| ມອບທຸງຊາດ 7000 ຜືນໃຫ້ແກ່ຊາວປະມົງ ຢູ່ເມືອງໂຖຈູ | |
| ໂຄງການ ລະດູບານໃໝ່ໃຫ້ແກ່ນ້ອງ ຄັ້ງທີ 15 ໄດ້ຮັບເງິນກ່ວາ 104 ຕື້ດົ່ງ |
 |
| ກອງປະຊຸມສຳມະນາ (ພາບ: baomoi.com) |
ທີ່ກອງປະຊຸມສຳມະນາ, ບັນດາພະນັກງານຂອງອົງການ CARE ໄດ້ແນະນຳວິທີການເຂົ້າເຖິງການເພີ່ມທະວີກຳລັງຄວາມສາມາດດ້ານເສດຖະກິດໃຫ້ແກ່ແມ່ຍິງ, ບັນດາໝາກຜົນຂອງການສຳຫຼວດໃນເບື້ອງຕົ້ນ, ສັງລວມໂຄງການ, ເປົ້າໝາຍ ແລະ ໂຄງປະກອບບຸກຄະລາກອນ ປະຕິບັດໂຄງການ.
ຜູ້ຕາງໜ້າບັນດາຝ່າຍທີ່ກ່ຽວຂ້ອງກໍ່ໄດ້ມີການປຶກສາຫາລືຢ່າງຕັ້ງໜ້າກ່ຽວກັບການເຂົ້າຮ່ວມຂອງແມ່ຍິງເຂົ້າໃນການເຄື່ອນໄຫວດ້ານເສດຖະກິດກໍ່ຄືຜົນກະທົບຂອງບັນດາວຽກງານເບິ່ງແຍງດູແລ ແລະ ເປັນແມ່ບ້ານບໍ່ມີເງິນເດືອນ ຕະຫຼອດຮອດການປະຕິບັດເສດຖະກິດຂອງແມ່ຍິງ. ສຳຄັນກ່ວານັ້ນແມ່ນ ບັນດາຜູ້ໄດ້ຮັບຜົນປະໂຫຍດໄດ້ແບ່ງຜັນໂດຍກົງກ່ຽວກັບຄວາມມຸ່ງມາດປາຖະໜາ ແລະ ຄວາມຮູ້ສຶກຂອງເຂົາເຈົ້າຕໍ່ກັບໂຄງການ. ນີ້ທັງເປັນກຳລັງແຮງ ທັງເປັນບັນດາຂໍ້ມູນທີ່ມີປະສິດທິຜົນຊ່ວຍໃຫ້ໂຄງການອາດຈະຕອບສະໜອງຄວາມຕ້ອງການ ແລະ ຄວາມຫວັງຂອງປະຊາຊົນຢ່າງດີທີ່ສຸດ.
ໂຄງການຈະໜູນຊ່ວຍໃຫ້ແກ່ແມ່ຍິງ ແລະ ເພດຊາຍຊາວຊົນເຜົ່າສ່ວນໜ້ອຍກ່ວາ 2.600 ຄົນ ຢູ່ 9 ຕາແສງຂອງເມືອງ ຕາມເດື່ອງ, ແຂວງລາຍເຈົາ ແລະ ເມືອງກວາງບິ່ງ, ແຂວງຮ່າຢາງ ໃນໄລຍະແຕ່ປີ 2021 – 2025.
AWEEV ໄດ້ຮັບຄວາມຫວັງວ່າຈະຊຸກຍູ້ສິດດ້ານເສດຖະກິດ, ພິເສດແມ່ນກຸ່ມແມ່ຍິງທຸກຍາກຢູ່ຊົນນະບົດ ແລະ ແມ່ຍິງຊົນເຜົ່າສ່ວນໜ້ອຍຢູ່ ຫວຽດນາມ ແລະ ເພີ່ມທະວີການເຂົ້າຮ່ວມຂອງເຂົາເຈົ້າໃນບັນດາການເຄື່ອນໄຫວດ້ານເສດຖະກິດ ທີ່ຈະໄດ້ຮັບເງິນເດືອນ.
ໂຄງການໄດ້ຮັບການອຸປະຖຳຈາກກະຊວງບັນດາບັນຫາທົ່ວໂລກ ການາດາ ແລະ ໜູນຊ່ວຍດ້ານເຕັກນິກຈາກສູນໜູນຊ່ວຍພັດທະນາຊົນນະບົດອົງຄະທາດ (CODAS), ສະຖາບັນຄົ້ນຄ້ວາສື່ມວນຊົນພັດທະນາ (RED), ກອງທຶນໜູນຊ່ວຍຄອບຄົວທີ່ມີລາຍຮັບຕ່ຳພັດທະນາເສດຖະກິດ (VietED) ພ້ອມກັບຄູ່ຮ່ວມມືທ້ອງຖິ່ນ.
ບຸນຄົງ
