທົບ​ຢ່າງ​ໃຫຍ່​ຫຼວງ​ຕໍ່​ບັນ​ດາ​ການ​ເຄື່ອນ​ໄຫວ​ຂອງບັນດາ ອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ ຢູ່​ຫວຽດ​ນາມ. ພວກ​ຂ້າພະເຈົ້າ​ໄດ້​ກຳນົດ​ວ່າ ​ໃນ​ເວລາ​ນີ້, ຕ້ອງໃຫ້ການໜູນຊ່ວຍ ບັນດາອົງການ​ບໍ່​ຂຶ້ນກັບ​ລັດຖະບານ​ຕ່າງປະ​ເທດ​ໃຫ້​ນັບ​ມື້​ນັບ​ຫຼາຍ​ຂຶ້ນ ແລະ ໃກ້ຊິດ​ຂຶ້ນ.