ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ດັ້ງຫ່ວາງອ່ານ ເນັ້ນໜັກຄືແນວນັ້ນ ທີ່ການພົບປະ ແລະ ເຮັດວຽກກັບທ່ານຮອງລັດຖະມົນຕີການຕ່າງປະເທດ ເບລາຣຸດ - ທ່ານ N. N. Borisevich ໃນວັນທີ 11 ມັງກອນນີ້ ຢູ່ ຮ່າໂນ້ຍ. ສອງຝ່າຍໄດ້ປຶກສາຫາລື ກ່ຽວກັບການກະກຽມການຢ້ຽມຢາມຫວຽດນາມຢ່າງເປັນທາງການ ຂອງທ່ານນາຍົກລັດຖະມົນຕີ ເບລາຣຸດ R.A. Golovchenko ໃນປີ 2022.
ໃນໄລຍະຜ່ານມາ, ການພົວພັນລະຫວ່າງຫວຽດນາມ ແລະ ເບລາຣຸດ ໄດ້ພັດທະນາການຮ່ວມມືຫຼາຍດ້ານ ບົນພື້ນຖານມູນເຊື້ອມິດຕະພາບທີ່ມີມາແຕ່ດົນນານ, ປະກອບສ່ວນສຳຄັນເຂົ້າໃນການສ້າງສາ ແລະ ພັດທະນາຂອງແຕ່ລະປະເທດຫວຽດນາມ ແລະ ເບລາຣຸດ ສົມທົບກັນປະຕິບັດສັນຍາການຄ້າເສລີ ຫວຽດນາມ - ເອີລົບ ເຊິ່ງ ເບລາຣຸດ ເຂົ້າເປັນສະມາຊິກ ແລະ ສັນຍາຮ່ວມມືສອງຝ່າຍໃນຂົງເຂດເສດຖະກິດຫຼາຍສະບັບ.
 |
| ເພີ່ມທະວີການພົວພັນດ້ານການຄ້າ ລະຫວ່າງ ຫວຽດນາມ ແລະ ເບລາຣຸດ. (ພາບ: vietnamplus) |
ທ່ານຮອງລັດຖະມົນຕີ Borisevich ໃຫ້ຮູ້ວ່າ: ຫວຽດນາມ ແມ່ນຄູ່ຮ່ວມມືທີ່ໜ້າເຊື່ອຖື ແລະ ສຳຄັນທີ່ສຸດໃນພາກພື້ນ, ເບລາຣຸດ ຍາມໃດກໍ່ສືບຕໍ່ຊຸກຍູ້ການຮ່ວມມືດັ່ງກ່າວ ເພື່ອແນໃສ່ຊຸກຍູ້ການພົວພັນຄູ່ຮ່ວມມືຍຸດທະສາດ. ການຢ້ຽມຢາມ ຫວຽດນາມ ຢ່າງເປັນທາງການຂອງທ່ານນາຍົກລັດຖະມົນຕີ ແຫ່ງສາທາລະນະລັດ ເບລາຣຸດ ໃນປີ 2022 ຄາດວ່າຈະສ້າງກຳລັງແຮງຊຸກຍູ້ການພົວພັນຮ່ວມມືລະຫວ່າງ ສອງປະເທດຂຶ້ນສູ່ລະດັບສູງໃໝ່, ໜູນຊ່ວຍຊຸກຍູ້ການຮ່ວມມືດ້ານການຄ້າ ແລະ ການລົງທຶນສອງຝ່າຍ, ຊຸກຍູ້ການຮ່ວມມືລະຫວ່າງສອງປະເທດ. ສອດຄ່ອງກັບສາຍພົວພັນທາງການເມືອງ ແລະ ການທູດທີ່ສະໜິດແໜ້ນລະຫວ່າງສອງປະເທດ.
ໜຶ່ງໃນການກະກຽມໃຫ້ແກ່ການຢ້ຽມຢາມຄັ້ງນີ້ ແມ່ນດຳເນີນກອງປະຊຸມຄັ້ງທີ 15 ຂອງຄະນະກຳມະການລະຫວ່າງລັດຖະບານ ຫວຽດນາມ - ເບລາຣຸດ ກ່ຽວກັບການຮ່ວມມືດ້ານເສດຖະກິດ - ການຄ້າ ແລະ ວິທະຍາສາດ - ເຕັກນິກ. ຕາມຄຳຮຽກຮ້ອງຂອງຝ່າຍເບລາຣຸດ, ສອງຝ່າຍໄດ້ຕົກລົງ ໂດຍພື້ນຖານວ່າຈະຈັດກອງປະຊຸມຄັ້ງນີ້ໃນທ້າຍເດືອນ ມີນາ 2022.
ກະຊວງອຸດສາຫະກຳ ແລະ ການຄ້າ ຫວຽດນາມ ຈະດຳເນີນການກວດກາຄືນກັບບັນດາກະຊວງ, ຂະແໜງການທີ່ກ່ຽວຂ້ອງກ່ຽວກັບສະພາບການຮ່ວມມືລະຫວ່າງ ຫວຽດນາມ - ເບລາຣຸດ, ພ້ອມກັນນັ້ນ ກໍ່ຮັກສາການພົວພັນຢ່າງແໜ້ນແຟ້ນ ກັບສະຖານທູດ ເບລາຣຸດ ປະຈຳ ຫວຽດນາມ ເພື່ອປຶກສາຫາລືບັນດາຫົວເລື່ອງທີ່ກ່ຽວຂ້ອການຈັດຕັ້ງກອງປະຊຸມ.
ພາຍຫຼັງການເຮັດວຽກກັບການນຳກະຊວງອຸດສາຫະກຳ ແລະ ການຄ້າ, ທ່ານຮອງລັດຖະມົນຕີ Borisevich ຄາດວ່າ ຈະມີການພົບປະກັບກົມສົ່ງເສີມການຄ້າ (ກະຊວງອຸດສາຫະກຳ ແລະ ການຄ້າ) ເພື່ອສືບຕໍ່ປຶກສາຫາລືບັນດາຂໍ້ສະເໜີລະອຽດ ເພື່ອຊຸກຍູ້ການຄ້າລະຫວ່າງສອງປະເທດ.
ຄຳຮຸ່ງ
