| ທ່ານປະທານປະເທດ ຫວຽດນາມ ຢ້ຽມຢາມ, ລົງລະດົມກຳລັງໃຈກຳລັງສາທາລະນຸສຸກ ຢູ່ ດ່າໜັງ | |
| ປີ 2022ຕັ້ງໜ້າຫັນເປັນດີຈີຕອນ ເພື່ອສ້າງບາດກ້າວຢ່າງແຮງໃນທົ່ວຂະແໜງວັດທະນະທຳ |
 |
| ກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ (ພາບ: VGP) |
ກ່າວຄຳເຫັນຊີ້ນຳກອງປະຊຸມ, ທ່ານ ຫວໍວັນເຖືອງ ຜູ້ປະຈຳການຄະນະເລຂາທິການສູງການພັກ ໄດ້ສະເໜີໃຫ້ ຂະແໜງຂົນຂວາຍປະຊາຊົນ ຄວນເປັນເຈົ້າການກຳແໜ້ນ, ສ່ອງແສງຈິດໃຈ, ຄວາມມຸ່ງມາດປາດຖະໜາອັນຊອບທຳຂອງປະຊາຊົນໃຫ້ແກ່ຄະນະພັກ, ອຳນາດການປົກຄອງ ຢ່າງທັນການເພື່ອພິຈາລະນາແກ້ໄຂ, ເປັນຕົ້ນແມ່ນບັນດາບັນຫາທີ່ກ່ຽວຂ້ອງໂດຍກົງຕໍ່ຊີວິດການເປັນຢູ່, ວຽກເຮັດງານທຳ, ລາຍຮັບຂອງປະຊາຊົນ. ພ້ອມທັງຕ້ອງຮັບຮູ້ທັດສະນະ “ປະຊາຊົນແມ່ນກົກເຄົ້າ” ຢ່າງເລິກເຊິ່ງ ແລະ ຄົບຖ້ວນກ່ວາອີກ, ເສີມຂະຫຍາຍກຳລັງແຮງຂອງປະຊາຊົນ, ກຳລັງແຮງມະຫາສາມັກຄີທົ່ວປວງຊົນທັງຊາດ.
ທ່ານ ຫວໍວັນເຖືອງ ຮຽກຮ້ອງໃຫ້ສືບຕໍ່ເສີມຂະຫຍາຍກຳລັງແຮງຂອງທົ່ວປວງຊົນໃນການປະຕິບັດ 3 ໂຄງການເປົ້າໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່, ຫຼຸດຜ່ອນຄວາມທຸກຍາກແບບຍືນຍົງ, ພັດທະນາເສດຖະກິດ - ສັງຄົມ ໃຫ້ແກ່ພໍ່ແມ່ປະຊາຊົນຊົນເຜົ່າສ່ວນໜ້ອຍ ແລະ ເຂດພູດອຍ ຢ່າງມີປະສິດທິຜົນ. ຍູ້ແຮງຂະບວນການແຂ່ງຂັນຂົນຂວາຍປະຊາຊົນທີ່ດີ ຂອງລະບົບການເມືອງ, ຕິດພັນກັບການຂົນຂວາຍ, ຂະບວນການແຂ່ງຂັນຮັກຊາດໃນທຸກຂົງເຂດ, ຮັບປະກັນປະສິດທິຜົນ ແລະ ແທດຈິງ.
ບຸນຄົງ
