| ຈັດການເຄື່ອນໄຫວທີ່ມີຄວາມໝາຍຫຼາຍຢ່າງເພື່ອ ໜູນຊ່ວຍກຳມະກອນ, ຊາວຜູ້ອອກແຮງງານຕ້ອນຮັບບຸນເຕັດ | |
| ປັບປຸງການຫາເງິນລ້ຽງຊີບໃຫ້ແກ່ປະຊາຊົນເຜົ່າສ່ວນໜ້ອຍ |
 |
| EU ໜູນຊ່ວຍກວາງບິ່ງ ຍົກສູງຄວາມຮັບຮູ້ກ່ຽວກັບການປົກປັກຮັກສາສິ່ງແວດລ້ອມໃຫ້ແກ່ແມ່ຍິງ, ເດັກນ້ອຍ ແລະ ພໍ່ແມ່ປະຊາຊົນຊົນເຜົ່າສ່ວນໜ້ອຍ. ພາບ:baotintuc.vn |
ໂຄງການມີຍອດມູນຄ່າກວ່າ 1,6 ຕື້ດົ່ງ ທີ່ອຸປະຖໍາ ໂດຍສະຫະພັນເອີລົບ (EU) ເຊິ່ງໄດ້ຜັນຂະຫຍາຍຢູ່ບໍລິເວນ 2 ຕາແສງ ເຈື່ອງຊວນ ແລະ ວ້ານນີງ, ເມືອງ ກວາງນີງ, ແຂວງ ກວາງບີ່ງ ໃນເວລາ 12 ເດືອນ.
ໂຄງການດັ່ງກ່າວໄດ້ສຸມໃສ່ໃນການເຄື່ອນໄຫວຍົກສູງຄວາມສາມາດ, ຄຳແນະນຳທາງດ້ານກົດໝາຍ, ການຊ່ວຍເຫຼືອທາງດ້ານກົດໝາຍເບື້ອງຕົ້ນ, ໂດຍສະເພາະແມ່ນແມ່ຍິງ, ເດັກນ້ອຍ ແລະ ພໍ່ແມ່ປະຊາຊົນຊົນເຜົ່າສ່ວນໜ້ອຍໃນເຂດດັ່ງກ່າວ ໂດຍຜ່ານການເຄື່ອນໄຫວຝຶກອົບຮົມດ້ານການສື່ສານ, ຍົກສູງຄວາມຮູ້ທາງດ້ານກົດໝາຍ, ຊ່ວຍໃຫ້ປະຊາຊົນເຂົ້າໃຈສິດ ແລະ ວິທີການນຳໃຊ້ສິດຂອງພົນລະເມືືອງ ໃນດ້ານການປົກປັກຮັກສາສິ່ງແວດລ້ອມ, ຈາກນັ້ນກໍ່ມີການປ່ຽນແປງພຶດຕິກຳປົກປັກຮັກສາສິ່ງແວດລ້ອມ.
ເປົ້າໝາຍຂອງໂຄງການແມ່ນພາຍຫຼັງການປະຕິບັດຈະມີຢ່າງໜ້ອຍ 1.500 ຄົນ ໄດ້ຮັບການຍົກສູງຄວາມຮູ້, ໃນນັ້ນ ມີຊາວຊົນເຜົ່າສ່ວນໜ້ອຍ 200 ຄົນ , ຜູ້ທຸກຍາກ 200 ຄົນ ... ໂດຍສະເພາະແມ່ນບັນຫາມົນລະພິດສິ່ງແວດລ້ອມ, ເປັນຕົ້ນແມ່ນມົນລະພິດທາງອາກາດ ແລະ ທາງສຽງ ກໍ່ຄືການຈັດຕັ້ງປະຕິບັດກົດໝາຍວ່າດ້ວຍການປົກປ້ອງສິ່ງແວດລ້ອມປີ 2020 ແລະ ບັນດາເອກະສານນິຕິກຳທີ່ກ່ຽວຂ້ອງ ໂດຍປະຊົນຈະມີຄວາມເຂົ້າໃຈ, ຕິດຕາມ ແລະ ກວດກາຢ່າງແໜ້ນແຟ້ນ.
ໄຊພອນ
